Isaías 1:28 - CHUYA QELLQA La Biblia en Quechua de Ayacucho 2012

²⁸ Mana kasukuqkunawan huchasapakunaqa ñutusqam kanqaku, ñoqamanta karunchakuqkunaqa wañuchisqam kanqaku.

Quechua Ayacucho Bible 1987

²⁸ Mana kasukuqkunawan huchasapakunaqa ñutusqam kanqaku. Ñoqamanta karunchakuqkunaqa chinkachisqam kanqaku.

Chuya Qellqa 1992

²⁸ Mana kasukuqkunawan huchasapakunaqa ñutusqam kanqaku, ñoqamanta karunchakuqkunaqa wañuchisqam kanqaku.

Isaías 1:28 Iomraidhean Croise

1~Crónicas 28:9

Kuyasqay churiy Salomón, qamñataqyá kay taytaykipa Diosninta reqsikuspayki tukuy sonqoykiwan hinaspa tukuy kallpaykiwan serviy. Tayta Diosqa llapa runakunapa sonqontam qawachkan, reqsintaqmi runapa imam munasqanta hinaspa tanteasqantapas. Diosta maskaspaykiqa tarinkim, payta saqeruptikim ichaqa paypas wiñaypaqña saqerusunki.

2~Crónicas 21:10

Chaywanpas Edom nacionqa Judá nacionpa munaychakuyninmantam librakururqa, chaynam kachkan kunankamapas. Chay tiempopitaqmi Libna llaqtapas Judá nacionpa munaychakuyninmanta librakururqa. Chaykunaqa pasakurqa rey Joram ñawpaq taytankunapa yupaychasqanku Tayta Diosta qepanchakurusqanraykum.

2~Crónicas 28:23

Guerrapi venceqnin Damasco llaqtapa idolonkunaman sacrificiokunata ofrecespanmi kaynata nirqa: Siria nacionpa diosninkunaqa chay nacionpa reyninkunatam yanapan, chaynaqa ñoqapas sacrificiotayá ofrecesaq yanapawananpaq, nispa. Ichaqa chaykuna ruwasqanraykum wichirurqa, wichirqataqmi Israel runakunapas.

2~Crónicas 28:6

Ñawpaq taytankupa yupaychasqan Tayta Diosta saqerusqankuraykum, Remaliaspa churin rey Pekapas, huk punchawllapi pachak iskay chunka waranqa allinnin qari-qari soldadokunata Judá nacionpi wañurachirqa.

Jobwan Sutichasqa Libro 31:3

¿Manachum llakikuyqa mana allin runakunapaq? ¿Manachum sasachakuyqa mana allin ruwaqkunapaq?

Jobwan Sutichasqa Libro 34:26

Mana allin ruwaqkunata hinam payqa castigan lliwpa qawasqantam castigan.

Jobwan Sutichasqa Libro 34:27

Chaytaqa ruwan paymanta rakikurusqankuraykum, kamachikuyninkunata mana kasukusqankuraykum.

Proverbios 29:1

Huk runa qaqchasqa kachkaspan mana kasukuspanqa, mana pipa ama nisqanmi qonqaymanta chinkachisqa kanqa.

Isaías 1:4

¡Ay, huchasapa runakuna imaynaraq kankichik! mana allin ruwaykunawan intusqa runakuna, mana allinlla ruwaq miraykuna, mana penqakuq churikuna. Tayta Diosmantam karunchakurunkichik, Israelpa Chuya Diosnintam piñarachinkichik, hinaspam qepancharunkichik.

Isaías 24:20

sinka runa hinam tampikachanqa, chuklla hinam aywikachanqa; huchankuna llumpayta llasasqanraykum manaña hatariyta atinqachu.

Isaías 30:13

Chayraykum mana allinkuna ruwasqaykichik tuñirunanpaq raqrasqa alto murallaman rikchakun, chay murallam qonqaymanta chaylla tuñiykamunqa.

Isaías 33:14

Sión llaqtapi huchasapakunam paqway mancharisqa kachkanku, Diosta mana yupaychaqkunam pasaypaqta katkatataspa ninku: ¿Mayqanninchiktaq rupakuq nina ukupi yachachwan? ¿Mayqanninchiktaq wiña-wiñaypaq rupakuq nina ukupi yachachwan? nispanku.

Isaías 50:1

Tayta Diosmi kaynata nin: ¿Maypitaq kachkan mamaykichikwan rakinakuspay acta ruwanakusqay? ¿Pikunawantaq manu karqani qamkunata rantikunaypaq? Huchaykichikraykum rantikusqa karqankichik, mana kasukuq kasqaykichikraykum mamaykichiktapas qarqorurqani.

Isaías 50:11

Ninata ratachiqkuna, chay ninawan achkikuqkuna: Chay ninapa achkiyninpi puriychik. Ñoqa Diosmantam kaykuna hamusunkichik, ñakariypa pampasqanmi kankichik.

Isaías 58:2

Paykunaqa sapa punchawsi maskawanku, munasqayman hinas kawsayta munanku, allin ruwaq nación hinaraqsi allin arreglota ruwanaypaq mañawanku, ñoqa Diosninkupa kamachikuyniykuna mana saqeruq hinaraqsi ñoqa Diosman asuykamuwayta munanku.

Isaías 64:6

Ñoqaykuqa llapallaykum millakuypaqña kachkaniku, allinkuna ruwasqaykupas millakuypaq qacha latapa hinam kachkan. Qawiruspa wichisqa llaqekuna hinam kachkaniku, mana allinkuna ruwasqaykupa apasqanmi kachkaniku.

Isaías 65:11

Qamkunatam ichaqa, ñoqamanta karunchakurusqaykichikrayku, sapaqchasqay orqoyta qonqarusqaykichikrayku, “suerte qokuq”, nispa Gad idoloman, “allin destino qokuq”, nispa Meni sutiyuq idoloman, mikuytawan vinota qosqaykichikrayku,

Isaías 66:17

Tayta Diosmi kaynata nin: Idolokunata yupaychanankupaq huertakunapi chuyanchakuqkunam, kuchi aycha mikuqkunam, millakuypaq animalkuna mikuqkunam, ukucha aycha mikuqkunam, llapallanku chinkachisqa kanqaku.

Isaías 66:24

Lloqsimuspankum contraypi hoqarikuq runakunapa ayankunata qawanqaku. Aychankuta mikuq urukunapas manam wañunqachu, cuerponkuta rupaq ninapas manam tukunqachu. Chaykunaqa llapallan runakunapa millakusqanmi kanqa, nispa. Ñoqa Tayta Diosmi chaynata nini.

Jeremías 17:13

Israelpa hapipakunan Dios Taytalláy, pipas qepanchakusuqnikiqa penqaypim tarikunqa. Qanmanta rakikuqkunaqa allpapi qellqasqa suti hinam chinkarunqa. Chaynaqa kanqaku, kallpaq mayu hina kachkaptiki qam Tayta Diosta saqerusqankuraykum.

Jeremías 44:12

Judá nacionpi qeparuspa kay Egipto nacionman yachanaykichikpaq hamuqkunapas, kay Egipto nacionpim llapallaykichik tukusqa kankichik. Llapallaykichikmi uchuy-hatun gue-rrawan, yarqaywan wañunkichik, hinaspam runakunapa ñakasqan, insultasqan hinaspa penqayman churasqan kankichik.

Oseas 14:9

Yachayniyuq runaqa kay willakuyniyta entiendechun, allin tanteakuq runaqa kay nisqaykunata yachachun. Diospa ñanninkunaqa mana pantayniyuqmi, allin ruwaq runaqa chaynintam purinqa, mana kasukuq runakunam ichaqa chaypi urmarunqa.

1~Tesalonicenses 5:3

Hawkam, segurom kachkanchik, nispa, runakuna nichkaptinkum qonqayllamanta paykunaman hatun sasachakuy chayaramunqa, dolorwan hapichikuq warmi hinam kanqaku, manam lluptinqakuchu.

2~Pedro 3:7

Kunan kaq cielokunawan kay pachaqa, Diospa rimarisqanman hinam juicio punchawpi ninawan tukusqa kananpaq waqaychasqa kachkan, chaypitaqmi huchasapa runakunapas chinkachisqa kanqaku.

Apocalipsis 21:8

Manchatikunaqa, mana iñiqkunaqa, aychanwan millakuypaq kaq ruwaqkunaqa, runa wañuchiqkunaqa, huchapakuqkunaqa, layqakunaqa, idolokuna yupaychaqkunaqa hinaspa llullakuqkunaqa, azufreyuq nina lenwachkaq qochamanmi wischusqa kanqaku. Kayqa iskay kaq wañuymi, nispa.

1~Samuel 12:25

Sichum mana allinllapi kawsaptikichikqa, qamkunapas chaynataq reynikichikpas chinkachisqam kankichik.