Isaías 11:14 - CHUYA QELLQA La Biblia en Quechua de Ayacucho 2012

¹⁴ Aswanqa kuskankuñam intipa seqaykunan lawman kallpaspa filisteokunata qepanmanta atacanqaku, intipa qespimunan lawpi nacionkunapa kapuqninkutam qechumunqaku. Paykunam sirvichikunqaku Edomitakunawan, Moabitakunawan. Amonitakunapiñataqmi munaychakunqaku.

Quechua Ayacucho Bible 1987

¹⁴ Aswanqa iskayninkuñam Filistea runakunapa contranpi pawanqaku. Intipa seqaykunan law qepankumantam paykunata atacanqaku. Intipa qespimunan lawpi runakunatam saqueanqaku. Paykunam munaychakunqaku Edom runakunapi. Paykunam munaychakunqaku Moab runakunapi. Paykunamanmi Amon runakuna sujetakunqaku.

Chuya Qellqa 1992

¹⁴ Aswanqa kuskankuñam intipa seqaykunan lawman kallpaspa filisteokunata qepanmanta atacanqaku, intipa qespimunan lawpi nacionkunapa kapuqninkutam qechumunqaku. Paykunam sirvichikunqaku Edomitakunawan, Moabitakunawan. Amonitakunapiñataqmi munaychakunqaku.

Isaías 11:14 Iomraidhean Croise

Isaías 14:29

Filistea llaqtayuqkuna, maqasuqnikichikpa tawnan pakirusqanraykuqa amayá kusikuychikchu. Maqta urupa sapinmantaqa aswan kachukuq maqta ururaqmi lloqsimunqa, pawaq maqta ururaqmi lloqsimunqa.

Isaías 15:1

Moab llaqtapa contranpim Isaías kaynata willakurqa: Ar llaqtata ñutusqanku tutam Moab nación tuñichisqa karqa. Kir llaqtata vencesqanku tutam Moab nación purmachisqa karqa.

Isaías 16:14

Kunanñataqmi Tayta Dios kaynata nin: Kimsa watamantam, llamkapakuq runapa yupasqan watamanta hina, Moab nacionpa hatun kayninqa tuñichisqa kanqa, nana-nanaq runayuq kaspapas penqayman churasqam kanqa. Chaymanta puchuqkunapas mana atiyniyuq pisi runakunallam kanqaku, nispa.

Isaías 25:10

Tayta Diosmi Sión moqota atiyninwan waqaychanqa; Moab naciontam ichaqa, wanupatapi qopata hina maymi kasqampi saruparunqa.

Isaías 33:1

¡Ay, imaynaraq kankichik, purmachiq kachkaspa mana purmachisqakuna, traicionaq kachkaspa mana traicionasqakuna! Purmachiyta tukuruspam qampas purmachisqa kanki, traicionayta tukuruspam qampas traicionachikunki.

Isaías 59:19

Intipa qespimunan lawpi kaqkunam Tayta Diosta manchakunqaku, intipa seqaykunan lawpi kaqkunam atiyninta hatunchanqaku. Payqa lloqlla hinaraqmi hamunqa, Diospa pukuyninpa kallpachimusqan mayu hinaraqmi hamunqa.

Isaías 60:14

Ñakarichiqnikikunapa churinkunam uchuychakuspanku ñawpaqnikiman hamunqaku, usuchisuqnikikunam ñawpaqnikipi qonqoranqaku, paykunam sutichasunki: “Tayta Diospa llaqtan, Israelpa Chuya Diosninpa Sión llaqtan”, nispanku.

Isaías 63:1

¿Pitaq wak Edom lawmanta, Bosra lawmanta pukankama pachayuq hamuchkan? ¿Pitaq wak allin pachasqa qari-qarillaña hamuchkan? Ñoqa cheqap rimaq Tayta Diosmi hamuchkani, atiyniywan salvaqmi hamuchkani.

Isaías 9:12

Intipa qespimunan lawmantam Siria runakuna, intipa seqaykunan lawmantam filisteokuna Israel llaqtata siminku huntata millpururqaku. Chaywanpas Tayta Diosqa hinallam piñasqa kachkan, atiyninpas hinallam castigananpaq kachkan.

Jeremías 40:11

Moab, Amón, Edom hinaspa wakin nacionkunapi yachaq Judá casta runakunapas yacharurqakum Safanpa willkan otaq Ahicampa churin Gedaliasta, Ba-bilonia nacionpa reynin, Judá nacionpi puchuq runakunapi kamachikunanpaq churarusqanta.

Jeremías 48:40

Tayta Diosmi kaynata nin: Moab nacionpa contranpim enemigonkuna hamunqaku, rapranta mastarispa pawaykuchkaq anka hinaraqmi atacanqaku.

Jeremías 49:2

Ñoqa Tayta Diosmi kaynata nini: Hamuchkanmi punchawkuna Amón nacionpi kaq Rabá llaqtapi guerrapaq qapariykunata uyarichinaypaq; pasaypaq tuñichisqam kanqa, llaqtankunapas kañasqam kanqa, Israelmi llaqtankunata kaqllamanta kutichikunqa. Ñoqa Tayta Diosmi chaynata nini.

Jeremías 49:22

Enemigoqa rapranta kicharispa pawaykuq anka hinaraqmi Bosra llaqtaman pawaykunqa. Chay punchawpim Edom nacionpa allinnin qari-qari runankunapas wachakuywan ñakariq warmi hinaraq qaparkachanqaku, nispa.

Jeremías 49:28

Babilonia nacionpa reynin Nabu-codonosorpa vencesqan Cedar nacionpa chaynataq Hazor nacionpa contranpim Tayta Dios kaynata nirqa: Hatarispa Cedar nacionta atacamuychik, intipa qespimunan lawpi yachaqkunata wañuchimuychik.

Ezequiel 25:14

Edom nacionpi yachaqkunatam Israel runaykunawan vengakusaq, runaykunam paykunata piñakuyniywan allinniqta castiganqaku, chaynapim paykunaqa vengakusqayta yachanqaku. Ñoqa Tayta Diosmi chaynata nini.

Daniel 11:41

Sumaq allpamanpas yaykuruspanmi achka-achka runakunata wañurachinqa; Edom nacionniyuq Moab nacionniyuq runakunam ichaqa paymanta ayqekunqaku, ayqekunqakutaqmi Amonpa mirayninmanta ancha reqsisqa runa-kunapas.

Joel 3:19

Egipto nacionpas purmachisqam kanqa, Edom nacionpas mana imapa kanan chunniqñam kanqa; Judá runakunata ñakarichispanku allpanpipas inocente runakunapa yawarninta chaqchusqankurayku.

Amós 9:12

Chaynapim yupaychaqniy runakuna Edompa allpanta hinaspa llapa nacionkunapa allpankunatapas munaychakunqaku, nispa.

Habacuc 1:8

Caballonkupas, leopardomanta aswan apurawman kallpaqmi, purunpi lobomantapas aswan manchakuypaqmi. Silladankunapas mana yupay atinam, mikunanman anka pawaykuq hinaraqmi enemigonkumanpas karumantaraq pawaykunku.

Sofonías 2:5

Lamar qochapa patanpi yachaqkuna, Creta llaqtapi yachaqkuna, ¡imallapiraq rikukunkichik! Qamkunapa contraykichikpim Tayta Dios kaynata rimarin: “Filisteokunapa yachanan Canaán llaqta, manaña runayuq kanaykikamam purmachisqayki”, nispa.

Sofonías 2:7

Judamanta puchuqkunapaqmi kanqa, ovejankutapas chaypiñam michinqaku. Ascalón llaqtapa wasinkunapim paykunaqa tutanpas samakunqaku. Chaynaqa kanqa Tayta Diosninku watukuspa preso risqankumanta kutichimusqanraykum.

Sofonías 2:9

Chayraykum Tukuy Atiyniyuq Tayta Dios kaynata nin: Moab nacionmi Sodoma hina kanqa, Amón castakunapas Gomorra hinam kanqa, itanakunapa wiñananmanñam tikrakunqa, kachi orqomanñam tikrakunqa, mana imapa kanan chunniqñam wiñaypaq kanqa. Llaqtaymanta puchuqkunam tukuy imankupipas munaychakunqaku.

Números 24:17

Rikuchkanim, ichaqa manam kunan kaqtachu, qawachkanim ichaqa manam hichpallapi kaqtachu: Jacobpa mirayninmantam huk chaska lloqsimunqa, Israel ayllumantam munaychakuq Rey hatarimunqa, Moab runakunapa umantam taqñunqa, Setpa mirayninkunatam chinkachinqa.

Mateo 8:11

Nikichiktaqmi, achkaqmi tukuy hinastinmanta hamunqaku, hinaspam Diospa munaychakuyninpi Abrahamwan, Isaacwan hinaspa Jacobwan mikunankupaq tiyaykunqaku.

Jueces 6:3

Israelpa mirayninkuna tarpuptinkum, madianitakuna, amalecitakuna chaynataq intipa qespimunan lawmanta kaqkunapas paykunapa contranpi hamuqku.