Isaías 11:5 - CHUYA QELLQA La Biblia en Quechua de Ayacucho 2012

⁵ Allinkuna ruwayninmi kanqa wasan watakun hina, mana pantaq kayninmi kanqa weqaw watakun hina.

Quechua Ayacucho Bible 1987

⁵ Allinkuna rurayninmi pachan hina kanqa. Confiakuna kayninmi chumpin hina kanqa.

Chuya Qellqa 1992

⁵ Allinkuna ruwayninmi kanqa wasan watakun hina, mana pantaq kayninmi kanqa weqaw watakun hina.

Isaías 11:5 Iomraidhean Croise

Isaías 25:1

Dios Taytalláy, Diosniymi kanki; sutikita hatunchaspam yupaychayki, ñawpaqmanta admirakuypaq prometesqayki kaqkunatam ruwayman churarunki.

Isaías 32:1

Mana pimanpas sayapakuspa munaychakuq reymi kanqa, kamachikuypi yanapaqninkunapas lliwpaqmi allinkunallata ruwanqa.

Isaías 59:17

Allinkuna ruwasqanwanmi qasqonta hinaspa wasanta harkachikunawan hinaraq churakurqa, salvaq kasqanwanmi cascowan hinaraq churakurqa, vengakuyninwanmi pachawan hina churakurqa, piñakuyninwanmi mantonwan hina capakurqa.

Isaías 9:6

Wawam nacerapuwanchik, churitam Tayta Dios qoykuwanchik, munaychakunanpaqmi atiyta qoykun. Paytam sutichanqaku: Admirakuypaq, allin Consejakuq, Tukuy Atiyniyuq Dios, Wiña-Wiñaypaq Yaya, hinaspa Hawkayayta Qokuq, nispa.

Isaías 9:7

Rey Davidpa trononmantam kamachikunqa, munaychakuyninpa atiyninmi tukuy hinastinman chayanqa, munaychakuyninpiqa hawkayaypas manam tukunqachu, munaychakuyninqa wiña-wiñaypaqmi takyanqa. Mana pimanpas sayapakuspam kamachikunqa, allin arreglokunawanmi munaychakunqa, kunanmanta wiña-wiñaykama. Tukuy Atiyniyuq Tayta Diospa kuyakuyninmi chaytaqa ruwanqa.

Oseas 2:20

Manaña rakinakunapaq casaraptiymi Dios kasqayta riqsiwanki.

Zacarías 8:16

Chaynaqa, kaykunata ruwaychik: Runamasikichikwan cheqap kaqta rimaychik, mana pimanpas sayapakuspa allin arreglota ruwaychik, cortekunapipas hawkayayta maskaychik.

2~Corintios 6:7

cheqapta willakuspayku hinaspa ichoqmanpas alleqmanpas Diospa atiyninwan allin kaqta ruwaspa defiendekuniku.

Efesios 6:14

Allintayá sayaychik, chumpiwan hinayá cheqap kaqwan watakuychik, qasqo harkachikunawan hinayá allin ruwaywan pachallikuychik.

Hebreos 2:17

Chayraykum wawqenkunaman tukuy imapi rikchakurqa chaynapi llakipayakuq hinaspa hapipakunapaq kasqanrayku Diospa qayllanpi sacerdotekunapa kamachiqnin kananpaq hinaspa runakunapa huchanrayku wañuspan, paykunapaq Diospa pampachakuyninta haypananpaq.

1~Pedro 4:1

Imaynam Cristopas ñoqanchikrayku cuerponpi ñakarirqa, chaynayá qamkunapas pay hina ñakarinaykichikpaq listolla kaychik, pipas cuerponpi ñakariqqa huchamantam rakikurunña,

1~Juan 1:9

Sichum huchanchikkunata willakuptinchikqa, paymi mana engañakuspa allin ruwaq kasqanrayku pampachawasun, hinaspam tukuy mana allin ruwasqanchikmanta mayllawasun.

Apocalipsis 1:13

chay qanchis candelabrokunapa chawpinpim kachkasqa, Diosmanta Hamuq Runaman rikchakuq, payqa kachkasqa chakinkama qoysu pachayuqmi, qasqonñataqmi kasqa qorimanta chumpiwan watasqa.

Apocalipsis 3:14

Laodicea llaqtapi iglesiapa angelninman kaynata qellqay: Amén niq, cheqap niq, allin testigo kaq hinaspa qallariypi tukuy imata Dios unanchaptin chaypi kaqmi kaynata nin: