Isaías 10:32 - CHUYA QELLQA La Biblia en Quechua de Ayacucho 2012

³² Kunanpunim enemigoqa Nob llaqtapi samaykun, Sión llaqtatawan Jerusalenta atacananpaqmi makinta hoqariykun.

Quechua Ayacucho Bible 1987

³² Kunanpunim sayarirunña Nob llaqtapi enemigoqa. Sion llaqtapi *f**yachaqkunatam amenazachkan enemigoqa. Moqopi Jerusalen llaqtatam amenazachkan enemigoqa.

Chuya Qellqa 1992

³² Kunanpunim enemigoqa Nob llaqtapi samaykun, Sión llaqtatawan Jerusalenta atacananpaqmi makinta hoqariykun.

Isaías 10:32 Iomraidhean Croise

2~Crónicas 32:1

Diospa munasqanman hina kasukuspa rey Ezequiaspa rurasqankunapa qepantam, Asiria nacionpa reynin Senaquerib hamururqa, hinaspam Judá nacionman yaykuruspan murallasqa llaqtakunata atacananpaq muyurirurqa.

2~Crónicas 32:2

Rey Ezequiasñataqmi, Jerusalén llaqtata atacananpaq rey Senaqueribpa hamurusqanta qawaykuspan,

Nehemías 11:32

Yacharqakutaqmi Anatot, Nob, Ananías,

Isaías 1:8

Uvas chakrapi chuklla hinam Sión llaqtaqa sapallanña qeparun. Pepino chakrapa chawpinpi hatus hinam, enemigonpa muyurusqan llaqta hinam, sapallanña qeparun.

Isaías 10:24

Tukuy Atiyniyuq Tayta Diosmi kaynata nin: Sión moqopi yachaq llaqtalláy, Asiria runakunataqa ama manchakuychikchu, Egipto runakuna hina tawnawan waqtasuptikichikpas.

Isaías 10:31

Madmena llaqtamantam lluptiypawan lloqsinku. Gebim llaqtapi yachaqkunam pakakuchkanku.

Isaías 11:15

Egipto lawpi lamar qochapa partentam chakichinqa, atiyninwanmi rupachkaq wayrata Eufrates mayuman pukuchinqa, chay mayutam qanchis kallmaman rakirunqa, runakunapas usutankuta manaña chutukuspam chimpanqaku.

Isaías 13:2

Banderata qala orqopa hawanpi sayachiychik, atacanankupaq soldadokunata qayaychik, kamachikuqkunapa punkunman yaykunanpaq makikichikwan señaschaychik.

Isaías 16:1

Nacionpi kamachikuqman malta carnerota apachiychik, chunniqpi Sela llaqtamanta Sión moqoman apachiychik.

Isaías 19:16

Chay punchawmi Egipto runakuna, warmikuna hina llumpay mancharisqallaña katkatatanqaku. Paykunata Tukuy Atiyniyuq Tayta Dios castigasqarayku.

Isaías 2:2

Tukupay tiempokunapim Tayta Diospa templonpa kasqan orqo, wakin orqokunamantapas aswan hatunraq kanqa. Chaymanmi llapallan nacionkuna hamunqaku.

Isaías 29:2

Ariel llaqtata, ñoqam sasachakuyman churasqayki, waqakuypi hinaspa sinchi llakikuypim tarikunki, kañapuwanankupaq altar hinam kanki.

Isaías 37:22

Chaynaqa, ñoqa Tayta Diosmi kaynata nini: Yaw, rey Senaquerib, Sión llaqtaqa sipas hinam qanmanta asikun, Jerusalén llaqtaqa qepaykipim umanta aywin.

Isaías 8:8

Judá nacionmanpas chayaspanmi kunka kuchunkamaraq huntaykunqa, mastarikuspanñataqmi patan-patan haypaykunqa. ¡Emanuel! Llaqtaykiqa ankapa raprawan pakaykusqa hinam kanqa, nispa.

Jeremías 6:23

Flechakunawan lanzakunawan armasqam hamuchkanku, mana llakipayakuq runakunam hamuchkanku; Lamar qocha hinaraqmi qapariyninkupas, caballokunapi sillakuykuspam Sión llaqtata atacaq-atacaqllaña kallpamuchkanku.

Miqueas 1:9

Samariapa heridanqa mana hampiy atinam, chay heridanmi Judá nacionkamaña chayarun, yachanay llaqtapa punkunkamañam, Jerusalén llaqtapa punkunkamañam chayarun.

Zacarías 2:9

Chayraykum chay nacionkunawan kikiy peleasaq, criadonkunallawanmi tukuy imankutapas qechurachisaq, nispa. Chaynapim yachankichik Tukuy Atiyniyuq Tayta Dios kachamuwasqanta.

1~Samuel 21:1

Davidmi Nob llaqtapi sacerdote Ahimelecpa kasqanman chayarurqa, chaymi Ahimelecqa mancharisqallaña lloqsimuspan Davidta tapurqa: ¿Imanasqataq sapallayki hamuchkanki? nispa.

1~Samuel 21:2

Chaymi sacerdote Ahimelecta David nirqa: Reymi huk kunakuyta apachimuwaspan kamachimuwarqa hamusqaymantaqa ama pipas yachananpaq chaynataq reypa kunamuwasqantapas ama pimanpas willakunaypaq. Kamachisqay runaykunataqa huklaw sitiopi tupanaykupaqmi saqeramuni.

1~Samuel 22:19

Wañuchirqataqmi sacerdotekunapa yachanan Nob llaqtapi qarikunatapas, warmikunatapas, warmakunatapas hinaspa ñuñuq wawakunatapas chaynataq torokunatapas, asnokunatapas hinaspa ovejakunatapas.

1~Samuel 22:9

Hinaptinmi Saulpa serviqninkunata kamachiq Edom casta Doeg nirqa: Isaipa churintaqa rikumurqani Nob llaqtaman rispan Ahitobpa churin sacerdote Ahimelecwan kachkaqtam.