Isaías 12:3 - CHUYA QELLQA La Biblia en Quechua de Ayacucho 2012

³ Qamkunapas kusikuyllawanñam salvación qokuq pukyumanta yakuta tomankichik.

Quechua Ayacucho Bible 1987

³ Qamkunam kusikuyllawanña yakuta horqonkichik. Salvasunaynichikpaqmi pukyumanta yakuta horqonkichik.

Chuya Qellqa 1992

³ Qamkunapas kusikuyllawanñam salvación qokuq pukyumanta yakuta tomankichik.

Isaías 12:3 Iomraidhean Croise

Cantares 2:3

Imaynam purun sachakunapa chawpinpi manzana, chaynam kuyakusqaypas jovenkunapa chawpinpi. ¡Mayna sumaqmi llantuyninpi tiyaykuyniyqa! ¡Mayna miskim rurunpas mikuykuptiyqa!

Isaías 41:18

Chaki orqokunamantam mayukunata paqchachimusaq, qechwakunapim pukyukunata rikurichisaq chunniqkunatam qochakunaman tikrarusaq, chaki allpakunamantam yakukunata pullpuchimusaq.

Isaías 49:10

Manam yarqachikunqakuchu, nitaqmi yakunayachikunqakuchu, intipa rupayninpas manam ñakarichinqachu; kuyapayaspaymi paykunata pusasaq, pukyumanta lloqsiq yakupa kasqanmanmi pusasaq.

Jeremías 2:13

Llaqtaymi iskay mana allin huchata ruwarun: Kawsachiqninku yaku kachkaptiypas saqeruwankum kikinkuñam pozonkuta toqokurunku, yakuta mana takyachiq raqra pozokunatañam ruwakurunku.

Ezequiel 47:9

Maymanpas kay mayupa chayasqanpiqa tukuy rikchaq animalkunawan challwakunam kawsanqa. Kay mayupa yakunkunam qatqe yakukunatapas miskiyachinqa, hinaptinmi tukuy rikchaq animalkunaña kawsanqa.

Zacarías 13:1

Chay tiempopim huk pukyumanta yaku lloqsiptin, chay yakupi Davidpa mirayninkunawan Jerusalenpi yachaqkuna huchankumantawan milla-kuypaq mana allin ruwasqankumanta chuyanchakunqaku.

Juan 1:16

Paypa tukuy kapuqninmantam chani-chaninta mana imallapaq chaskinchik.

Apocalipsis 22:1

Huk angelmi chuyay-chuyay mayuta qawaykachiwarqa, chay mayuqa kawsay yakum kasqa. Chay yakuqa kasqa cristal hina chuyay-chuyaymi, chayqa lloqsimusqa Diospa hinaspa Corderopa trononmantam.

Apocalipsis 22:17

Chuya Espirituwan Corderopa novianmi kaynata ninku: ¡Hamuy! nispanku. Pipas uyariqqa nichun: ¡Hamuy! nispa. Pipas yakunayachikuqqa hamuspayá kawsachikuq yakuta mana imallapaq tomachun.

Apocalipsis 7:17

Diospa trononpa chawpinpi kaq Corderom paykunataqa michinqa hinaspam kawsay qokuq yakukunapa kasqanman pusanqa. Waqasqanku weqenkutapas Diosñam pichanqa, nispa.

1~Samuel 2:1

Anam Diosta mañakuspan nirqa: Dios Taytalláy, tukuy sonqoymantam kusikuchkani, qamllapim ñoqaqa kallpanchakuchkani, enemigoykunapa simintam upallachini, salvaykuwasqaykimantam kunanqa kusikuchkani.