Isaías 13:11 - CHUYA QELLQA La Biblia en Quechua de Ayacucho 2012

¹¹ Tayta Diosmi kaynata nin: Kay pachapi runakunatam huchankumanta castigarusaq, mana allinkuna ruwaq runakunatam castigarusaq. Hatun tukuqkunapa hatunchakuynintam tukurusaq, munaychakuspa pay tukuqkunatam kumuykachachisaq.

Quechua Ayacucho Bible 1987

¹¹ Tayta Diosmi nin kaynata: Kay pachapi runakunatam huchankumanta castigasaq. Mana allin ruraq runakunatam mana allin rurasqankumanta castigasaq. Orgulloso runakunapa hatun tukuynintam tukuchisaq. Orgullowan gobiernaqkunatam humillachisaq.

Chuya Qellqa 1992

¹¹ Tayta Diosmi kaynata nin: Kay pachapi runakunatam huchankumanta castigarusaq, mana allinkuna ruwaq runakunatam castigarusaq. Hatun tukuqkunapa hatunchakuynintam tukurusaq, munaychakuspa pay tukuqkunatam kumuykachachisaq.

Isaías 13:11 Iomraidhean Croise

Jobwan Sutichasqa Libro 40:12

Mana kasukuqkunatayá qawarispa uchuychay, mana allin runakunatayá maypi kaptinkupas chinkachiy.

Proverbios 11:31

Allin kawsakuq runa pagonta kay pachallapiraq chaskiptinqa, aswanraqmi mana allin runawan huchasapapas pagonkutaqa chaskinqaku.

Proverbios 8:13

Tayta Diosta kasukuyqa mana allin ruwayta cheqniymi. Ñoqaqa hatun tukuq runatawan hatunchakuytaqa cheqninim, mana allin kawsaytawan llullalla rimaytaqa cheqninim.

Isaías 11:4

Wakchakunatam imam derechonkuman hina juzganqa, kay pachapi wakchakunatam Diospa munasqanman hina nanachikunqa, rimayninwanmi kaspiwan hina mana allin runata ñakarichinqa, siminmanta lloqsimuq atiyninwanmi mana allin ruwaqkunata wañuchinqa.

Isaías 14:21

Taytankupa huchanrayku wawa-churinkuta wañuchinapaqyá allichakuychik. Yanqañataq kaynakunaqa allpata hapikurunmanku; kaynakunaqa amaña maypipas llaqtayachunkuchu.

Isaías 14:5

Mana allin runapa atiynintam kaspita hina Tayta Dios pakiparun,

Isaías 2:11

Hatun tukuq runakunapas uchuychasqam kanqaku, hatunchakuqkunapas kumuykachisqam kanqaku. Chay tiempopiqa Tayta Diosllañam hatunchasqa kanqa.

Isaías 2:12

Tukuy Atiyniyuq Tayta Diospa punchawninmi hamuchkan, hatun tukuqkunata uchuychananpaq, hatunchakuqkunata tuñichinanpaq;

Isaías 2:17

Hatun tukuq runakunam uchuychasqa kanqaku, hatunchakuq runakunam tuñichisqa kanqaku. Chay tiempopiqa Tayta Diosllañam hatunchasqa kanqa.

Isaías 22:14

Tukuy Atiyniyuq Tayta Diosmi rinrillaypi kaynata niykuwarqa: Kay mana allin ruwasqaykichikmantaqa manapunim pampachasqaykichikchu, huchaykichikpim wañunkichikpas, nispa. Tukuy Atiyniyuq Tayta Diosmi chaynata nin.

Isaías 23:9

Tukuy Atiyniyuq Tayta Diosmi chaynata tantearqa, chaypi llapallan hatunchakuqkunata penqayman churananpaq, kay pachapi llapallan hatun tukuqkunata mana kaqman churananpaq.

Isaías 24:21

Chay punchawmi Tayta Dios ñakarichinqa hanaq pachapi kaqkunatapas, chaynallataq kay pachapi reykunatapas.

Isaías 25:3

Chayraykum takyasqa llaqtakuna yupaychasunki, mana llakipayakuq llaqta kachkaspapas manchakusunkim.

Isaías 25:5

Qamqa chunniq allpapi rupay hinaraqmi huklaw nacionmanta hatunchakuq runakunata kumuchinki, imaynam puyu llanturuptin rupay chiriyarun chaynam badulaki runapa pay tukuq kayninta chinkarachinki.

Isaías 26:21

Tayta Diosqa maypim kasqanmantam lloqsimunqa, paypa contranpi huchallikusqankuraykum kay pachapi yachaqkunata castigananpaq hamunqa; kay allpaqa manañam wañusqakunapa yawarninta pakanqañachu, wañusqakunatapas manañam pakanqañachu.

Isaías 29:20

Runamasin ñakarichiqpas tukunqam, asipayakuqkunapas chinkanqam, mana allinkunalla maskaqkunapas chinkarunqakum.

Isaías 29:5

Enemigoykikunapas ñutu allpaman tikrasqam kanqaku, qatikachasuqnikikunapas wayrapa apanan qopa hinam kanqaku. Qonqayllamantam chaynaqa rikurinqaku.

Isaías 3:11

¡Imaynaraq kanqaku mana allin ruwaqkuna! Mana allin ruwasqankunaman hinam Dios pagapunqa.

Isaías 5:15

Chaynatam runakunata uchuychanqa, hatun tukuqkunatam kumuykachachinqa.

Isaías 65:7

Mana allinkuna ruwasqaykichikmantam, ñawpaq taytaykichikkunapas orqokunapi inciensota kañaspa piñachiwasqankumantam, pagapusqaykichik, nispa.

Jeremías 48:29

Moab nacionpa hatun tukuq, pay tukuq, qari tukuq, badulaki, hinaspa mana kasukuq kasqantaqa yachanchikmi.

Daniel 4:34

Chay sentenciawasqan tiempo cumplikuruptinmi ñoqa Nabucodonosor alto cielota qawarirqani, hinaptinmi yuyayniy huktawan kutiykuwarqa. Chaymi tukuy imapa hawanpi munaychakuq Diosta hatuncharqani, wiña-wiñaypaq kawsaq Diostam yupaycharqani, wiña-wiñaypaq Diosmanmi graciasta qorqani, paypa munaychakusqanqa wiña-wiñaypaqmi takyan, payqa runapa lliw mirayninkunapim munaychakun.

Habacuc 2:4

Mana allin runaqa hatun tukuqmi, allin ruwaq runam ichaqa iñisqanrayku kawsanqa.