Isaías 1:3 - CHUYA QELLQA La Biblia en Quechua de Ayacucho 2012

³ Toropas dueñontaqa reqsinmi, asnopas dueñompa ruwapusqan corraltaqa reqsinmi. Israel llaqtaymi ichaqa mana reqsikuq hinaspa mana uyarikuq rikurirun.

Quechua Ayacucho Bible 1987

³ Bueyespas reqsinmi dueñontaqa. Asnopas reqsinmi mikunan artesantaqa. Reqsinmá dueñonpa churasqan artesataqa. Israelpa castan runaykunaqa manam reqsiwankuchu. Israelpa castan runaykunaqa manam entiendewankuchu.

Chuya Qellqa 1992

³ Toropas dueñontaqa reqsinmi, asnopas dueñompa ruwapusqan corraltaqa reqsinmi. Israel llaqtaymi ichaqa mana reqsikuq hinaspa mana uyarikuq rikurirun.

Isaías 1:3 Iomraidhean Croise

Proverbios 28:5

Mana allin runakunaqa allin ruwaytapas manam yachankuchu, Diosman hapipakuqkunam ichaqa tukuy imatapas yachanku.

Proverbios 6:6

Yaw, qella runa, sisita qaway, imam ruwasqanta qawaspa yachayta chaskiy.

Isaías 27:11

Sachapa kallmanpas chakiruspaqa pakirunmi, warmikunam chaykunata huñuruspa ninata ratachinku. Mana yachayniyuqmi kay llaqtaqa, chayraykum unanchaqninpas mana llakipayanqachu, nitaqmi paykunataqa kuyapayanqachu.

Isaías 42:20

Tukuy imata qawachkaspapas mana kaqpaqpas hapiqmi, rinrinwan uyarichkaspapas mana imapas qokuqmi.

Isaías 44:18

Chay runakunaqa manam imatapas yachankuchu nitaqmi yuyaymanankuchu, ñawinkupas mana qawanankupaqmi wichqasqa kachkan, mana entiendenankupaqmi yuyayninkupas tutayasqa kachkan.

Isaías 5:12

Convido ruwasqaykichikpipas arpakunata, bombokunata, qenakunatam tocankichik, vinopas puchu-puchum; Tayta Diospa ruwasqantam ichaqa mana qawarinkichikpaschu, Diospa tukuy ima ruwasqantaqa manam kaqpaqpas hapinkichikchu.

Isaías 5:13

Chaynaqa, mana yachayniyuq kasqanraykum llaqtayqa huklaw nacionman presochasqa rinqa. Paykunamanta reqsisqa runakunam yarqaymanta wañunqaku, llapallankum yakumanta chakinqaku.

Isaías 56:11

Paykunaqa mikuspapas mana saksaq allqokunam, mana imatapas musyaq michiqkunam; sapakama munasqankuman hina kawsaqkunam, kikillankupaq chaskikuy munaqkunam.

Jeremías 10:14

Runakunaqa llapallankum asnoyarunku, llapallankum mana yachayniyuq rikurirunku. Metalmanta idolokuna ruwaqkunam penqaypi rikurirunku, fundisqa idolokunaqa pantaymi paykunapaqa manam kawsayninpas kanchu.

Jeremías 10:8

Paykunaqa mana yachayniyuq hinaspa mana yuyayniyuqkunam. Kullumanta idolokunaqa manam imatapas yachachinmanchu.

Jeremías 35:16

Recabpa churin Jonadabpa mirayninkunam ichaqa taytankupa kamachisqanta kasukurqaku. Israel llaqtam ichaqa mana kasuwarqachu.

Jeremías 4:22

Tayta Diosmi kaynata nin: Llaqtayqa mana yachayniyuqmi, manam reqsiwankuchu; paykunaqa mana yachayniyuq churikunam, paykunaqa mana yuyaymanayniyuq runakunam; mana allin ruwaypaqmi ichaqa yachaysapallaña, allin ruwaytam ichaqa mana yachankuchu.

Jeremías 50:6

Llaqtayqa chinkasqa ovejakuna hinam karqa, michiqninkunam ñanta pantarachispa orqokunapi cheqesqata saqerurqaku. Orqon-orqon purispankum kanchankutapas qonqarurqakuña.

Jeremías 8:7

Alton pawaq cigüeñapas yachanmi haykapim kutimuyta, kullkupas, wayanakuypas, chiwakupas yachanmi huklawman astakuyta. Runaykunam ichaqa ñoqa Tayta Diospa kamachikuyniykunata mana yachankuchu.

Ezequiel 16:30

Ñoqa Tayta Diosmi kaynata nini: Sonqoykiqa pimanpas chaylla wayllukuykuqmi karqa; millakuypaq kaqkunata ruwachkaspapas chuchumika warmimantapas aswan mana penqakuqraqmi rikurirurqanki.

Daniel 9:11

Israelpa mirayninkunaqa imam yachachiwasqaykikutapas llapallaykum mana kasukurqanikuchu, qampa nisqaykitaqa manam uyariytapas munarqanikuchu; contraykipi huchallikuruspaykum juraspa ñakaynikikunawan ñakasqa kachkaniku, imaynam serviqniki Moisespa qellqasqanman hina.

Oseas 2:8

Payqa manam reqsikurqachu trigota, vinota hinaspa aceiteta qosqaytapas; qorita qollqeta mirachipusqaytapas manam reqsikurqachu, chaywanraqmi Baal idolotapas ruwakururqa.

Mateo 13:19

Ñanman wichiykuq muhum Diospa munaychakuyninmanta palabrata uyarichkaspan mana entiendeq runaman rikchakun, paypa sonqonpi tarpusqa muhuta supay hamuruspa qechurusqanrayku.

Romanos 1:28

Diosta mana kaqpaq hina hapisqankuraykum, Diospas mana allinkuna yuyaymanaymanña saqeykun, chaynapi mana ruwana kaqkunataña ruwanankupaq.

2~Pedro 3:5

Paykunaqa llullankutam mana yachayta munankuchu, Diospa rimariy-llanwan hanaq pachaqa ñawpaq tiem-popi unanchasqa kasqanta chaynataq kay pachapas yakullamanta rikurichisqanta hinaspa yakupa chawpinpi takyachisqantapas.