Isaías 10:24 - CHUYA QELLQA La Biblia en Quechua de Ayacucho 2012

²⁴ Tukuy Atiyniyuq Tayta Diosmi kaynata nin: Sión moqopi yachaq llaqtalláy, Asiria runakunataqa ama manchakuychikchu, Egipto runakuna hina tawnawan waqtasuptikichikpas.

Quechua Ayacucho Bible 1987

²⁴ Chayraykum Llapallan Kamachiq Señor Dios nin kaynata: Sion Moqopi *f**yachaq runallaykuna, amayá manchakuychikchu Asiria runakunata. Kaspiwan waqtasuptikichikpas paykunataqa amayá manchakuychikchu. Egipto runakunata hina waqtasuptikichikpas amayá manchakuychikchu.

Chuya Qellqa 1992

²⁴ Tukuy Atiyniyuq Tayta Diosmi kaynata nin: Sión moqopi yachaq llaqtalláy, Asiria runakunataqa ama manchakuychikchu, Egipto runakuna hina tawnawan waqtasuptikichikpas.

Isaías 10:24 Iomraidhean Croise

2~Reyes 19:6

Isaías nirqa: Tayta Diospa nisqanta reynikichikman kaynata willamuychik: “Asiria reypa serviqninkunapa kamiwasqanwanqa ama manchakuychu.

Éxodo 14:9

Egipto tropakunam caballokunawan, carretankunawan Israelpa mirayninkunata qatispa lamar qochapa hichpanpi samachkaqta hayparurqaku, Baal-zefonpa chimpan Pi-hahirotpa hichpanpi.

Éxodo 5:14

Hinaspam Faraonpa llamkachiqninkuna Israelpa mirayninkunamanta kaq capatazkuna churasqankuta kaynata nispa azoterqaku: ¿Imanasqataq adobe chutasqaykichikta mana haypachinkichikchu qaynakuna ruwasqaykichikman, qayna punchawpas nitaq kunan punchawpas? nispa.

Isaías 10:5

¡Ay, imaynaraq kanqa Asiria nacionpa reynin! Payqa castiganaypaq makiypi kaspim, piñakuyniytam makinman churani.

Isaías 12:2

Diosnilláy, qanmi kanki salvaqniyqa, qamllapim hapipakusaq, ñoqallayqa manañam manchakusaqchu, amparoypas takiypas qamllam kanki, qamllam salvaqniyqa kanki, nispa.

Isaías 12:6

Sión moqopi yachaqkuna, kusikuywan qaparispa takiychik. Israelpa Chuya Diosnin qamkuna ukupi kasqanraykuyá kusikuychik, nispa.

Isaías 14:29

Filistea llaqtayuqkuna, maqasuqnikichikpa tawnan pakirusqanraykuqa amayá kusikuychikchu. Maqta urupa sapinmantaqa aswan kachukuq maqta ururaqmi lloqsimunqa, pawaq maqta ururaqmi lloqsimunqa.

Isaías 27:7

Israelpa mirayninkunataqa, Diosqa manam ñakarichirqa paykunapa ñakarichiqninkunata hinachu, wañuchispapas manataqmi wañuchirqa paykunapa wañuchiqninkunata hinachu.

Isaías 30:19

Sión moqopi runakuna, Jerusalén llaqtapi yachaqkuna, manañam haykapipas waqankichikñachu. Payqa llakipayakuspa kuyapayakuqmi. Qaparispa mañakuptikichikmi uyarisunkichik.

Isaías 30:32

Tayta Dios sapa kutilla varanwan waqtaptinmi tamborkunapiwan arpakunapas waqanqa. Tayta Diosmi chaqwallawanña paykunapa contranpi peleanqa.

Isaías 35:4

Hukmanyasqa sonqoyuqkunatayá niychik: Kallpanchakuspa ama manchakuychikchu, Diosnikichikmi salvasunaykichikpaq kaypi kachkan, enemigoykichikkunatam imam ruwasqankuman hina castiganqa, nispa.

Isaías 37:22

Chaynaqa, ñoqa Tayta Diosmi kaynata nini: Yaw, rey Senaquerib, Sión llaqtaqa sipas hinam qanmanta asikun, Jerusalén llaqtaqa qepaykipim umanta aywin.

Isaías 37:6

Isaías nirqa: Tayta Diospa nisqanta reynikichikman kaynata willamuychik: “Asiria reypa serviqninkunapa kamiwasqanwanqa ama manchakuychu.

Isaías 4:3

Sión llaqtapi puchuqkunatam, Jerusalén llaqtapi qepaqkunatam Diospaq sapaqchasqawan sutichanqaku. Chaynataqa sutichanqaku Jerusalén llaqtapi kawsaqkunamanta listasqakunatam.

Isaías 46:13

Allin ruwayniykunam chayamuchkanña, manam unamunqañachu. Sionpi yachaqkunatam salvasaq, Israel runaykunapim hatunchakusaq.

Isaías 51:13

¿Hanaq pachata mastarispa kay pachatapas takyachiq unanchasuqniki Tayta Diostachu qonqarunki? ¿Hinallachu ñakarichisuqnikipa piñakuyninta sapa punchaw manchakunki? ¿Maypitaq ñakarichisuqnikipa piñakuynin kachkan?

Isaías 61:3

Sión llaqtapi llakisqakunaman uchpapa rantinpi coronataña qomunaypaq, waqaypa rantinpi kusikuytaña qomunaypaq, llakipi kaqkunatapas fiesta pachawan pachachimunaypaq. Paykunatam sutichanqaku: “Allinkuna ruruq Sachakuna, Tayta Diospa Atiyniyuq kayninta qawachiq Plantakuna” nispanku.

Isaías 7:4

Paytam ninki: Cuidakuy hinaspa hawkalla kay ama manchakuychu nitaq sonqoykipas hukmanyachunchu chay iskay qosniq yantakunaraykuqa, Siriapa reynin Rezinpa chaynataq Remaliaspa churin Pekapa sinchi piñakuyninraykuqa.

Isaías 9:4

Qanmi llasaq yugota pakipachkaq hina ñakarichiqninkumanta libraykurqanki, hombronkupi kaspita pakipachkaq hinam ñakarichiqninkuta vencerurqanki. Chaynataqa ruwarqanki Madián llaqtata ruwasqaykita hinam.

Miqueas 5:5

Paymi hawkayayta apamuwasun Asiria nacionña llaqtanchikman hamuspan palacionchikkunaman yaykuptinpas, paykunapa contranpim qanchis michiqkunatawan ancha reqsisqa pusaq kamachikuqkunata kachaykusun.