Isaías 11:11 - CHUYA QELLQA La Biblia en Quechua de Ayacucho 2012

¹¹ Chay tiempokunapim, puchuq runankunata reclamananpaq Tayta Dios huktawan makinta hoqarinqa, hinaspam Asiriamanta, Egiptomanta, Patrosmanta, Cusmanta, Sinarmanta, Hamatmanta, Elam lawmanta, lamar qochapa patanpi kaq nacionkunamanta huñumunqa.

Quechua Ayacucho Bible 1987

¹¹ Chay tiempopim Señorqa yapamanta atiyninta qawachinqa. Puchuq runankunata reclamamuspanmi atiyninta qawachinqa. Reclamamunqam runankunata Asiria nacionmantawan Egipto nacionmanta. Reclamamunqam runankunata Patros nacionmantawan Cus nacionmanta. Reclamamunqamá runankunata Elam nacionmantawan Sinar lawmanta. Reclamamunqamá runankunata Hamat llaqtamantawan lamar qochapa patanpi kaq nacionkunamanta.

Chuya Qellqa 1992

¹¹ Chay tiempokunapim, puchuq runankunata reclamananpaq Tayta Dios huktawan makinta hoqarinqa, hinaspam Asiriamanta, Egiptomanta, Patrosmanta, Cusmanta, Sinarmanta, Hamatmanta, Elam lawmanta, lamar qochapa patanpi kaq nacionkunamanta huñumunqa.

Isaías 11:11 Iomraidhean Croise

Génesis 10:10

Nimrodmi kamachikuyta qallaykurqa Babel llaqtapi, Erec llaqtapi, Acad llaqtapi hinaspa Calne llaqtapi; chaykunam Sinar lawpi tarikun.

Génesis 10:22

Sempa churinkunam karqa: Elam, Asur, Arfaxad, Lud hinaspa Aram.

Génesis 11:2

Intipa qespimunan lawmanta lloqsispankum Sinar lawpi huk pampata tariruspanku chaypi yacharqaku.

Génesis 14:1

Chay punchawkunapim Sinarpa reynin Amrafel, Elasarpa reynin Arioc, Elampa reynin Quedorlaomer chaynallataq Goimpa reynin Tidal guerrata hatarichirqaku

Génesis 2:13

Iskay kaq pallqanpa sutinmi Gihón, chay mayum tukuy Cus lawninta muyumun.

2~Reyes 17:24

Asiria nacionpa reyninmi Babilo-niamanta, Cutamanta, Avamanta, Hamat-manta hinaspa Sefarvaim llaqtamanta runakunata aparuspan Israel runakunapa rantinpi paykunataña Samaria llaqtapi churarurqa, chaymi hapikuykuspanku paykunaña yacharqaku.

Ester 10:1

Rey Asuerom kamachikurqa tukuy hinastinpi nacionkunapas chaynataq lamar qochapa patanpi kaq llaqtakunapas impuestota paganankupaq.

Isaías 1:9

Sichum Tukuy Atiyniyuq Dios kamallatapas mana puchuykuwaptinchikqa Sodoma, Gomorra llaqtakunamanñachá rikchakuchwan karqa.

Isaías 10:20

Chay tiempopiqa, Israel castakunamanta puchuqkunapas, Jacobpa mirayninkunamanta lluptiqkunapas wichichiqninkupiqa manañam hapipakunqakuñachu, aswanqa Señorllapiñam hapipakunqaku, Israelpa Chuya Diosllanpiñam hapipakunqaku.

Isaías 10:9

Ñoqapaqqa Calno llaqtapas Carquemis llaqta hinallam, Hamat llaqtapas Arfad llaqta hinallam, Samaria llaqtapas Damasco llaqta hinallam, chay llaqtakunaqa vencenay llaqtakunallam.

Isaías 11:16

Imaynam Israel castakuna Egipto nacionmanta lloqsimuptinku hatun ñan karqa, chaynam hatun ñan kanqa Asiria nacionpi puchuqkuna kutimunankupaqpas.

Isaías 19:21

Tayta Diosmi Egipto runakunawan reqsichikunqa, paykunapas Diosta reqsiykuspankum chay punchawpi yupaychanqaku. Animalkunatam wañu-chipunqaku, kawsaykunatam ofrecenqaku, hinaspam prometekuspanku cumplinqaku.

Isaías 19:22

Tayta Diosmi Egipto runakunata onqochinqa, chaywanpas kikillantaqmi hampiykunqa. Tayta Diosman kutirikuspa mañakuptinkum paykunataqa sanoyachinqa.

Isaías 21:2

Llumpay manchakuypaqmi Diospa qawachiwasqanqa: Iskay uyakunam traicionachkanku, wichichiqkunam tuñichichkanku. ¡Elam llaqta hatariy! ¡Media runakuna, Babilonia llaqtata chinkachinaykichikpaq muyuriychik! Ñakariytam puchukachisaq.

Isaías 22:6

Elam tropakunam flechankuta hapiykunku, carretankumanmi qespirunku, caballonkumanmi sillakuykunku. Kir lawpi tropakunam escudonkuta hapiykunku.

Isaías 24:15

Chayraykuyá intipa qespimunan lawpi kaqkunapas Tayta Diosta hatunchaychik, lamar qocha patanpi kaqkunapas, Israelpa yupaychasqan Tayta Diospa sutinmantam rimarinku.

Isaías 37:31

Judá llaqtapi puchuqkunam takyasqa sacha hina kanqaku, sapichakuspam allinta rurunqaku.

Isaías 42:10

Tukuy hinastinpi kaqkuna, lamar qochanta illaqkuna, lamar qochapi kawsaqkuna, lamar qochapa patanpi lliw nacionkuna, Tayta Diospaq musoq takita takiychik.

Isaías 42:12

Tayta Diosta hatunchaychik, hatunchasqa kasqanta lamar qochapa patankunapi willakuychik.

Isaías 42:4

Payqa manam pisipanqachu, nitaqmi hukmanyanqachu, nacionkunapi allin arreglota ruwanankama. Lamar qochapa patanpi nacionkunapas yachachikuynintam suyanqaku.

Isaías 45:14

Tayta Diosmi kaynata nin: Egipto allpapi qespiq kawsaykunapas, Etiopía nacionpa kapuqninkunapas, Sabá llaqtayuq hatunkaray runakunapas, qampañam kanqaku. Qepaykitam cadenasqa rinqaku, ñawpaqnikipim qonqorakuspanku mañakusunki: “Cheqaptapunipas Diosmi qanwan kachkan, paymanta sapaq Diosqa manam kanchu”, nispanku.

Isaías 49:12

Qawariychik, karukunamantaraqmi hamuchkanku: Wakinmi norte lawmanta, wakinmi intipa seqaykunan lawmanta, wakinkunañataqmi Sinim lawmanta.

Isaías 66:19

Paykunamanmi huk señalta qosaq. Wañuymanta lluptiqkunatam kay nacionkunaman kachasaq: Tarsis llaqtaman, Libia llaqtaman, flechana arma manejaq Lidia llaqtaman, Tubal llaqtaman Grecia llaqtaman, hinaspa lamar qochapa patankunapi karu nacionkunamanpas. Chaypi kaq runakunaqa manam haykapipas ñoqamanta uyarirqakuchu, nitaqmi atiyniytapas reqsinkuchu. Paykunam chay nacionkunaman atiyniymanta willamunqaku.

Jeremías 25:25

Upyachirqanitaqmi Zimripa, Elampa hinaspa Mediapa reyninkunamanpas;

Jeremías 31:10

Nacionkuna, Tayta Diospa Chuya siminta uyariychik, lamar qochapa waklawninpi kaqkunaman willamuychik: ¡Israelta cheqechiq Tayta Diosmi paykunata huñumunqa, ovejakunata michiq hinam paykunata waqaychanqa! nispa.

Jeremías 44:1

Egipto nacionpi kaq Migdol llaqtapi, Tafnes llaqtapi, Menfis llaqtapi hinaspa Patros lawpi yachaq Judá runakunapaqmi Jeremiasta Tayta Dios nirqa:

Jeremías 49:23

Damasco llaqtapa contranpim Tayta Dios kaynata nin: Manchakuypaq willakuykuna uyarisqanwanmi Hamat llaqtawan Arfad llaqtapas penqakuymanta kachkanku. Manchakuymi paykunaman huntaykun, manam ima ruwaytapas atinkuchu.

Ezequiel 27:6

Basán lawpi encina sachakunamantam yaku qachina kaspikikunatapas ruwarqaku, Chipre law lamar qochapa patanpi ciprés sachakunamantam tapaqniki tablakunatapas ruwarqaku, marfilwan adornasqatam ruwasurqanki.

Ezequiel 29:14

Egipto runakunatam preso apasqa kasqankumanta kutichimuspay nacesqanku Patros allpaman pusasaq, chaypim manayniraq nacionllaña kanqaku.

Ezequiel 30:14

Patros llaqtatapas purmachisaqmi, Zoán llaqtatapas kañaykusaqmi, Tebas llaqtatapas sentenciaspaymi castigasaq.

Ezequiel 32:24

Chaypitaqmi kachkan Elam nacionpas llapallan soldadonkunapa sepulturanwan muyuriykachikuspa; paykunam guerrapi wañuruspanku Diosta mana reqsichkaspa uku pachaman uraykurqaku. Paykunam kawsayninkupi llapa runakunata manchachirqaku, kunanmi ichaqa wañuqkunapa kasqanpi penqakuypaq kachkanku.

Ezequiel 38:8

Kaymanta unay watakunamanmi guerramanta samaykuq nacionman atacanaykipaq kamachisqa kanki. Chay nacionqa achka nacionkunaman cheqechisqam karqa, wiñaypaq purmachisqam karqa, ichaqa chaymanta kutimuspam Israel law orqokunaman huñunakunqaku. Chaykamaqa achka nacionkunamanta kutiramuspankum hawkaña kawsachkanqaku.

Daniel 1:2

Judá nacionpa reynin Joacimtam, templopi kaq achka serviciokunatawan rey Nabucodonosorman Tayta Dios qoykurqa, hinaptinmi chay reyqa tukuy imata Sinar sutiyuq Babilonia nacionman aparqa, hinaspam idolonpa kapuqninkuna waqaychana wasinman churaykurqa.

Daniel 11:18

Norte lawpi reyqa munapayanqataqmi lamar qochapa patanpi llaqtakunatapas, hinaspam guerrawan achkaqta vencerunqa. Ichaqa huk kamachikuqmi chay reypa hatunchakuyninta puchukarachinqa, hinaspam chay reyta penqayman churanqa.

Daniel 8:2

Chay revelacionniypim reypa yachanan Susa llaqtapi kachkasqani, chay llaqtaqa Elam lawpim kachkan; chaypim Ulai mayupa patanpi kachkasqani.

Oseas 1:11

Judapa chaynataq Israelpa mirayninkunam hukllaman huñunakuspa kamachiqninkutapas chullallataña akllanqaku, tukuy hinastinmantam Jerusalenman kutimunqaku,

Oseas 11:10

León hinaraq Tayta Dios qapariptinmi paykunañataq qepanta qatikunqaku, león hinaraq qapariptinmi, churinkuna katkatatastin intipa seqaykunan lawmanta hamunqaku.

Oseas 11:11

Alton pawaq urpikuna hinam Egiptomanta katkatatastin pawamunqaku; palomakuna hinam Asiriamanta katkatatastin hamunqaku, chaymi yapamanta wasinkupiña kawsachikusaq. Tayta Diosmi chaynata nin.

Miqueas 7:12

Chay punchawmi kallpasapa atiyniyuq nacionkuna hamusunki: Asiriamanta qallaykuspa Egiptokama, Nilo mayumanta Eufrates mayukama, lamar qochapa patankunamanta, chaynallataq orqokunamantapas.

Sofonías 2:11

Tayta Diosmi paykunapa contranpi manchakuypaqta hatarinqa, kay pachapi llapallan idolokunatam chinkarachinqa, hinaspanmi tukuy hinastinpi payllaña yupaychasqa kanqa, lamar qochapa chawpinpi llaqtakunapas paytam yupaychanqaku.

Zacarías 5:11

Hinaptinmi payñataq niwarqa: Sinar nacionmanmi, chaypim huk templota ruwaruspanku maymi tiyananpi churaykunqaku, nispan.

Zacarías 8:7

Tukuy Atiyniyuq Tayta Diosmi kaynata nin: Ñoqapunim llaqtayta libramusaq, intipa qespimunan lawpi nacionkunamanta, intipa seqaykunan lawpi nacionkunamantapas.

Zacarías 9:2

Tayta Diospam Damascopa hichpanpi Hamat llaqtaqa, payllapataqmi yachaysapa Tiro llaqtawan Sidón llaqtapas.

Romanos 11:15

Judiokunata Dios qepanchakuruptinmi llapallan runakuna Dioswan allinyanakurunku. Chaynaqa, ¡mayna allinraq kanqa judiokunata Dios chaskiykuptinqa! ¡Wañuymanta kawsarimuchkaq hinaraqcha kanqaku!

Romanos 11:26

Chaymantañam llapallan judiokunapas salvasqa kanqaku. Chuya Qellqapim kaynata nin: “Sión llaqtamantam librakuqqa hamunqa, hinaspam Jacobpa mirayninta huchamanta rakinqa.

2~Corintios 3:16

Señorman pipas kutirikuptinmi ichaqa chay tapaqnin velo hurqosqa kanqa.

Deuteronomio 9:29

Paykunaqa qampa runaykikunam, hatu-hatun atiynikiwantaqmi hurqomurqankipas”, nispay.