Isaías 1:7 - CHUYA QELLQA La Biblia en Quechua de Ayacucho 2012

⁷ Nacionnikichikmi purmachkan, llaqtaykichikkunam ninawan rupachkan, qawasqaykichikpi hinam tarpusqaykichiktapas qayllaykichikpi huklaw runakuna mikuchkan, enemigoykichikkunapa purmachisqanraykum allpaykichikpas chunnichkan.

Quechua Ayacucho Bible 1987

⁷ Nacionnikichikmi chunnichkan. Llaqtaykichikkunam rupachkan. Chakraykichikpi tarpusqaykichiktam forasterokunaña qayllaykichikpi mikuchkan. Forasterokunapa purmachisqanku hinam chakraykichik chunnichisqa kachkan.

Chuya Qellqa 1992

⁷ Nacionnikichikmi purmachkan, llaqtaykichikkunam ninawan rupachkan, qawasqaykichikpi hinam tarpusqaykichiktapas qayllaykichikpi huklaw runakuna mikuchkan, enemigoykichikkunapa purmachisqanraykum allpaykichikpas chunnichkan.

Isaías 1:7 Iomraidhean Croise

2~Crónicas 28:5

Chayraykum Siria nacionpa reyninman Tayta Dios qoykurqa. Siria runakunam venceruspanku achka-achkata presocharuspa Damasco llaqtaman aparqaku. Tayta Diosqa qoykurqataqmi Israel nacionpa reyninmanpas, hinaptinmi paypas pasaypaqta vencerurqa.

Isaías 1:8

Uvas chakrapi chuklla hinam Sión llaqtaqa sapallanña qeparun. Pepino chakrapa chawpinpi hatus hinam, enemigonpa muyurusqan llaqta hinam, sapallanña qeparun.

Isaías 3:8

Jerusalén llaqtam tuñirun, Judá nacionmi purmarun; chaynaqa tarikun llapa runankuna rimayninkuwanpas ruwayninkuwanpas huchallikuspanku, Tayta Diosta piñachisqankuraykum.

Isaías 34:9

Edom nacionpa mayunkunam breaman tikrakunqa, polvonkunam azufreman tikrakunqa, allpankunam rupachkaq breaman tikrakunqa.

Isaías 49:19

Llaqtaykiqa tuñichisqa, chunnichisqa hinaspa purmachisqa kachkaspapas, achkallaña runayuqmi kanqa, ñakarichisuqnikikunapas qanmanta karunchasqam kanqa.

Isaías 5:17

Apukunapa purmasqa chakrankunapipas purunpi hinañam cabrakunawan ovejakunallaña mikunqaku.

Isaías 5:9

Tukuy Atiyniyuq Tayta Diosmi cheqaptapuni niwarqa: “Achkallaña wasikunam tuñichisqa kanqa, hatunnin suma-sumaq wasikunam mana runayuq chunninqa.

Isaías 6:11

Chaymi tapurqani: Dios Taytalláy, haykapikamataq chaynaqa kanqa, nispay. Payñataqmi niwarqa: Llaqtakuna mana runayuq chunnichisqa kanankamam, wasikunapi manaña runapas kanankamam, chakrakunapas purmachisqa kanankamam,

Isaías 60:15

Saqesqa, cheqnisqa hinaspa manaña pipapas purinan kanaykimantaqa, wiñaypaq reqsisqatam ruwasqayki, miraykunapa kusikunanpaqmi wiñaypaq churasqayki.

Isaías 62:8

Tayta Diosmi llumpay atiyninrayku juraspan kaynata nin: Trigoykitapas manañam enemigoykikunamanqa qosaqñachu, llamkaspa vino ruwasqaykitapas huklaw llaqtayuqkunaqa manañam tomanqakuchu.

Isaías 64:10

Akllakusqayki llaqtaykikunam chunnichkan, Sión llaqtapas chunnirunñam, Jerusalén llaqtapas purmarunñam.

Isaías 9:18

Mana allinqa, tukuy rikchaq kichkakunata qorakunata ratachkaq nina hinam, monte sachakunatapas ruparuptinmi chusñankunapas qosninpa chawpinta muyurispa-muyurisparaq wichayman hoqarikun.

Isaías 9:5

Guerrapi peleaptinku tropakunapa bullallaña ruwaq zapatonkupas, chaynataq yawarwan qachachasqa pachankupas, lliwmi ninawan rupaspa tukurunqa.

Jeremías 2:15

Malta leonkunam paykunapa contranpi qaparkachanku, manchakuypaqta qaparispam allpankutapas chunnirachinku; llaqtankutapas kañarunkum, manañam pipas yachanñachu.

Jeremías 4:7

Leonmi machayninmanta lloqsiramunña, nacionkuna purmachiqmi hamuchkanña; nacionnikichikta chinkachinanpaqmi lloqsiramunña, llaqtaykikunata purmachinanpaqmi lloqsiramunña, mana runayuqtaña saqenanpaqmi lloqsiramunña.

Jeremías 44:6

Chayraykum Judá nacionpi llaqtakunapa contranpi hinaspa Jerusalenpa callenkunapa contranpi ancha piñakuyniy nina hinaraq ruparirqa. Chaykunaqa hinallam tuñisqa kaspa chunnichkan kunankamapas.

Jeremías 6:8

¡Jerusalén llaqta, wanakuyña, qanmanta mana karunchakunaypaq! Yanqañataq chunniqman tikraruykiman, yanqañataq mana pipa yachananman tikraruykiman.

Jeremías 7:34

Judá llaqtakunapi chaynataq Jerusalén llaqtapa callenkunapim, asikuyta, kusikuyta casarakuy fiestata chinkarachisaq. Kay nacionqa pasaypaqtañam chunninqa, nispa.

Lamentaciones 5:2

Tukuy imayku kaqpas huklaw llaqtayuqkunapa makinpiñam, wasiykupas mana reqsisqayku runakunapañam.

Ezequiel 25:4

Chayraykum qamkunata intipa qespimunan lawpi llaqtakunaman qoykusqaykichik, chaynapi allpaykitapas hapikuykuspanku campamentonkuta sayachispa yachakunankupaq. Chakraykichikpa ruruntapas paykunañam mikukunqaku hinaspam tomanaykichik lechetapas paykunaña tomakunqaku.

Ezequiel 30:12

Nilo mayutapas chakirachisaqmi mana llakipayakuq runakunamanmi llaqtatapas qoykusaq. Chay naciontapas chaynataq tukuy ima kapuqninkunatapas huklaw nacionniyuq runakunawanmi purmarachisaq, nispa. Ñoqa Tayta Diosmi chaynata nini.

Oseas 7:9

Huklaw nación runakunam paykunapa kallpanta tukurun, ichaqa manam musyakunkuchu; umankupas soqoyarunñam ichaqa manam musyakunkuchu.

Oseas 8:7

Paykunaqa wayratam tarpurunku ichaqa sinchi para wayratam cosechanqaku. Wiñaq trigonkupas manam rurunqachu chayraykum harinankupas manaña kanqachu, trigota cosecharuptinkupas huklaw llaqtayuq runakunam mikukunqaku.

Levítico 26:33

Huklaw nacionkunamanmi cheqechisqaykichik, hinaspam guerrawan qatikachachisqaykichik, nacionnikichikmi chunninqa, llaqtaykichikkunam purmanqa.

Levítico 26:34

Allpaykichikpas enemi-goykichikkunapa nacionninpi kamunaykichikkamam purmaspa samakunqa, mana samachisqaykichikmantam samakunqa.

Miqueas 5:11

Llaqtaykichiktapas tuñichisaqmi, amparakunaykichik wasikunatapas purmarachisaqmi.

Miqueas 6:13

Chayraykum ñoqapas ñakarichispay huchaykirayku tuñichichkayki.

Deuteronomio 28:33

Chakraykimanta cosechasqaykikunatawan llamkaspa huñusqaykikunatapas mana reqsisqayki runakunam mikukunqaku. Sarutyasqa kaspam chaylla-chaylla ñakarinki.

Deuteronomio 28:43

Qamkunawan yachaq huklaw llaqtayuqkunam qamkunamantapas aswan munayniyuq kanqaku, qamkunañataqmi aswan-aswan chinkankichik.

Deuteronomio 29:23

Chay allpaqa azufreyuq, kachiyuq hinaspa kañasqa, mana tarpuna, mana imapapas ikllinan nitaq qorapapas wiñanan allpam kanqa. Sodomapa, Gomorrapa, Admapa chaynataq Zeboimpa allpankunamanmi rikchakunqa. Chaykunatam Tayta Dios anchata piñakuspan chinkarachirqa.