Isaías 13:19 - CHUYA QELLQA La Biblia en Quechua de Ayacucho 2012

¹⁹ Babilonia llaqtaqa, alhaja rumi hina llapa nacionkunapa qawasqan kaspapas, sumaq kayninmanta Caldea nacionpi runakunapa alabakunan kaspapas, Ñoqapa chinkachisqay Sodoma Gomorra llaqtakuna hina purmachisqam kanqa.

Quechua Ayacucho Bible 1987

¹⁹ Ñoqapa chinkachisqay Sodoma llaqta hinam alhaja rumi hina nacionkunapa qawapayasqan Babilonia llaqtaqa purmachisqa kanqa. Ñoqapa chinkachisqay Gomorra llaqta hinam Sumaq kayninmanta Caldea nacionpi runakunapa alabasqan Babilonia llaqtaqa purmachisqa kanqa.

Chuya Qellqa 1992

¹⁹ Babilonia llaqtaqa, alhaja rumi hina llapa nacionkunapa qawasqan kaspapas, sumaq kayninmanta Caldea nacionpi runakunapa alabakunan kaspapas, Ñoqapa chinkachisqay Sodoma Gomorra llaqtakuna hina purmachisqam kanqa.

Isaías 13:19 Iomraidhean Croise

Génesis 19:24

Tayta Dios-ñataqmi azufretawan ninata cielomanta parachimurqa Sodoma, Gomorra llaqtakunaman.

Génesis 19:25

Hinaspanmi chay qechwapi llaqtakunatapas, chaypi yachaq runakunatapas chaynallataq plantakunatapas lliwta puchukarachirqa.

Isaías 13:1

Amozpa churin Isaiasmi Babilonia nacionta iman pasananmanta kaynata nirqa:

Isaías 21:9

Waqaya caballokunapa aysasqan carretapi runakuna hamuchkan. ¡Babilonia naciontam vencerunku, idolonkunapas pampakunapiñam ñutupasqa wischurayachkan! nistin.

Isaías 47:5

Sipas kaqlla Caldea llaqta upallalla tiyay, tutayaymanña yaykuy; qamtaqa manañam pipas nisunkiñachu: “Nacionkunapi munaychakuq llaqta”, nispaqa.

Isaías 48:14

Chaynaqa, israelpa mirayninkuna, huñunakuspa uyariwaychik: ¿Mayqannin idolotaq kaykunata willakurqa? Ñoqa Tayta Diospa kuyasqay rey Cirom Babiloniawan chaynallataq Caldea nacionwan munasqayta ruwanqa.

Jeremías 25:12

Qanchis chunka wata pasaruptinmi, Babilonia nacionpa reynintawan Caldea nacionniyuq runakunata, mana allinkuna ruwasqankumanta puchukarachisaq. Ñoqa Tayta Diosmi chaynata nini.

Jeremías 49:18

Imaynam chinkachisqay Sodoma, Gomorra chaynataq muyuriqninpi llaqtakuna hinam, Edom nacionpas manaña runayuq kanqa, manañam chaypiqa pipas yachanqakuñachu. Ñoqa Tayta Diosmi chaynata nini.

Jeremías 50:40

Sodoma, Gomorra chaynataq muyuriqninpi llaqtakuna hinam Babilonia nacionqa manaña runayuq chunninqa, manañam pipas chaypiqa yachanqakuñachu, nitaqmi chayninta pasaqkunapas samarinqakuñachu. Ñoqa Tayta Diosmi chaynata nini.

Jeremías 51:26

Purmasqa perqaykikunapa ruminkunaqa manañam wasi ruwananpaqpas servikunqañachu, pasaypaq purmachisqam kanki. Ñoqa tayta Diosmi chaynata nini.

Jeremías 51:29

Babilonia nacionta manchakuypaq chunniqman tikrananpaq tanteasqanta Tayta Dios ruwayman churaptinqa allpapas katkatatanqaraqmi.

Jeremías 51:41

Babiloniam presochasqa rikurirun, llapallan nacionpa alabanan nacionmi vencesqa rikurirun, chayta qawaspam wakin nacionkunapas mancharikunku.

Jeremías 51:62

hinaspam ninki: “Dios Taytalláy, kay nacionta manaña runayuq manaña animalniyuq kanankama chinkachinaykipaqmi rimarqanki, chaynapi wiñaypaq chunniptin manaña pipas chayninta pasanankupaq”, nispayki.

Daniel 4:30

nirqa: “¡Mayna hatunmi kay Babilonia llaqtaqa! Ñoqapunim hatun atiyniywan kay llaqtataqa munaychakuyniypa chawpin kananpaq hatarichirqani, chaynapi ancha reqsisqa kasqaymanta alabakunaypaq”, nispa.

Amós 4:11

Sodoma Gomorra llaqtakunata hinam chinkarachirqaykichik, ninamanta hurqosqa sansa hinam karqankichik, ichaqa manam ñoqaman kutirikamurqankichikchu. Tayta Diosmi chaynata nin.

Sofonías 2:9

Chayraykum Tukuy Atiyniyuq Tayta Dios kaynata nin: Moab nacionmi Sodoma hina kanqa, Amón castakunapas Gomorra hinam kanqa, itanakunapa wiñananmanñam tikrakunqa, kachi orqomanñam tikrakunqa, mana imapa kanan chunniqñam wiñaypaq kanqa. Llaqtaymanta puchuqkunam tukuy imankupipas munaychakunqaku.

Romanos 9:29

Ñawpaqtaraqmi Isaías nirqa: “Sichum Tukuy Atiyniyuq Señor Dios, mirayninchikta mana puchuykachiptinqa, Sodoma llaqta hinachá kachwan karqa, Gomorra llaqta hinachá kachwan karqa”, nispa.

Deuteronomio 29:23

Chay allpaqa azufreyuq, kachiyuq hinaspa kañasqa, mana tarpuna, mana imapapas ikllinan nitaq qorapapas wiñanan allpam kanqa. Sodomapa, Gomorrapa, Admapa chaynataq Zeboimpa allpankunamanmi rikchakunqa. Chaykunatam Tayta Dios anchata piñakuspan chinkarachirqa.

Apocalipsis 18:11

Kay pachapi negociantekunapas manaña pipas negocionku rantiq kaptinmi, hatu-hatun llakikuywan chay llaqtamanta waqanqaku.

Apocalipsis 18:19

Umankuman allpata machqekuspankum waqayllawanña qayaykachakurqaku: “¡Ay, ay, imaynaraq kanqa kay hatu-hatun llaqtaqa! Lamar qochapi barcokunapa llapallan dueñonkunam apuyarurqaku, chay llaqtapa qori-qollqenwanmi paykunaqa apuyarurqaku, ¡Huk ñawi qemchiyllatam chay llaqtaqa purmarurqa!