Isaías 10:5 - CHUYA QELLQA La Biblia en Quechua de Ayacucho 2012

⁵ ¡Ay, imaynaraq kanqa Asiria nacionpa reynin! Payqa castiganaypaq makiypi kaspim, piñakuyniytam makinman churani.

Quechua Ayacucho Bible 1987

⁵ ¡Ay, imaynaraq kanqa Asiria nacionpa reynin!, nispam nin Tayta Dios. Payqa castiganaypaq vara hinam kachkan. Piñakuyniypi azote hinam payqa kachkan.

Chuya Qellqa 1992

⁵ ¡Ay, imaynaraq kanqa Asiria nacionpa reynin! Payqa castiganaypaq makiypi kaspim, piñakuyniytam makinman churani.

Isaías 10:5 Iomraidhean Croise

Génesis 10:11

Sinar allpamantam Asiria lawman rirqa, hinaspam hatarichirqa Nínive llaqtata, Rehobot llaqtata hinaspa Cala llaqtata.

2~Reyes 18:25

Kay llaqtata tuñichiq hamunaypaqqa ¿manachum Tayta Dios kamachimuwarqa wak nacionman rispayki tuñichimuy, nispan?

2~Reyes 19:25

¿Manachum uyarirqanki ñawpaqmantaraq ñoqa Tayta Dios chaykuna ruwasqayta? ¿Wiñaymantaraq ñoqa Tayta Dios chaykuna tanteasqayta? Kunanmi chaykunata ruwachkani. Chaymi murallasqa llaqtakunata tuñichirqanki, hinaspam rumikunata monturqanki.

Isaías 10:15

¿Yaqachu hacha alabakunman paywan kuchuqmanta masta? ¿Serruchopas hatun tukunmanchu paywan kuchuqninpa contranpi? ¿Kaspimanta tawnaqa yaqachu kamachinman apaqninta?

Isaías 10:25

Manapas unaymantam contraykichikpi piñakuyniy tukurunqa, piñakuyniyqa enemigoykikunatañam pasaypaqta chinkachinqa, nispa.

Isaías 13:5

Karu nacionkunamantam hamuchkanku, kay pachapa cantonkunamantam hamuchkanku. Tayta Diosmi piñakuyninwan armasqa hamuchkan, kay pachata purmachinanpaqmi hamuchkan.

Isaías 14:24

Tukuy Atiyniyuq Tayta Diosmi kaynata nin: Cheqaptapunim tanteasqayman hina ruwasqa kanqa, ñoqapa nisqayman hinam cumplisqa kanqa.

Isaías 14:25

Hina allpaypim Asiria runakunata puchukarachisaq, orqoykunapim paykunata saruparusaq. Yugonkupas manañam llaqtayta ñakarichinqañachu, llasaq qepi churasqankupas manañam llaqtayta ñakarichinqañachu.

Isaías 23:13

Caldea nacionta qawariychik, manañam kunanqa llaqtañachu. Asiria nacionmi purun animalkunapa sayanantaña ruwarunku; paykunam torrekunata ruwaruspa yaykurunku, hinaspam pasaypaqta purmarachinku; chayna kanankupaqqa kikinkum huchayuq.

Isaías 26:20

Llaqtalláy, wasikichikman yaykuychik, punkuykichikta wichqakamuspa chaypi pakakamuychik, Diospa piñakuynin pasarunankama pakakamuychik.

Isaías 29:2

Ariel llaqtata, ñoqam sasachakuyman churasqayki, waqakuypi hinaspa sinchi llakikuypim tarikunki, kañapuwanankupaq altar hinam kanki.

Isaías 30:27

Qawariychik, kikin Tayta Diosmi karumanta hamuchkan, piñakuptinmi nina hinaraq uyanpas ruparichkan, simin huntam piñakuynin kachkan, tukuy ima ruparuq nina hinaraqmi qallunpas kachkan.

Isaías 30:30

Tayta Diosmi, manchakuypaq piñakuyninwan, lenwachkaq ninawan, rayokunawan llipyakunawan, loco parawan runtu parawan, atiyniyuq siminta uyarichinqa.

Isaías 30:9

Kay runakunaqa mana kasukuq kullukunam, iskay uya llulla miraykunam, Tayta Diospa yachachikuyninta mana uyariy munaqkunam.

Isaías 34:2

Tayta Diosmi llapa nacionkunapaq chaynataq tropankunapaqpas piñasqa kachkan, wañuchispa chinkachisqa kanankupaqmi payqa hapiykachin.

Isaías 66:14

Chayta qawaspam sonqoykichik kusikunqa, llanllariq qora hinam tulluykichikpas musoqyanqa. Tayta Diosmi serviqninkunaman atiyninta reqsichinqa, enemigonkunamanmi ichaqa piñakuyninta rikuchinqa.

Isaías 7:17

Tayta Diosmi hatun sasachakuyta kachamunqa, qampaq, llaqtaykipaq chaynataq aylluykikunapaqpas. Judá nacionmanta Israel nacionpa rakikusqan punchawmantapas manam kayna sasachakuyqa karqachu. (Asiria nacionpa reyninmantam kaypiqa rimachkan)

Isaías 7:20

Chay punchawpim Tayta Dios, Eufrates mayupa waklawninkunapi yachaq Asiria tropakunata, alkilasqan navajapaq hapiykuspan, Israel llaqtata rutunqa. Rutunqataqmi umankutapas, barbankutapas chaynallataq penqayninkupi pelokunatapas.

Isaías 8:4

Manaraq chay wawa “taytay” otaq “mamay” nispa rimayta yachach-kaptinmi, Damasco llaqtapa chaynataq Samaria llaqtapa qori-qollqenta Asiria nacionpa reynin apakunqa.

Isaías 8:7

Tayta Dios kamachimunqa llimparichkaq Eufrates mayuta, chay mayuqa Asiria nacionpa reyninpa atiyninmi, paymi llimparichkaq mayu hinaraq mastarikuspan haypasqanta patan-patan tuytunqa,

Ezequiel 22:31

Chayraykum ñoqaqa llumpay piñakuywan paykunata castigaspay tukurusaq, mana allinkuna ruwasqankutapas kikillankumanmi kutichisaq. Ñoqa Tayta Diosmi chaynata nini.

Ezequiel 7:10

Chay punchawmi chayaramunña. Cheqaptapunim chayaramunña. Mana allin ruwaymi tukuy hinastinpi llanllarikuchkan, hatun tukuymi waytarikuchkan.

Daniel 11:36

Norte nacionniyuq reymi tukuy imam munasqanta ruwanqa, hatun tukuspanmi kaynata ninqa: “Ñoqaqa llapallan dioskunapapas hawanpim kachkani”, nispa. Payqa Diospa contranpipas millakuypaq mana allinkunatam rimanqa. Payqa tukuy imapim allinllaña lloqsinqa Diospa piñakuynin payta hayparunankama. Diosqa imam tanteasqantaqa ruwanqapunim.

Nahúm 1:1

Kaymi Elcos llaqtayuq Nahumpa visionpi imam rikusqanmanta qellqa. Paymi Nínive llaqtapa contranpi kaynata profetizarqa:

Habacuc 1:12

Dios Taytalláy, wiña-wiñaypaq kawsakuq chuya Diosnilláy, qamqa kanki waqaychaqniykum, chayraykum mana wañusaqkuchu. Babilonia runakunataqa hatarichinki, llaqtaykita castiganallaykipaqmi.

Sofonías 2:13

Norte lawman makinta haywarispanmi Asiria nacionta chinkarachinqa, Nínive llaqtatapas pasaypaqta purmarachispam aqopa kanan chaki chunniqmanña tikrarunqa.

Números 24:24

Chipre islamantam barcokuna hamunqa, Asiriapa chaynataq Heberpa llaqtankunatam purmachinqa, ichaqa kikinpas purmachisqam kanqa, nispa.