Isaías 11:16 - CHUYA QELLQA La Biblia en Quechua de Ayacucho 2012

¹⁶ Imaynam Israel castakuna Egipto nacionmanta lloqsimuptinku hatun ñan karqa, chaynam hatun ñan kanqa Asiria nacionpi puchuqkuna kutimunankupaqpas.

Quechua Ayacucho Bible 1987

¹⁶ Imaynam hatun ñan karqa Israel castakuna Egipto nacionmanta hamunanpaq, chaynam kanqa hatun ñan Asiria nacionpi puchuqkuna hamunanpaq.

Chuya Qellqa 1992

¹⁶ Imaynam Israel castakuna Egipto nacionmanta lloqsimuptinku hatun ñan karqa, chaynam hatun ñan kanqa Asiria nacionpi puchuqkuna kutimunankupaqpas.

Isaías 11:16 Iomraidhean Croise

Éxodo 14:22

Chaymi Israelpa mirayninkuna lamar qochapa chawpinta, chaki allpanta pasarqaku, yakukunam alleq lawninkupi hinaspa ichoq lawninkupi perqa hina karqa.

Isaías 1:9

Sichum Tukuy Atiyniyuq Dios kamallatapas mana puchuykuwaptinchikqa Sodoma, Gomorra llaqtakunamanñachá rikchakuchwan karqa.

Isaías 10:20

Chay tiempopiqa, Israel castakunamanta puchuqkunapas, Jacobpa mirayninkunamanta lluptiqkunapas wichichiqninkupiqa manañam hapipakunqakuñachu, aswanqa Señorllapiñam hapipakunqaku, Israelpa Chuya Diosllanpiñam hapipakunqaku.

Isaías 11:11

Chay tiempokunapim, puchuq runankunata reclamananpaq Tayta Dios huktawan makinta hoqarinqa, hinaspam Asiriamanta, Egiptomanta, Patrosmanta, Cusmanta, Sinarmanta, Hamatmanta, Elam lawmanta, lamar qochapa patanpi kaq nacionkunamanta huñumunqa.

Isaías 19:23

Chay punchawpim Egipto nacionmanta Asiria nacionkama hatun ñan kanqa, hinaptinmi Asiria nacionpi kaqkuna Egiptoman rinqaku, Egiptopi kaqkunapas Asiriamanmi rinqaku. Chaynapim iskaynin llaqta kuskanku Tayta Diosta yupaychanqaku.

Isaías 27:13

Hina chay punchawpim, hatun trompetata tocanqaku, hinaptinmi Asiriapi chinkasqakunawan Egiptoman qarqosqakunapas kutimunqaku, Jerusalén llaqtapi Tayta Diosta hatunchanankupaq, sapaqchasqan Sión moqopi Tayta Diosta hatunchanankupaq.

Isaías 49:11

Orqonkunatam ñanta ruwasaq, hatun ñankunatam allichasaq.

Isaías 49:12

Qawariychik, karukunamantaraqmi hamuchkanku: Wakinmi norte lawmanta, wakinmi intipa seqaykunan lawmanta, wakinkunañataqmi Sinim lawmanta.

Isaías 51:10

¿Manachum qamqa kachkanki uku-uku lamar qochata chakichispa, salvasqaykikuna chayninta lluptinankupaq ñanta kichaykuq?

Isaías 57:14

Tayta Diosmi nin: Ñanta kichaspa allichaychik, llaqtay pasananpaq ñanpi mitkachikuqkunata wischuychik, nispa.

Isaías 62:10

Lloqsiychik, lloqsiychik punkunkunata, llaqtaypaq ñanta allichaychik, ñanta sumaqta kichaychik, ruminkunata wischuychik. Llapallan nacionkuna qawananpaq banderata sayachiychik.

Sofonías 2:7

Judamanta puchuqkunapaqmi kanqa, ovejankutapas chaypiñam michinqaku. Ascalón llaqtapa wasinkunapim paykunaqa tutanpas samakunqaku. Chaynaqa kanqa Tayta Diosninku watukuspa preso risqankumanta kutichimusqanraykum.