Isaías 1:29 - CHUYA QELLQA La Biblia en Quechua de Ayacucho 2012

²⁹ Encina sachakuna kuyasqaykichikmantapas penqakunkichikmi, idoloykichikkuna yupaychanaykichikpaq akllasqaykichik huertakunamantapas uyaykichikraqmi pukayanqa.

Quechua Ayacucho Bible 1987

²⁹ Penqarikunqakum kuyasqanku encina sachakunamanta. Uyankupas pukayanqam diosninkuta adoranankupaq akllasqanku huertakunamanta.

Chuya Qellqa 1992

²⁹ Encina sachakuna kuyasqaykichikmantapas penqakunkichikmi, idoloykichikkuna yupaychanaykichikpaq akllasqaykichik huertakunamantapas uyaykichikraqmi pukayanqa.

Isaías 1:29 Iomraidhean Croise

Isaías 30:22

Qorimanta qollqemanta idoloykichikkunatapas millakuypaqtañam qawankichik. Chaykunataqa millakuypaq qacha latapata hinam wischunkichik, hinaspam ninkichik: Anchuy kaymanta, nispaykichik.

Isaías 31:7

Qori-qollqemanta idolokunata, hucha makikichikwan ruwasqaykichikta wischusqaykichik punchawmi,

Isaías 42:17

Idolokunaman hapipakuqkunam, llapa idolokunata “diosniykum kankichik” niqkunam penqakuymanta karunchakunqaku.

Isaías 45:16

Idolokuna ruwaqkunaqa llapallankum hatun penqaypi tarikunqaku, uchuychaspa penqayman churasqam kanqaku.

Isaías 57:5

¿Manachum encina sachakunapa, llaqesapa sachakunapa ukunpi huchapakunkichik? Wawakunatam wayqokunapi, uchkukunapi idolokunapaq wañuchipunkichik.

Isaías 65:3

Kay llaqtaqa chaylla-chaylla piñachiwananpaqmi animalkunata idolonkuman huertakunapi ofrecenku, ladrillo altarkunapim inciensota kañanku.

Isaías 66:17

Tayta Diosmi kaynata nin: Idolokunata yupaychanankupaq huertakunapi chuyanchakuqkunam, kuchi aycha mikuqkunam, millakuypaq animalkuna mikuqkunam, ukucha aycha mikuqkunam, llapallanku chinkachisqa kanqaku.

Jeremías 2:20

Unayñam contraypi hoqarikuruspa manaña kasuwankichu hinaspam niwankiraq: Manam servisqaykichu, nispa. Llapa alto moqokunapim, rapisapa sachakunapa sikinkunapim, chuchumika warmi hina qanrakurqanki.

Jeremías 3:6

Rey Josiaspa munaychakusqan tiempopim Tayta Dios kaynata niwarqa: ¿Rikurqankichu mana kasukuq Israelpa ruwasqanta? Alto orqokunaman rispanmi chuchumika warmi hina qanrakurqa rapisapa sachakunapa sikinpi.

Ezequiel 16:63

Mana allin ruwasqaykikunamanta pampachaykuptiymi chaykunata yuyarispa penqakuymanta simikitapas manaña kicharinkichu. Ñoqa Tayta Dios chaynata nini.

Ezequiel 36:31

Chaynapim qamkunaqa mana allin kawsasqaykichiktawan mana allin ruwasqaykichikta yuyarinkichik, hinaspam mana allinkunata ruwaspa huchallikusqaykichikmanta penqakunkichik.

Ezequiel 6:13

Altarkunapa muyuriqninpi, idolokunapa chawpinpi, alto moqokunapi, orqokunapa puntankunapi, llaqesapa sachakunapa sikinkunapi, encina sachakunapa sikinkunapi hinaspa idolonkunaman incienso qontichinankunapim wañusqakunata rikunqaku. Chaykunata qawaspankum ñoqa Tayta Dios kasqayta yachanqaku.

Oseas 14:3

Asiriaqa manam salvawanmankuñachu, guerrapaq caballokunapipas manañam sillakusaqkuñachu; makiykuwan ruwasqayku idolokunatapas manañam: “Diosnillayku” nisaqkuñachu; aswanqa wakchakunapas qam Diosnillaykupin llakipayakuyta tarinku”, nispaykichik.

Oseas 14:8

Chayraqmi Efrainpa mirayninkunaqa ninqaku: “Idolokunamantaqa manam imapas qokuwankuñachu”, nispanku. Ñoqam mañakuyninkutapas uyariykusaq, ñoqataqmi paykunataqa waqaychasaqpas. Paykunapaq kallmasapallaña pino hina kaptiymi paykunapa rurunpas ñoqamanta paqarimunqa.

Oseas 4:13

Orqokunapa puntanman qespispankum hatun sachakunapa ukunpi idolonkupaq animalkunata wañuchispa ofrecenku. Warmi churinkunawan llumchuyninkunañataqmi waqllikuypi purichkanku.

Oseas 4:19

Rapranpi apachkaq hinam muyuq wayra paykunata aparunqa, idolokunaman sacrificio ofrecesqankumantapas penqakunqakum.

Romanos 6:21

¿Huchapa munaychakusqanpi kawsaspaqa ima allintataq hurqokurqankichik? Aswanqa wañuyman apakuq kaqkunallatam. Chaykunamantam kunanqa penqakunkichik.