Isaías 10:3 - CHUYA QELLQA La Biblia en Quechua de Ayacucho 2012

³ ¿Imatataq castigo punchawpi ruwankichik? ¿Karumantaraq sasachakuy hamususqaykichik punchawpi, pimantaq yanapasunaykichikpaq hapipakunkichik? ¿Maypitaq qori-qollqekichikta saqenkichik?

Quechua Ayacucho Bible 1987

³ ¿Imataraq rurankichik castigo punchawpiqa? ¿Imataraq rurankichik karumantaraq desgracia hamususqaykichik punchawpiqa? ¿Pimanraq yanapasunaykichikpaq ayqenkichik? ¿Maypiraq qori-qollqekichikta saqenkichik?

Chuya Qellqa 1992

³ ¿Imatataq castigo punchawpi ruwankichik? ¿Karumantaraq sasachakuy hamususqaykichik punchawpi, pimantaq yanapasunaykichikpaq hapipakunkichik? ¿Maypitaq qori-qollqekichikta saqenkichik?

Isaías 10:3 Iomraidhean Croise

Génesis 31:1

Jacobmi uyarirurqa Labanpa churinkuna imam rimasqankuta. Paykunam nirqaku: “Jacobqa taytanchikpa llapa kapuqninta hapikuykuspam apuyarun”, nispanku.

2~Reyes 7:15

Rispankum Jordán mayukama chayarurqaku, hinaspam Siria tropakuna lluptispa wichichisqanku pachakunatawan llapa imakunata ñanpi tarirqaku. Chaymi kutiramuspanku reyman willaykurqaku.

Jobwan Sutichasqa Libro 31:14

Mana chayqa ¿imaynataq Diospa qayllanmanqa asuykuyman? Cuentata mañaykuwaptinqa, ¿imaynataq contestakuyman?

Proverbios 11:4

Juicio punchawpiqa qori-qollqepas manam imapaqpas valenqachu; allin kawsakuymi ichaqa runata wañuymanta libranqa.

Isaías 13:6

Allwaychik, Tayta Diospa piñakuynin punchawmi hichparamunña. Tukuy Atiyniyuq Diospa purmachinan punchawmi chayaramunña.

Isaías 17:4

Chay punchawkunapiqa Jacobpa hatunchasqa kayninmi asllayanqa Tukuy ima kapuqninpas tukurunqam.

Isaías 20:6

Chay tiempopim lamar qochapa patanpi yachaqkuna ninakunqaku: Hapipakusqanchik nacionta qawaychik. Asiria nacionpi reymanta librawananchikpaqmi chay nacionman hapipakuq kallpaq kanchik, ¿imaynatataq kunanqa lluptisunchik? nispanku.

Isaías 26:14

Paykunaqa wañurunkuñam, manañam kawsarimunqakuchu, ñakarichispaykim paykunataqa wichirachinki, manaña yuyarinankukamam chinkarachinki.

Isaías 26:21

Tayta Diosqa maypim kasqanmantam lloqsimunqa, paypa contranpi huchallikusqankuraykum kay pachapi yachaqkunata castigananpaq hamunqa; kay allpaqa manañam wañusqakunapa yawarninta pakanqañachu, wañusqakunatapas manañam pakanqañachu.

Isaías 28:20

Chutaparikunallanpaqpas puñunan camapas taksallam kanqa, nispa wankukunanpaq qatapas taksallam kanqa.

Isaías 29:6

Tukuy Atiyniyuq Tayta Diosmi, wayra-parawan, loco parawan, llumpay terremotowan, lliw ruparuq lenwachkaq ninawan, enemigoykikunata ñakarichinqa.

Isaías 30:16

aswanraqmi qamkuna nirqankichik: “Caballokunapim ayqekusaqku”, nispa. Chaynaqa, caballokunapichá ayqenkichik. Nirqankichiktaqmi: “Utqayman kallpaq carretakunapim lluptikusaqku”, nispapas. Ichaqa enemigoykichikpas aswan utqaymanraqmi qatisunkichik.

Isaías 30:5

mana imapaq valeq llaqta kasqanraykum llapallanku penqaypi rikurinqaku, mana imapipas yanapaspa penqayman churaqnin llaqta kasqanrayku, nispa.

Isaías 30:7

Egipto nacionpa yanapakuyninqa paqway mana valeqmi, chayraykum “Manchakuypaq qaparkachaq mana imanakuq animalmi”, nispa suticharqani.

Isaías 33:14

Sión llaqtapi huchasapakunam paqway mancharisqa kachkanku, Diosta mana yupaychaqkunam pasaypaqta katkatataspa ninku: ¿Mayqanninchiktaq rupakuq nina ukupi yachachwan? ¿Mayqanninchiktaq wiña-wiñaypaq rupakuq nina ukupi yachachwan? nispanku.

Isaías 39:3

Hinaptinmi profeta Isaías rey Eze-quiasman hamuspan tapurqa: ¿Imamantaq chay runakuna hamusqaku? ¿Maylawtaqsi kanku? nispa. Ezequiasñataqmi nirqa: Paykunaqa karu-karu Babilonia nacionmantaraqmi hamusqaku, nispa.

Isaías 5:14

Chayraykum wañuqkunapa kasqan sitiopas yarqaymanta hinaraq simintapas kicharinqa, llaqtatawan kamachikuqkunatapas millpurunanpaq, fiestakunapi aychanku kusichiyllapi kaqkunatapas millpurunanpaq.

Isaías 5:26

Tayta Diosmi karupi kaq nacionkunapaq banderata sayachin, silbaspam paykunata qayan, paykunañataqmi chaylla hamunku, utqayllamanñam chayaramunku.

Jeremías 22:7

Tuñichisunaykipaqmi armasqa runakunata kachamusaq, paykunam kuyayllapaq cedroykikunata kuchunqaku, hinaspam ninaman wischunqaku.

Jeremías 4:30

Yaw, tuñichisqa llaqta: ¿Imapaqñataq guindo pachawanraq pachakunki? ¿Imapaqñataq qorimanta alhajakunawanraq churakunki? ¿Imapaqñataq ñawikikunatapas yanawanraq pintakunki? Yanqapaqñam allichapakunkipas, kuyaqnikikunapas qepanchakurusunkiñam, wañunaykitañam maskachkanku.

Jeremías 5:31

Profetakunam llullata profetizanku, sacerdotekunam munayninkuman hina kamachikunku, runaykunañataqmi paykunaman hapipakunku. Ichaqa, ¿imatataq tukupay punchaw chayamuptin ruwankichik?

Jeremías 9:9

Chaykuna ruwasqankumantaqa ¿manachu paykunata castigasaq? Chayna ruwasqankumantaqa ¿manachu paykunata vengakusaq? Ñoqa Tayta Diosmi chaynata nini.

Oseas 5:13

Onqoyninta Efraín qawakuykuspanmi, heridanta Judá qawakuykuspanmi, Asiria nacionpa reyninman kallpaspanku yanapakuyninta maskanqaku. Ichaqa payqa manam onqoyninmantaqa nitaq nanayninmantapas hampiyta atinqachu.

Oseas 9:5

¿Imatataq Tayta Diospa hatun kusikuy fiestanpi ruwankichik?

Oseas 9:7

¡Castigasqa kananku punchawqa ñam chayaramunña! ¡Pagasqa kananku punchawqa ñam chayaramunña! Chaykunataqa Israelpa mirayninkunaqa ñam yachankuña. Qamkunaqa ninkichik: “Profetaqa mana yachayniyuqmi nispam”. “Espiritupa yanapakuyninwan rimaqtapas locopaqmi hapinkichik”. Huchapa intusqan kasqaykichikraykum chaykunataqa rimankichik, llumpay cheqnikuq kasqaykichikraykum chaynataqa tanteankichik.

Amós 5:19

Imaynam leonmanta ayqespan ukumariwan tuparunman, otaq wasinman yaykuspa perqaman tawnapakuykuptin maqta uru kachurunman, chaynapunim chay punchawqa kanqa.

Miqueas 7:4

Paykunamanta allinpaq hapisqa runakunam kichka hina, allin kawsaqñataqmi anku kichka hina. Ñakarinayki punchawmi hamuchkan, castigasqa kanaykimanta profetakunapa rimarisqan punchawmi chayamuchkan, hinaptinmi muspaypi hina tarikunki.

Sofonías 1:18

Tayta Diospa piñakuynin punchawmantaqa manam qori-qollqenpas libranqachu, Tayta Diospa piñakuynin nina hinaraq rupaptinmi, ñawi qemchiykuyllata kay pachapi llapallan runakuna puchukachisqa kanqaku.

Lucas 19:44

Pasaypaq tuñichisqam kanki, runaykikunatapas lliwtam wañuchinqaku. Rumikikunapas manam chullapas perqasqaqa puchunqachu, salvaqniki Diosta mana reqsikusqaykirayku, nispan.

Deuteronomio 28:49

Tayta Diosmi kay pachapa patanpi kaq nacionta contraykichikpi pusamunqa. Paykunam pawachkaq anka hinaraq hamunqaku; rimayninkutapas manam entiendenkichikchu.

1~Pedro 2:12

Diosta mana reqsiqkunapa qayllanpiyá allinta kawsaychik, chaynapim hucha ruwaqmanta hina contraykichikpi rimachkaspankupas allin ruwasqaykichikta qawaspanku, Diospa cuenta mañaq hamusqan punchawpi payta yupaychanqaku.