Isaías 1:4 - CHUYA QELLQA La Biblia en Quechua de Ayacucho 2012

⁴ ¡Ay, huchasapa runakuna imaynaraq kankichik! mana allin ruwaykunawan intusqa runakuna, mana allinlla ruwaq miraykuna, mana penqakuq churikuna. Tayta Diosmantam karunchakurunkichik, Israelpa Chuya Diosnintam piñarachinkichik, hinaspam qepancharunkichik.

Quechua Ayacucho Bible 1987

⁴ Ay ¡imaynaraq kankichik, kay nacionpi huchasapa runakuna! Ay ¡imaynaraq kankichik, mana allin ruraykunawan intusqa runakuna! Yaw, mana allinlla ruraq miraykuna. Yaw, huchalla ruraq churikuna. Tayta Diosmantam karunchakurunkichik. Israelpa yupaychasqan Chuya Diosmantam rakikurunkichik. Israelpa yupaychasqan Chuya Diostam qepancharunkichik.

Chuya Qellqa 1992

⁴ ¡Ay, huchasapa runakuna imaynaraq kankichik! mana allin ruwaykunawan intusqa runakuna, mana allinlla ruwaq miraykuna, mana penqakuq churikuna. Tayta Diosmantam karunchakurunkichik, Israelpa Chuya Diosnintam piñarachinkichik, hinaspam qepancharunkichik.

Isaías 1:4 Iomraidhean Croise

Génesis 13:13

Sodomapi runakunaqa llumpay mana allin runakunam karqaku, Tayta Diospa contranpim millakuypaq kaqkunata ruwaspa anchata huchallikuqku.

2~Reyes 21:22

Ñawpaq taytankunapa yupaychasqan Tayta Diosta saqeruspanmi kikinpa munasqanman hinaña kawsakurqa.

2~Crónicas 12:1

Rey Roboamqa munaychakuyninta allinta takyarachispanmi, Tayta Diospa kamachikuyninta qepanchakururqa, Israelpa mirayninkunapas chaynallatam ruwarqaku.

2~Crónicas 27:2

Jotamqa taytan Uzías hinam Tayta Diospa qayllanpi allin kaqkunata ruwarqa. Ichaqa manam Tayta Diospa templonman yaykurqachu. Runakunam ichaqa hinalla huchallikuypi karqaku.

Nehemías 1:7

Contraykipim tukuy mana allinta ruwaruniku, serviqniki Moisesman qosqayki kamachikuykunatapas, decretokunatapas chaynataq reglamentokunatapas, manam kasukurqanikuchu.

Éxodo 32:7

Chaymi Moisesta Tayta Dios nirqa: Kutiy, Egipto nacionmanta hurqomusqayki runakunam millakuypaqta ruwachkanku.

Isaías 1:23

Kamachiqnikikunapas pasaypaq mana kasukuqkunam, suwakunamanpas sayapakuqkunam. Llapallankum qollqewan rantichikunku, imapas chaskiruyllatam paykunaqa maskanku. Mana piniyuqkunatapas manam nanachikunkuchu, viudakunapa quejantapas manam allichankuchu.

Isaías 1:28

Mana kasukuqkunawan huchasapakunaqa ñutusqam kanqaku, ñoqamanta karunchakuqkunaqa wañuchisqam kanqaku.

Isaías 10:6

Paytaqa kamachini, mana kasuwaspa qepanchawaqniy llaqtapa contranpim, piñachiwaqniy runakunamanta qori-qollqenkuta suwaspa qechumunanpaqmi, callepi mituta hina sarumunanpaqmi.

Isaías 12:6

Sión moqopi yachaqkuna, kusikuywan qaparispa takiychik. Israelpa Chuya Diosnin qamkuna ukupi kasqanraykuyá kusikuychik, nispa.

Isaías 14:20

Llaqtaykita pasaypaqta purmachisqaykiraykum, runaykikunata wañuchisqaykiraykum, mana reykunapa pampakunanpichu pampakunkipas. Mana allin runakunapa mirayninqa wiñaypaq qonqasqam kanqaku.

Isaías 29:19

Sumaq sonqoyuqkunam Tayta Diospi kusikunqaku, pasaypaq wakchakunam Israelpa Chuya Diosninrayku kusikunqaku.

Isaías 3:8

Jerusalén llaqtam tuñirun, Judá nacionmi purmarun; chaynaqa tarikun llapa runankuna rimayninkuwanpas ruwayninkuwanpas huchallikuspanku, Tayta Diosta piñachisqankuraykum.

Isaías 30:1

Tayta Diosmi kaynata nin: ¡Imaynaraq kanqaku mana kasukuq churikuna, ruwankupas manam ñoqapa kamachisqaytachu, contratota ruwaspapas manam ñoqataqa kaqpaqpas hapiwankuñachu! Chaynata ruwaspankum aswanraq huchallikunku.

Isaías 30:15

Israelpa yupaychasqan Chuya Diosmi kaynata nin: Wanakuywan kutirimuspa hawkalla kaspam salvasqa kankichik, hawkalla hinaspa hapipakuq kaspaykichikmi kallpasapa kankichik, ichaqa manam kasukurqankichikchu;

Isaías 30:9

Kay runakunaqa mana kasukuq kullukunam, iskay uya llulla miraykunam, Tayta Diospa yachachikuyninta mana uyariy munaqkunam.

Isaías 31:2

Diosqa ancha yachayniyuqmi, sasachakuytaqa apamunqapunim, rimasqantaqa ruwanqam. Mana allin ruwaqpa aylluntam yanapaqninkunatawan kuskata chinkarachinqa.

Isaías 37:23

¿Pitataq kamirqanki? ¿Pitataq ñakarqanki? ¿Pitataq kutiparqanki? ¿Pitataq hatunchakuspa qawarqanki? ¡Israelpa Chuya Diosninpa contranpim chaykunataqa ruwarqanki!

Isaías 41:14

Ñoqa Tayta Diosmi nini: Jacobpa mirayninmanta kaq Israel llaqta, mana kallpayuq taksalla kaspapas ama manchakuychu, ñoqam yanapasqayki, Israelpa ñoqa Chuya Diosninmi reclamaqniki kani.

Isaías 41:16

Wayrachiptikim wayra apanqa, nisyu wayram lliwta cheqerachinqa. Qanmi ichaqa Tayta Diospi kusikunki, Israelpa Chuya Diosninraykum alabakunki.

Isaías 41:20

Chaynapi haykam rikuqkuna ñoqa Tayta Diospa ruwasqayta yachanankupaq, Israelpa Chuya Diosnin kaspay unanchasqayta musyanankupaq.

Isaías 5:19

Paykunaqa ninkuraqmi: Diosqa apurawmanñayá ruwanankunata tukuchun qawananchikpaq, Israelpa Chuya Diosninqa tanteasqankunatayá chaylla cumplichun reqsinanchikpaq, nispa.

Isaías 5:24

Imaynam qopata chaylla nina ruparun, imaynam chaki pastota lenwachkaq nina ruparun, chaynam qamkunapas sapinmanta tukusqa kankichik, wayrapa apasqan chaki wayta hina tukusqam kankichik. Chaynaqa, kankichik, Tukuy Atiyniyuq Tayta Diospa yachachikuyninta mana kasukusqaykichikraykum, Israelpa Chuya Diosninpa kamachikuyninkunata wischupakusqaykichikraykum.

Isaías 57:17

Engañaspa mana allinkunata ruwasqanraykum piñakuspay Israelta ñakarichirqani, piñakuyniypim paymanta pakakurqani; aswanqa paymi mana kasukuq rikurirurqa, munasqallan ruwaymanmi qokururqa.

Isaías 58:2

Paykunaqa sapa punchawsi maskawanku, munasqayman hinas kawsayta munanku, allin ruwaq nación hinaraqsi allin arreglota ruwanaypaq mañawanku, ñoqa Diosninkupa kamachikuyniykuna mana saqeruq hinaraqsi ñoqa Diosman asuykamuwayta munanku.

Isaías 65:11

Qamkunatam ichaqa, ñoqamanta karunchakurusqaykichikrayku, sapaqchasqay orqoyta qonqarusqaykichikrayku, “suerte qokuq”, nispa Gad idoloman, “allin destino qokuq”, nispa Meni sutiyuq idoloman, mikuytawan vinota qosqaykichikrayku,

Isaías 65:3

Kay llaqtaqa chaylla-chaylla piñachiwananpaqmi animalkunata idolonkuman huertakunapi ofrecenku, ladrillo altarkunapim inciensota kañanku.

Isaías 9:17

Chaymi Señorqa mana llakipayanqachu jovenkunatapas, viudakunatapas, mana tayta-mamayuqkunatapas, llapallanku millakuypaq llullallaña kasqankurayku, chaynataq yanqakunata rimaq kasqankurayku. Chaywanpas Tayta Diosqa, hinallam piñasqa kachkan atiyninwan castigananpaq.

Jeremías 15:6

Ñoqa Tayta Diostam saqeruwarqanki, ñoqatam qepanchakuruwarqanki; chayraykum contraykipi makiyta hoqarispay chinkarachisqayki, llakipayaytapas amiruykiñam.

Jeremías 2:13

Llaqtaymi iskay mana allin huchata ruwarun: Kawsachiqninku yaku kachkaptiypas saqeruwankum kikinkuñam pozonkuta toqokurunku, yakuta mana takyachiq raqra pozokunatañam ruwakurunku.

Jeremías 2:17

Ñoqa Tayta Diosta saqeruwasqaykichikraykum, allin ñanninta pusamusuqnikichikta saqeruwasqaykichikraykum, kaykunaqa pasasurqankichik.

Jeremías 2:19

Millakuypaq kaqkuna ruwasqaykikunam castigasunki, mana kasukuynikikunam condenasunki; tantearispayá sumaqta yuyaymanariy, mayna sasam hinaspa mayna manchakuypaqmi yupaychasqayki Tayta Diosta saqeruwaspa mana kasukuyqa. Ñoqa Tayta Diosmi chaynata nini.

Jeremías 2:31

¡Yaw, kunan miraykuna! Ñoqa Tayta Diospa nisqayta uyariychik: ¿Chunniq allpachu qamkunapaq karqani? ¿Mana imapa kanan tutayaq allpachu qamkunapaq karqani? ¿Imanasqataq niwankichik: Manam qanmanqa asuykamusaykikuñachu, munasqaykuman hinañam kawsakusaqku, nispaqa?

Jeremías 2:33

Waynaykikuna maskaytaqa sumaqtam yachanki, mana allin warmikunapas qampa mana allin ruwaynikikunatam qatipakunku.

Jeremías 2:5

Paymi qamkunata kaynata nisunkichik: ¿Taytaykichikkunaqa ima mana allintataq ñoqapi tarirurqaku, chaynapi ñoqamanta karunchakunankupaq? Paykunaqa millakuypaq dioskunamanña qokuruspankum chayna millakuypaqña rikurirurqaku.

Jeremías 32:32

Israel runakunawan Judá runa-kunaqa, reyninkuwan, kamachiqninkunawan, sacerdotenkunawan hinaspa profetankunawan kuskam piñachiwanankupaq tukuy mana allinkunata ruwarqaku.

Jeremías 50:29

Paykunam ninku: “Babiloniata atacamunankupaq flechawan peleaqkunata huñumuychik; mana pipas lluptinanpaq muyuriqninkupi campamentota sayachimuychik. Imam ruwasqankuman hina pagamuychik, imam ruwasqanta hina paytapas ruwamuychik. Paykunaqa Israelpa yupaychasqan Tayta Diospa contranpim hatarirqaku”, nispanku.

Jeremías 51:5

Israel runakunawan Judá runakunam contraypi huchallikuspanku nacionninkuta huchawan huntachirqaku, chaywanpas ñoqa Tukuy Atiyniyuq Tayta Diosqa manam Israel naciontawan Judá naciontaqa saqerqanichu.

Jeremías 7:19

Chaykunata ruwaspaqa manam ñoqatachu piñachiwachkanku, aswanqa kikinku penqaypi kanankupaqmi. Ñoqa Tayta Diosmi chaynata nini.

Jeremías 7:26

Qamkunam ichaqa mana uyariwarqankichikchu, nitaqmi kasuwar-qankichikchu. Aswanqa sonqoykichikta rumiyarachispam taytaykichikkunamantapas astawanraq tukuy mana allinkunata ruwarqankichik.

Ezequiel 14:5

Icharaqpas chaynata ruwaptiy tukuy rikchaq idolokunata qatispa qepanchawasqankumanta wanakunmanku.

Ezequiel 16:33

Llapa chuchumikaqa piwan karuspapas cobranmi, qanmi ichaqa qanrakusqayki runakunamanpas rega-lokunataraq pagarqanki. Tukuy hinas-tinmanta hamuspanku qanwan huchallikunankupaqmi regalokunataraq qorqanki.

Ezequiel 16:45

Qamqa kanki qosantapas wawan-kunatapas cheqniq warmipa wawanmi. Chaynallam ñañaykikunapas qosankutawan wawankuta cheqnirqaku. Het casta warmim mamaykichikpas karqa, taytaykichikñataqmi Amor casta runa karqa.

Daniel 9:11

Israelpa mirayninkunaqa imam yachachiwasqaykikutapas llapallaykum mana kasukurqanikuchu, qampa nisqaykitaqa manam uyariytapas munarqanikuchu; contraykipi huchallikuruspaykum juraspa ñakaynikikunawan ñakasqa kachkaniku, imaynam serviqniki Moisespa qellqasqanman hina.

Sofonías 1:6

Ñoqa Tayta Diosmanta karunchakuruspa mana maskawaqniykunatapas, chaynataq mana tapukuwaqniykunatapas puchukachisaqmi, nispa.

Números 32:14

Yaw, huchasapa ru-nakunapa mirayninkuna, qamkunaqa taytaykichiktañam qatipakuchkankichik, chaynapi Israel runakunapa contranpi Tayta Diosta astawan piñachinaykichikpaq.

Mateo 11:28

Haykam pisipasqakuna hinaspa ñakariqkuna ñoqaman hamuychik, ñoqapim samayta tarinkichik.

Mateo 23:33

¡Maqta urukuna! ¡Maqta urupa mirayninkuna! ¿Imaynatataq infiernopi castigasqa kanaykichikmanta lluptinkichik?

Mateo 3:7

Llapa fariseokunawan saduceokunapas bautizachikuq hamuptinkum Juanñataq nirqa: ¡Maqta urupa mirayninkuna! ¿Pitaq willarusunkichik hamuq ñakariymanta ayqeruyta?

Romanos 8:7

Aychaman hina kawsaqkunaqa Diospa enemigonkunam, paykunaqa manam Diospa leynin kasukuyta munankuchu, nitaqmi ruwaytapas atinkuchu.

1~Corintios 10:22

¿Señortachu piñachisun? ¿Paymanta aswan kallpayuqchu kanchik?

Deuteronomio 29:25

Chaymi ninqaku: “Ñawpaq taytankupa yupaychasqan Tayta Diosmi Egipto nacionmanta hurqomuspan paykunawan pactota ruwarqa, chay pacto saqerusqankuraykum kaynata ruwarachikunku.

Deuteronomio 31:16

Hinaptinmi Moisesta Tayta Dios nirqa: Qamqa wañukunkiñam, ichaqa kay runakunam maymi risqanku allpapi, hukwan tupakuruq casada warmi hina mana reqsisqanku dioskunata qatinqaku. Saqeruwaspankum paykunawan ruwasqay pactotapas yanqacharunqaku.

Deuteronomio 32:19

Chayta rikuspanmi Tayta Dios sinchita piñakururqa, piñakuruspanmi qaritapas warmitapas churinkunata qepanchakururqa.

Deuteronomio 32:5

Millakuypaq huchasapa runakuna, Tayta Diosta piñachiq runakuna, manam qamkunaqa churinchu kankichik.

Colosenses 1:24

Kunanqa llumpaytam kusikuni qamkunarayku ñakarisqaywan, chaynapim llapa iñiqkunarayku Cristopa ñakarisqanta kikiypa cuerpoypiña tukupachkani, llapa iñiqkunaqa Cristopa cuerponmi.

Apocalipsis 18:5

Paykunapa huchanqa hanaq pachakamaraqmi chayarun, mana allin ruwasqankutaqa Diosqa manam qonqanchu.

Jueces 10:10

Chaymi Israelpa mirayninkuna, Tayta Diosta kaynata qayakurqaku: Qampa contraykipim huchallikuruniku. Qam Diosniykuta qepanchakuruspaykum Baal idolokunataña yupaycharqaniku, nispanku.