Isaías 10:26 - CHUYA QELLQA La Biblia en Quechua de Ayacucho 2012

²⁶ Tukuy Atiyniyuq Tayta Diosmi Asiria nacionta castiganqa, Madián runakunata Oreb sutiyuq qaqapi castigasqanta hina. Egipto nacionmanta hamusqanku ñanpi lamar qochapa hawanman tawnan hoqarisqanta hinam castiganqa.

Quechua Ayacucho Bible 1987

²⁶ Llapallan Kamachiq Tayta Diosmi Asiria nacion castigayta qallarinqa. Oreb sutiyoq rumipi Madian runakunata castigasqanta hinam castiganqa. Egipto nacionpi tawnan hoqarisqanta hinam castiganqa. Lamar qochapa hawanman tawnan hoqarisqanta hinam castiganqa.

Chuya Qellqa 1992

²⁶ Tukuy Atiyniyuq Tayta Diosmi Asiria nacionta castiganqa, Madián runakunata Oreb sutiyuq qaqapi castigasqanta hina. Egipto nacionmanta hamusqanku ñanpi lamar qochapa hawanman tawnan hoqarisqanta hinam castiganqa.

Isaías 10:26 Iomraidhean Croise

2~Reyes 19:35

Chay tutam, Tayta Diospa angelnin lloqsiramuspan Asiria campamentopi pachak pusaq chunka pichqayuq waranqa soldadokunata wañurachirqa. Achikyaruptinmi llapallanku wañusqaña kachkasqaku.

Éxodo 14:16

Qamñataq tawnaykita hoqarispa lamar qocha kichakunanpaq haywariy; lamar qocha kichakuruptinmi Israel runakuna chaki allpanta pasanqaku.

Isaías 10:24

Tukuy Atiyniyuq Tayta Diosmi kaynata nin: Sión moqopi yachaq llaqtalláy, Asiria runakunataqa ama manchakuychikchu, Egipto runakuna hina tawnawan waqtasuptikichikpas.

Isaías 11:16

Imaynam Israel castakuna Egipto nacionmanta lloqsimuptinku hatun ñan karqa, chaynam hatun ñan kanqa Asiria nacionpi puchuqkuna kutimunankupaqpas.

Isaías 30:30

Tayta Diosmi, manchakuypaq piñakuyninwan, lenwachkaq ninawan, rayokunawan llipyakunawan, loco parawan runtu parawan, atiyniyuq siminta uyarichinqa.

Isaías 30:31

Tayta Diospa Chuya siminmi Asiria nacionta ñutuparunqa, varanwanmi paykunata waqtaparunqa.

Isaías 30:32

Tayta Dios sapa kutilla varanwan waqtaptinmi tamborkunapiwan arpakunapas waqanqa. Tayta Diosmi chaqwallawanña paykunapa contranpi peleanqa.

Isaías 9:3

Runakunata mirachispaykim kusikuywan sonqonkuta huntaykunki. Chayraykum cosecha tiempopi hinaraq, guerrapi ganakamusqankuta rakinakuqkuna hinaraq qampa qayllaykipi kusikunqaku.

Isaías 9:4

Qanmi llasaq yugota pakipachkaq hina ñakarichiqninkumanta libraykurqanki, hombronkupi kaspita pakipachkaq hinam ñakarichiqninkuta vencerurqanki. Chaynataqa ruwarqanki Madián llaqtata ruwasqaykita hinam.

Apocalipsis 11:18

Nacionkunam piñakurun; castiganaykipaq punchawmi chayaramun. Wañuqkunata juzganayki punchawmi chayaramun, serviqniki profetaykikunaman paganayki punchawmi chayaramun, chuya llaqtaykimanwan sutiki kasukuqkunaman paganayki punchawmi chayaramun, taksamanpas hatunmanpas llapallanmanmi pagapunki, kay pacha tuñichiqkunatam chinkachinki, nispanku.

Apocalipsis 19:15

Paypa siminmantam lloqsimurqa ñawchi espada chaywan nacionkunata vencenanpaq. Payqa fierromanta varawanmi nacion-kunapi munaychakunqa. Hina kiki-llantaqmi uvastapas sarunqa “Tukuy Atiyniyuq Diospa piñakuynin” vinota ruwananpaq.

Jueces 7:25

Madián tropakunapa kamachiqnin Orebtawan Zeebtapas presocharurqakum; Orebtam Oreb qaqapi wañurachirqaku. Zeebtañataqmi uvas sarunanku Zeeb pozopi wañurachirqaku. Madianitakunata qatispankum rey Orebpa hinaspa rey Zeebpa umankunata Gedeonman Jordán mayupa chimpanpi kachkaptin apamurqaku.