Isaías 12:4 - CHUYA QELLQA La Biblia en Quechua de Ayacucho 2012

⁴ Chay punchawmi ninkichik: Graciasta qospa Tayta Diosman qaparispa takiychik, tukuy ima ruwasqankunata lliw llaqtakunaman reqsichiychik, sutin hatunchasqa kasqanta yuyariychik.

Quechua Ayacucho Bible 1987

⁴ Chay punchawmi ninkichik: Tayta Diosmanyá graciasta qoychik. Tayta Diostayá mañakuychik. Tukuy rurasqanmantayá nacionkunaman willakuychik. Payqa tukuy imapa hawanpi kasqanmantayá nacionkunaman yuyarichiychik.

Chuya Qellqa 1992

⁴ Chay punchawmi ninkichik: Graciasta qospa Tayta Diosman qaparispa takiychik, tukuy ima ruwasqankunata lliw llaqtakunaman reqsichiychik, sutin hatunchasqa kasqanta yuyariychik.

Isaías 12:4 Iomraidhean Croise

1~Crónicas 16:8

Tayta Diosta yupaychaychik, sutinta hatunchaychik, ruwasqankunata llaqtakunaman reqsichiychik.

1~Crónicas 29:11

Dios Taytalláy, mayna hatunmi qamqa kanki, mayna hatunmi atiynikipas, mayna sumaqmi kanki, mayna kuyayllapaqmi kanki, mayna munayniyuqmi kanki; cielopi kaqkunapas qamllapam, kay pachapi kaqkunpas qamllapam. Dios Taytalláy, qamllam tukuy imapi munaychakuqqa kanki.

Nehemías 9:5

Chay-mantam levitakunamanta Josueywan Cadmiel, Bani, Hasabnías, Serebías, Hodías, Seba-nías hinaspa Petaías, kaynata nirqaku: Hatarispa wiñaymanta wiñaykama yupaychasqanchik Tayta Diosta hatun-chaychik. Dios Taytallayku, tukuy imamantapas aswanqa sutikiyá hatunchasqa kachun.

Éxodo 15:2

Tayta Diosmi kallpanchaqniyqa, Tayta Diosmi salvawaqniyqa, chaymi payman takipusaq. Payqa ñoqapa Diosniymi, chayraykum yupaychasaq; payqa ñawpaq taytaykunapa Diosninmi, chayraykum hatunchasaq.

Éxodo 33:19

Chaymi Tayta Dios nirqa: “Lliw kuyakuyniytawan allin kayniytam qawachisqayki, ñawpaqnikipim sutiyta rimasaq. Ñoqaqa kuyapayay munasqaytam kuyapayasaq, hinaspam llakipayay munasqayta llakipayasaq.

Isaías 12:1

Chay punchawmi ninki: Dios Taytalláy, graciastam qoyki, contraypiña piñakuruchkaspaykipas piñakuynikitam ñoqamanta asuriykachinki. Kunanqa qanmi hawkayayta qoykuwanki.

Isaías 2:11

Hatun tukuq runakunapas uchuychasqam kanqaku, hatunchakuqkunapas kumuykachisqam kanqaku. Chay tiempopiqa Tayta Diosllañam hatunchasqa kanqa.

Isaías 2:17

Hatun tukuq runakunam uchuychasqa kanqaku, hatunchakuq runakunam tuñichisqa kanqaku. Chay tiempopiqa Tayta Diosllañam hatunchasqa kanqa.

Isaías 24:15

Chayraykuyá intipa qespimunan lawpi kaqkunapas Tayta Diosta hatunchaychik, lamar qocha patanpi kaqkunapas, Israelpa yupaychasqan Tayta Diospa sutinmantam rimarinku.

Isaías 25:1

Dios Taytalláy, Diosniymi kanki; sutikita hatunchaspam yupaychayki, ñawpaqmanta admirakuypaq prometesqayki kaqkunatam ruwayman churarunki.

Isaías 26:8

Dios Taytallayku, kamachikuynikiman hina kawsaspam qamllapi sunita sayaniku, qanmanta yuyarispam sonqoykupi yuyaymanayta munaniku.

Isaías 33:5

Hanaq pachapi yachakuq Tayta Diosmi hatunchasqa kachkan, Sión llaqtatam mana pimanpas sayapakuywan chaynataq allinkuna ruwaywan huntaykun.

Isaías 42:12

Tayta Diosta hatunchaychik, hatunchasqa kasqanta lamar qochapa patankunapi willakuychik.

Isaías 48:20

Babilonia llaqtamanta lloqsiychik, Caldea nacionpa chawpinmanta ayqeychik, kusikuywan qaparispa willakamuychik, kay pachapa tukupayninkama kaynata uyarichimuychik: “Tayta Diosmi serviqnin Jacobta libraykun”, nispa.

Isaías 66:19

Paykunamanmi huk señalta qosaq. Wañuymanta lluptiqkunatam kay nacionkunaman kachasaq: Tarsis llaqtaman, Libia llaqtaman, flechana arma manejaq Lidia llaqtaman, Tubal llaqtaman Grecia llaqtaman, hinaspa lamar qochapa patankunapi karu nacionkunamanpas. Chaypi kaq runakunaqa manam haykapipas ñoqamanta uyarirqakuchu, nitaqmi atiyniytapas reqsinkuchu. Paykunam chay nacionkunaman atiyniymanta willamunqaku.

Jeremías 50:2

Llapallan nacionkunaman willakamuychik, banderata hoqarispa qapariychik, mana imata pakaspa kaynata niychik: “Babilonia nacionmi vencesqa rikurirun, Bel sutiyuq idolonkum penqaypi rikurirun, Marduc sutiyuq idolonkupas ñutupasqam kachkan, tukuy rikchaq idolonkunapas penqakuypaqmi ñutupasqa kachkan”, nispaykichik.

Malaquías 1:11

Ñoqataqa intipa qespimunan lawmanta qallaykuspa intipa seqaykunan lawkamam lliw nacionkuna hatunchawanku, yupaychawanankupaqpas tukuy hinastinpim inciensokunatawan suma-sumaq ofrendakunata kañapuwanku. Llapallan nacionkunapim sutiyqa hatunchasqa. Tukuy Atiyniyuq Tayta Diosmi chay-nata nin.

Juan 17:26

Yachachirqanim pim kasqaykita, chaywanpas hinallaraqmi yachachisaq, chaynapi kuyawasqaykiman hina paykunapas kuyanakunankupaq chaynataq ñoqapas paykunapi kanaypaq, nispa.