Isaías 10:1 - CHUYA QELLQA La Biblia en Quechua de Ayacucho 2012

¹ ¡Ay, imaynaraq kankichik, mana allin kamachikuykuna decretaqkuna, ñakarichinaykichikpaq kamachikuykunata qellqaqkuna!

Quechua Ayacucho Bible 1987

¹ ¡Ay, imaynaraq kankichik engañanaykichikpaq decretaqkuna! ¡Ay, imaynaraq kankichik ñakarichinaykichikpaq ley qellqaqkuna!

Chuya Qellqa 1992

¹ ¡Ay, imaynaraq kankichik, mana allin kamachikuykuna decretaqkuna, ñakarichinaykichikpaq kamachikuykunata qellqaqkuna!

Isaías 10:1 Iomraidhean Croise

1~Reyes 21:13

Chaymantam iskay mana allin runakuna hamuruspanku Nabotpa chimpanpi tiyaykurqaku, paykunam llullakuspanku runakunapa qayllanpi Nabotpa contranpi nirqaku: Nabotmi Diostawan reyta insultarun, nispanku. Chaymi llaqtamanta hawaman pusa-ruspanku rumiwan choqapaspa wañurachirqaku.

Éxodo 23:3

wakchaña kaptinpas amam sayapakunkichu.

Éxodo 23:6

Wakcha runa quejapi kaptinqa allin arreglotam ruwaykunki.

Isaías 29:21

Runamasinta yanqamanta cargochaqkunaqa tukurunqam, cortepi nanachikuqman trampa churaqkunaqa chinkarunqam, mana huchayuq runata allin arreglota mana ruwaspa engañaqkunaqa puchukarunqam.

Isaías 3:11

¡Imaynaraq kanqaku mana allin ruwaqkuna! Mana allin ruwasqankunaman hinam Dios pagapunqa.

Isaías 3:14

Tayta Diosmi llaqtanpi ancianokunawan chaynataq kamachikuqkunawan juicioman yaykuspan ninqa: Qamkunaqa llaqtaytam chaqorunkichik, wakchakunamanta suwakusqaykichiktam wasikichikpiraq pakarunkichik.

Isaías 5:11

¡Ay, imaynaraq kankichik, tutapayta hatarispa upyakuqkuna! ¡Ay, imaynaraq kankichik, sinchi tutakama machakuqkuna!

Isaías 5:18

¡Ay, imaynaraq kanqaku! Sakrillawan mana allin ruwayta apamuqkuna, carretata hinaraq huchankuta aysaqkuna.

Isaías 5:23

Qamkunaqa qollqeta chaskikuykuspam mana allin ruwaq runata mana huchayuqta hina kachaykunkichik, inocente runamantañataqmi mana imapas qokusunkichikchu.

Isaías 5:8

¡Imallapiraq rikukunkichik, wasikunata chakrakunata rantiypaq-rantiqkuna! ¿Qamkunallachu kay allpapi kawsankichik?

Isaías 59:13

Mana kasukuspam qepancharqaykiku, iskay uya kaspaykum traicionarqaykiku; contraykipim hatarirqaniku, runamasiykuta ñakarichinaykupaqmi rimarqaniku, engañanaykupaqmi sonqoykupipas tantearqaniku.

Isaías 59:4

Juzgadomanmi llullakuspa quejakuq rinkichik, juezkunamanpas manam cheqap kaqwanchu rinkichik. Aswanqa yanqakunallapim hapipakunkichik, yanqakunallatam rimankichik, mana allin ruwaykunapa huntasqanmi kachkankichik, chayraykum millakuypaq kaqkunallata rikurichinkichik.

Jeremías 22:13

¡Ay, imaynaraq kanki! mana allinkunata ruwasqaykipa chaninwan, palacioykikunatawan hatun wasikikunata hatarichikuspa, runamasinkunawanpas mana pagollapaq llamkachikuq runa.

Amós 2:7

Mana piniyuqkunatam usuchinku, wakchakunatapas yanqamanta cargochaspam pantachinku. Taytakunapas churintinmi huk warmillawan qanrakunku, hinaspam chuya sutiyta penqayman churanku.

Miqueas 6:16

Rey Omripa kamachikuyninkunatam kasukurqanki, rey Acabpa ayllunkuna ruwasqankutam ruwarqanki, paykunapa nisusqaykiman hinam kawsarqanki. Chayraykum purmachisqa kanki, runaykikunatañataqmi burlakuspa asipayanqaku, llaqtaypa penqayninmi hawaykiman chayanqa.

Habacuc 2:12

¡Imallapiraq rikukuykunki! Yawarta chaqchuspa llaqtata hatarichiq runa, mana allin ruwaypa hawanpi llaqtata hatarichiq runa,

Habacuc 2:15

¡Ay, imaynaraq kanqa! Penqayninta qawananpaq tragota upyachispa runamasinta machachiq runa.

Habacuc 2:19

¡Imallapiraq rikukunqa! Kullumanta idolota “rikchariy” niq runa, rumimanta mana rimaq idolota “hatariy” niq runa. ¿Yaqachu chay idolokuna imallatapas willakunman? Manam; qori-qollqewan llusisqaña kaspapas paykunaqa manam kawsankuchu.

Habacuc 2:6

Ichaqa huk punchawmi ñakarichisqan llaqtakuna asikuspanku watuchita hinaraq kaynata ninqaku: “¡Imallapiraq rikukunqaku! mana kikinkupa kaqta huñuspa apuyaqkuna, ¿haykapikamataq mana qamkunapa kaqta huñuypaq-huñukunkichik?” nispanku.

Habacuc 2:9

Suwakuspalla wasinta huntachikuq runa, mana allinmanta ayqenanpaq alto-altopi qesanta ruwakuruq runa, ¡imallapiraq rikukunki!

Mateo 11:21

¡Ay, Corazín llaqta, imaynaraq kanki! ¡Ay, Betsaida llaqta, imaynaraq kanki! Sichum qamkuna ukupi ruwasqay milagrokunata Tiro llaqtapi hinaspa Sidón llaqtapi ruwaptiyqa, chayllachá qachqa pachawan churakuykuspa, uchpawan machqekuspa wanakurunmankuña karqa.

Mateo 23:23

¡Iskay uya fariseokuna hinaspa Diospa leynin yachachiqkuna, imaynaraq kankichik! Qamkunam hierbabuenamanta, anismanta hinaspa cominomanta diezmoykichikta qonkichik; allin ruwayta, kuyapayakuyta hinaspa iñiyniyuq kaytam ichaqa qonqarunkichik. Kay hatun kamachikuykunatam kasukunaykichik, diezmo qoytapas ama qonqaspa.

Mateo 23:27

¡Iskay uya fariseokuna hinaspa Diospa leynin yachachiqkuna, imaynaraq kankichik! Hawaykichikqa yuraq-yuraq sepultura hina suma-sumaq allichasqam kachkan, ukuykichikmi ichaqa wañusqakunapa tullunwan hinaspa millakuypaq kaqkunawan huntasqa asnarichkan.

Mateo 23:29

¡Iskay uya fariseokuna hinaspa Diospa leynin yachachiqkuna, imaynaraq kankichik! Qamkunaqa profetakunapaqmi hatun sepulturakunata ruwapunkichik, allin ruwaq runakunapa sepulturankunatam adornankichik,

Mateo 26:24

Cheqaptapunim runapa Churinqa Qellqapa nisqanman hina ruwasqa kanqa, ichaqa, ¡imaynaraq traicionaqnin runa kanqa! Amapas nacenmanchu karqa, nispa.

Lucas 11:52

¡Ay, imaynaraq kankichik! Diospa leynin yachachiqkuna, qamkunaqa yachaypa llaventam hapikurunkichik, manam yaykuyta munankichikchu, nitaqmi hukkuna yaykukunantapas munankichikchu, nispa.

Juan 19:6

Sacerdotekunapa kamachiqninku-nawan guardiakunañataqmi Jesusta rikuykuspanku qaparirqaku: ¡Chakatay, chakatay! nispanku. Pilatoñataqmi nirqa: ¡Qamkunayá chakatamuychik! Paypiqa manam imatapas tarinichu sentencianaypaq hinaqa, nispa.

Juan 9:22

Tayta-mamanqa chaynata nirqaku judiokunata manchakuspankum. Llapa judiokunam tanteanakururqaku, sichum pipas “Jesusqa Cristom” niqtaqa sinagogamanta wischurunankupaq.

Judas 1:11

¡Ay, imaynaraq kanqaku! Paykunaqa Cainpa ruwasqantam qatipakuchkanku, qollqeraykum Balaam hina pantarunku, chaynataqmi Coré hina wañurunku mana kasukusqankurayku.