Isaías 10:12 - CHUYA QELLQA La Biblia en Quechua de Ayacucho 2012

¹² Tayta Diosñataqmi Sión moqopi hinaspa Jerusalén llaqtapi ruway munasqankunata tukuruspan, Asiria nacionpa reyninta, hatun tukuq kayninwan ruwasqanmanta, alabakuspa, hatunchakuspa ruwasqanmanta castiganqa.

Quechua Ayacucho Bible 1987

¹² Señorqa Sion Moqopa contranpi runankunata tukuruspanmi, Jerusalen llaqtapa contranpi runankunata tukuruspanmi ninqa: Asiria nacionpa reynintam castigasaq. Orgulloso kayninwan rurasqanmantam castigasaq. Alabakuspa chaynataq hatunchakuspa rurasqanmantam castigasaq.

Chuya Qellqa 1992

¹² Tayta Diosñataqmi Sión moqopi hinaspa Jerusalén llaqtapi ruway munasqankunata tukuruspan, Asiria nacionpa reyninta, hatun tukuq kayninwan ruwasqanmanta, alabakuspa, hatunchakuspa ruwasqanmanta castiganqa.

Isaías 10:12 Iomraidhean Croise

2~Reyes 19:31

Jerusalén llaqtamantam miranqaku, Sión moqopi kawsaqkunam qepanqaku. Tukuy Atiyniyuq Tayta Diospa kuyakuyninmi chaynata ruwanqa, nispa.

Proverbios 21:4

Hatun tukuywan, yachayniyuqpaq hapikuruyqa, hinaspa mana allin ruwaypi kawsayqa hucham.

Proverbios 30:13

Kanmi hatun tukuq runakuna, runamasintapas winkullamanraqmi qawanku.

Isaías 2:11

Hatun tukuq runakunapas uchuychasqam kanqaku, hatunchakuqkunapas kumuykachisqam kanqaku. Chay tiempopiqa Tayta Diosllañam hatunchasqa kanqa.

Isaías 2:12

Tukuy Atiyniyuq Tayta Diospa punchawninmi hamuchkan, hatun tukuqkunata uchuychananpaq, hatunchakuqkunata tuñichinanpaq;

Isaías 24:21

Chay punchawmi Tayta Dios ñakarichinqa hanaq pachapi kaqkunatapas, chaynallataq kay pachapi reykunatapas.

Isaías 27:7

Israelpa mirayninkunataqa, Diosqa manam ñakarichirqa paykunapa ñakarichiqninkunata hinachu, wañuchispapas manataqmi wañuchirqa paykunapa wañuchiqninkunata hinachu.

Isaías 27:9

Chaywanpas Jacobpa mirayninkunapa huchantaqa pampachanqam, ichaqa kaykunatam ruwananku: Idolonkupa altarninkunatam isku rumita hina ñutupananku, Asera idolonkutam wikapananku, idolonkupaq incienso kañananku altarkunatam tuñichinanku.

Isaías 29:14

Chayraykum huktawan admirakuypaq milagrokunata ruwaspay kay llaqtata yapamanta hukmanyachisaq. Yachaysapa runankunapa yachayninmi tukurunqa, yuyaysapa runankunapa yuyayninmi waspirunqa, nispa.

Isaías 33:1

¡Ay, imaynaraq kankichik, purmachiq kachkaspa mana purmachisqakuna, traicionaq kachkaspa mana traicionasqakuna! Purmachiyta tukuruspam qampas purmachisqa kanki, traicionayta tukuruspam qampas traicionachikunki.

Isaías 37:23

¿Pitataq kamirqanki? ¿Pitataq ñakarqanki? ¿Pitataq kutiparqanki? ¿Pitataq hatunchakuspa qawarqanki? ¡Israelpa Chuya Diosninpa contranpim chaykunataqa ruwarqanki!

Isaías 37:29

uyarinim ñoqapaq piñakuspa hatun simikiwan kamiwasqaykitapas, chayraykum argollata senqaykiman churaspay, frenota simikiman churaspay, maymi hamusqayki ñanninta kutichisqayki, nispa.

Isaías 5:15

Chaynatam runakunata uchuychanqa, hatun tukuqkunatam kumuykachachinqa.

Isaías 50:11

Ninata ratachiqkuna, chay ninawan achkikuqkuna: Chay ninapa achkiyninpi puriychik. Ñoqa Diosmantam kaykuna hamusunkichik, ñakariypa pampasqanmi kankichik.

Isaías 65:7

Mana allinkuna ruwasqaykichikmantam, ñawpaq taytaykichikkunapas orqokunapi inciensota kañaspa piñachiwasqankumantam, pagapusqaykichik, nispa.

Isaías 9:9

Chaytaqa llaqtantin runam yachanqa. Efrainpiwan Samariapi yachaqkunam, pay tukuspanku, hatun tukuspanku kaynata ninku:

Jeremías 25:29

Sapaqchakusqay llaqtamanmi castigoy kachariyta qallaykusaq, ¿chaychu qamkunañataq mana castigasqa qeparuwaqchik? castigoymantaqa manam lluptinkichikchu. Kay pachapi llapallan nacionkunamanmi guerrata kacharimusaq. Ñoqa Tukuy Atiyniyuq Tayta Diosmi chaynata nini.

Jeremías 50:18

Chayraykum Israelpa yupay-chasqan Tukuy Atiyniyuq Tayta Dios kaynata nin: Asiria nacionpa reynin castigasqayta hinam Babilonia nacionpa reynin Nabucodonosortapas chaynataq runankunatapas castigasaq.

Jeremías 50:32

Hatun tukuq nación, mitkaruspam urmarunki, manam hatarichisuqnikipas kanqachu. Llaqtaykikunatam kañaykusaq, chay ninam muyuriqnikipi kaqkunatapas rupanqa, nispa.

Ezequiel 31:10

Ñoqa Tayta Diosmi kaynata nini: Chay sacham llumpayta wiñarurqa, puntankunapas puyukamaraqmi cha-yarqa, sayayninman hinam hatuncha-kuyta qallaykurqa.

Ezequiel 31:14

Manañam ima sachapas maynaña yakupa hawanpi kaspapas hatu-hatuntaqa wiñanqachu, maynaña parqosqa kaspapas manañam alto-altota wiñaspa puyukamaqa chayanqañachu. Llapallankum wañunankupaq sentenciasqa kachkanku, uku pachaman chayaspa wañuqkunawan huñunakunankupaq citasqam kachkanku, nispa.

Daniel 11:45

Chay reyqa, carpankunatam lamar qochamanta Diospaq sapaqchasqa “kuyayllapaq moqoman” riq ñanpi sayachinqa. Ichaqa wañunan punchaw chayaramuptinmi manaña pipas yanapanqachu.

Daniel 4:37

Chayraykum ñoqa Nabucodonosor hanaq pachapi Reyta alabaspay hatunchani, paytam yupaychanipas, paypaqqa tukuy ima ruwasqankunapas cheqapmi, payqa allinkuna ruwaqmi, hatun tukuqkunatapas payqa uchuychanmi.

Números 24:24

Chipre islamantam barcokuna hamunqa, Asiriapa chaynataq Heberpa llaqtankunatam purmachinqa, ichaqa kikinpas purmachisqam kanqa, nispa.

Mateo 12:33

Allin sachaqa allinkunallatam rurun, mana allin sachañataqmi mana allinkunallata rurun, sachataqa ruruyninpim reqsinchik.

Mateo 15:19

Runapa sonqonmantaqa lloqsimun mana allin yuyaymanaykunawan wañuchinakuykuna, waqllikuykuna, huchapakuykuna, suwakuykuna, llullakuykuna hinaspa kamikuykunam.

Deuteronomio 32:27

Ichaqa enemigokunapa asipayasqa kanantam mana munarqanichu, yanqañataq contrankupi kaqkuna ninmanku: “Kaytaqa kallpallanchikwanmi ruwarunchik, manam Tayta Dioschu ruwan”, nispanku.

1~Pedro 4:17

Ñam chayaramunña Diospi iñiqkunata juzganan punchaw, ñoqanchikwan juicio qallariptinqa, ¿imaynaraq kanqa Diospa allin notician mana kasukuqkunaqa?