Isaías 10:13 - CHUYA QELLQA La Biblia en Quechua de Ayacucho 2012

¹³ Asiria nacionpa reyninmi nirqa: “Atiyniywanmi chaykunata ruwarqani, yachayniywan hinaspa yuyaysapa kasqayrayku. Nacionkunapa linderonkunatam asuchirqani, qori-qollqenkutam qechurqani. Ñoqaqa munaychakuq hinam kamachiqninkutapas wischurqani.

Quechua Ayacucho Bible 1987

¹³ Asiria nacionpa reyninmi nirqa: “Atiyniywanmi chaykunata rurarqani. Ancha entiendeq kaspaymi tanteaspa rurarqani. Nacionkunapa linderonkunatam asurichirqani. Qori-qollqentam ñoqaqa qechurqani. Ñoqaqa munaychakuq hinam gobiernaqninkunatapas tiyanankumanta wischurqani.

Chuya Qellqa 1992

¹³ Asiria nacionpa reyninmi nirqa: “Atiyniywanmi chaykunata ruwarqani, yachayniywan hinaspa yuyaysapa kasqayraykum. Nacionkunapa linderonkunatam asuchirqani, qori-qollqenkutam qechurqani. Ñoqaqa munaychakuq hinam kamachiqninkutapas wischurqani.

Isaías 10:13 Iomraidhean Croise

2~Reyes 15:29

Israelpi rey Peka munaychakuchkaptinmi Asiria nacionpa reynin Tiglat-pileser Israelman chayarurqa. Atacaspa vencesqan llaqtakunam kaykuna: Ijón, Abel-bet-maaca, Janoa, Cedes, Hazor, Galaad, Galilea hinaspa Neftalí law; venceruspanmi llapa runankunatapas presocharuspan Asiria nacionman aparqa.

2~Reyes 16:8

Chaynapim Acazqa Tayta Diospa templonmanta hinaspa reypa wasinmanta qorita, qollqeta hurqoramuspan Asiria nacionpa reyninman regalota apachirqa.

2~Reyes 17:24

Asiria nacionpa reyninmi Babilo-niamanta, Cutamanta, Avamanta, Hamat-manta hinaspa Sefarvaim llaqtamanta runakunata aparuspan Israel runakunapa rantinpi paykunataña Samaria llaqtapi churarurqa, chaymi hapikuykuspanku paykunaña yacharqaku.

2~Reyes 17:6

Isqon wataña rey Oseas munaychakuchkaptinmi, Asiria nacionpa reyninqa Samaria llaqtata venceruspan Israel runakunata presocharuspan Asiria nacionman aparqa, hinaspam Halah llaqtapi, Habor mayupa patanpi kaq Gozán llaqtapi chaynataq Media nacionpa llaqtankunapi churarqa, chaypiña yachanankupaq.

2~Reyes 18:11

Asiria nacionpa reynin Salmanasarmi Israel runakunata presocharuspan Asiria nacionman aparqa, hinaspanmi Halah llaqtapi, Habor mayupa patanpi kaq Gozán llaqtapi chaynataq Media nacionpa llaqtankunapipas churarurqa, chaypiña yachanankupaq.

2~Reyes 18:15

Chaymi rey Ezequías, Tayta Diospa templonmanta chaynataq palacionpi waqaychasqanku qollqeta qoykurqa.

2~Reyes 18:32

hamuspay kay yachasqaykichikman rikchakuq allpaman, allin ruruq allpaman, uvaspa, aceitunaspa chaynataq mielpa kanan allpaman kikiypuni pusanaykama, chaypi kawsaspaykichikqa manam wañunkichikchu. Ezequiastaqa ama kasuychikchu, payqa llullakususpaykichikmi nisuchkankichik: Tayta Diosmi waqaychawasunchik, nispa.

1~Crónicas 5:26

Chayraykum Israelpa Diosninqa, Asiria nacionpa reynin Pulta paykunapa contranpi kachamurqa. Pulpa huknin sutinqa karqa Tiglat-pilesermi. Paymi Rubén aylluta, Gad aylluta hinaspa Manasespa wakin ayllunta presota aparurqa Halah lawman, Habor lawman, Hara lawman hinaspa Gozán mayu lawman, chaypim kunankamapas yachachkanku.

Proverbios 28:11

Apuqa yachayniyuqpaqmi hapikun, wakcham ichaqa yachayninwan chaylla musyarunqa.

Isaías 10:8

Paymi nin: Nacionkunapa reyninkunaqa nisqayta ruwaqkunallam.

Isaías 5:21

¡Ay, imaynaraq kanqaku yachaysapa tukuqkuna chaynataq kikillankumanta yuyaysapa tukuqkuna!

Jeremías 46:8

Egipto nacionmi Nilo mayu hinaraq llimparichkan, mayukuna hinaraqmi chukulyamuchkan. Egiptom kaynataraq nichkan: “Mayu hina llimparispaymi kay pachata pamparusaq, llaqtakunatam runankunatawan kuskata pasaypaqta chinkarachisaq”, nispa.

Jeremías 48:14

Moab nacionqa amayá nichkachunchu: “Allinnin qari-qari soldadokunam kaniku” nispaqa, nitaq “guerrapi peleaq tropakunam kaniku” nispapas.

Ezequiel 25:3

Ñoqa Tayta Diospa nisqayta kaynata niy: Qamkunam temployta millakuypaqta ruwaptinku, Israel nacionta tuñichiptinku, Judá nacionpi kaqkuna preso apasqa kaptinku, kusikuymanta qaparispa: “Allinta ruwachun” nirqankichik.

Ezequiel 26:2

Runapa churin, Tiro llaqtapi yachaq-kunam Jerusalén llaqtapa contranpi kaynata nirqaku: “Allinta ruwachun, nacionkunapa negocio ruwananku punkum ñutupasqaña kachkan, kunanqa ñoqanchikmanñam tuparuwanchik, pay tuñichisqa kanankamam ñoqanchikñataq qori-qollqeta huñukuspa kapuqniyuq kasunchik”, nispanku.

Ezequiel 29:3

Ñoqa Tayta Diospa nisqayta kaynata niy: Egipto nacionpa reynin Faraón, ñoqam contraykipi kachkani, mayupa chawpinpi wischurayaq manchapa hatun animal hinam kanki. Qanmi kaynata nirqanki: “Nilo mayuqa ñoqapam, ñoqam unancharqani”, nispayki.

Ezequiel 35:13

Qamqa mana upallaykuspam ñoqapa contraypi rimarqanki, contraypi rimasqaykitam ñoqaqa uyariruni.

Daniel 4:27

Chaynaqa reynilláy, kay consejasqayta uyariykuway: Ama huchallikuspa allin kaqkunataña ruway, mana allinta amaña ruwaspa wakchakunamanta llakipayarikuy, ichapas qamqa hina hawkalla unayta kawsakuwaq, nispa.

Daniel 4:30

nirqa: “¡Mayna hatunmi kay Babilonia llaqtaqa! Ñoqapunim hatun atiyniywan kay llaqtataqa munaychakuyniypa chawpin kananpaq hatarichirqani, chaynapi ancha reqsisqa kasqaymanta alabakunaypaq”, nispa.

Amós 5:27

Chayraykum Tukuy Atiyniyuq Tayta Dios kaynata nin: Damascopa waklawninkunamanraqmi presota apachisqaykichik, nispa.

Amós 6:13

Qamkunam Lo-Debar llaqtata vencerusqaykichikmanta kusikuspa ninkichik: ¿Manachum kallpanchikwan Carnaín llaqtatapas vencerunchik? nispaykichik.

Habacuc 1:11

Kallpasapa wayra hinam pasarunku, paykunaqa kallpankuta diosninkupaq hapispam chaywan huchallikunku.

Habacuc 1:16

Chayraykum mallankuta yupaychanku, inciensotaraqmi qontichipunku, chay mallankuwanmi tukuy imata huñukunku, chayraykum mikunankupas mana pisiq.

Habacuc 2:6

Ichaqa huk punchawmi ñakarichisqan llaqtakuna asikuspanku watuchita hinaraq kaynata ninqaku: “¡Imallapiraq rikukunqaku! mana kikinkupa kaqta huñuspa apuyaqkuna, ¿haykapikamataq mana qamkunapa kaqta huñuypaq-huñukunkichik?” nispanku.

Deuteronomio 8:17

Yanqañataq sonqoykichikpi niwaqchik: “Kay llapa kapuqninchiktaqa kall-panchikwanmi armakurqanchik”, nispaykichik.

Jueces 7:2

Hinaptinmi Gedeonta Tayta Dios nirqa: Madianitakunata makikiman churanaypaqqa qanwan kaq runakunam achkallaña kachkanku, yanqañataq Israel miraykunaqa hatunchakunmanku, “kikiykum librakunikuqa”, nispanku.