Isaías 1:6 - CHUYA QELLQA La Biblia en Quechua de Ayacucho 2012

⁶ Chaki pampaykichikmanta uma puyuknikichikkamam mana imaykichikpas sanoqa kanchu, aswanqa toqyasqa, punkisqa, mana pipa hampisqan, mana pipa watasqan, mana pipapas aceitewan llusiykusqan kichasqa heridakunallam kachkan.

Quechua Ayacucho Bible 1987

⁶ Chaki pampaykichikmanta umaykichikkamam qamkunapiqa mana imaykichikpas kanchu sanoqa aswanqa toqyasqa heridakunallam kachkan. Punkisqa, kichasqa heridakunallam kachkan. Manam pipas chaykunataqa hampirqachu. Manam pipas chaykunataqa watarqachu. Manam pipas aceitellawanpas llusiykurqachu.

Chuya Qellqa 1992

⁶ Chaki pampaykichikmanta uma puyuknikichikkamam mana imaykichikpas sanoqa kanchu, aswanqa toqyasqa, punkisqa, mana pipa hampisqan, mana pipa watasqan, mana pipapas aceitewan llusiykusqan kichasqa heridakunallam kachkan.

Isaías 1:6 Iomraidhean Croise

2~Samuel 14:25

Israel nacionpiqa manam pipas Absalón hina ancha kuyayllapaqqa karqachu. Payqa chaki pampanmanta uma puyukninkama kuyayllapaqmi karqa.

Jobwan Sutichasqa Libro 5:18

Diosqa runata heridaruspanpas hina kikillantaqmi hampiykun, pimanña nanayta qoykuspanpas hina payllataqmi hampiykun.

Isaías 30:26

Hinaptinmi killapa achkiyninpas intipa achkiynin hinaraq kanqa, chaynataqmi intipas qanchis kuti mastaraq kancharinqa, imaynam qanchis punchawpi kanchayninta hina. Chaynam kanqa runankunapa isunta kikinpa isuchasqanta Tayta Dios wataspan hampisqan punchawpi.

Jeremías 17:9

Runapa sonqonqa, tukuy imamantapas aswan engañakuq hinaspa mana allinpa huntasqanmi. ¿Pitaq allinta reqsinman?

Jeremías 30:12

Ñoqa Tayta Diosmi kaynata nini: Heridaykiqa mana hampiy atinam, onqoynikipaqqa manam hampi kanchu.

Jeremías 30:15

¿Imanasqataq heridaykirayku qaparinki? Onqoynikiqa mana hampiy atinam. Mana allinkuna ruwasqaykiraykum, llumpay huchaykiraykum chaynataqa ruwarqayki.

Jeremías 33:6

Chaywanpas llaqtaytaqa hampispaymi sanoyachisaq, paykunataqa imankumantapas mana pisisqatam hawkallata hinaspa mana pipapas imanasqanta kawsachisaq.

Jeremías 6:14

Llaqtaypa heridantapas hawallantam hampiykunku, hinaspankum sasachakuy kachkaptinpas hawkayaymi kachkan ninkuraq.

Jeremías 6:7

Imaynam pukyumanta yaku mana tukuyta lloqsimun, chaynam Jerusalenmantapas mana allinllaña lloqsimuchkan. Ñakarichinakuywan suwanakuyllañam chaypiqa uyarikuchkan, chaypiqa onqoqkunawan heridasqa kaqkunallañam qawakuchkan.

Nahúm 3:19

Nanaynikipaqpas manam hampi kanchu, heridaykiqa mana hampiy atinam. Tuñisqaykimanta uyariqkunam taqllakuspa kusikunku. ¿Pitataq mana ñakarichiqchu kanki mana allin ruwaynikikunawan? nispa.

Malaquías 4:2

Kasuwaqniykunapaqmi ichaqa, inti qespimuchkaq hinaraq kuyakuyniy kancharimunqa, raprankunapim salvacionta apamusunkichik. Qamkunañataqmi kanchanmanta lloqsiq vacapa uñankuna hinaraq kusikuymanta pawaykachankichik.

Mateo 9:12

Chayta uyariruspanmi Jesús nirqa: Sano runakunaqa manam medico-taqa necesitankuchu, aswanqa onqoqkunallam.

Lucas 10:34

Chaymi payman asuykuspan heridankunatapas aceitewan hinaspa vinowan hampiykurqa, chaymantam sillakunan animalman churkuykuspan samapakuna wasiman aparqa hinaspam chaypi atienderqa.