Isaías 1:24 - CHUYA QELLQA La Biblia en Quechua de Ayacucho 2012

²⁴ Chayraykum Tukuy Atiyniyuq Tayta Dios, Israelpi munaychakuq Tayta Dios kaynata nin: Kunanmi cheqniwaqniykunamanta cuentata mañasaq, kunanmi enemigoykunamanta vengakusaq.

Quechua Ayacucho Bible 1987

²⁴ Chayraykum Llapallan Kamachiq ñoqa Tayta Dios nini. Chayraykum Israelpa yupaychasqan kallpasapa Diosnin nini: Kunanmi ichaqa cuentata mañasaq contraparteykunamanta. Kunanmi ichaqa vengakusaq chay enemigoykunamanta.

Chuya Qellqa 1992

²⁴ Chayraykum Tukuy Atiyniyuq Tayta Dios, Israelpi munaychakuq Tayta Dios kaynata nin: Kunanmi cheqniwaqniykunamanta cuentata mañasaq, kunanmi enemigoykunamanta vengakusaq.

Isaías 1:24 Iomraidhean Croise

Génesis 49:24

Chaywanpas Joseyqa flechanantam allinta takyachin, brazonkunatapas allin niqtam kallpanchan, chaynataqa ruwanqa Jacobpa atiyniyuq Diosninraykum, Israelpa michiqnin Diosninraykum, Israelpa harkaqnin Diosninraykum.

Isaías 12:6

Sión moqopi yachaqkuna, kusikuywan qaparispa takiychik. Israelpa Chuya Diosnin qamkuna ukupi kasqanraykuyá kusikuychik, nispa.

Isaías 30:29

Qamkunam ichaqa, pascua fiestata ruwasqaykichik tutapi hina takinkichik, sonqomantam qamkunaqa kusikunkichik, qenata tocaspa Tayta Diospa orqonman richkaq hinam kusikunkichik, Israelpa amparakunan Diosman richkaq hinam kusikunkichik.

Isaías 35:4

Hukmanyasqa sonqoyuqkunatayá niychik: Kallpanchakuspa ama manchakuychikchu, Diosnikichikmi salvasunaykichikpaq kaypi kachkan, enemigoykichikkunatam imam ruwasqankuman hina castiganqa, nispa.

Isaías 49:26

Ñakarichisuqnikikunatam kikinkupa aychanta mikuchisaq, kikinkupa yawarninwanmi vinowan hina sinkachisaq, chaymi llapa runakuna Salvaqniki Tayta Dios kasqayta reqsinqaku, Jacobpa Atiyniyuq Diosnin kasqaytam reqsinqaku, libraqnikiqa ñoqa Dios kasqaytam yachanqaku.

Isaías 59:18

Sapakamamanmi ruwasqankuman hina pagapunqa, enemigonkunatam payqa ñakarichinqa. Cheqniqninkunamanmi payqa kutichipunqa, lamar qochapa patanpi kaqkunamanmi pagapunqa.

Isaías 60:16

Nacionkunam allinnin mikuyta qosunki, reykunam qori-qollqenta apamusunki; chaynapim reqsiwanki, ñoqa Tayta Dios salvaqniki kasqayta, Jacobpa Atiyniyuq Diosnin reclamaqniki kasqayta.

Isaías 61:2

Tayta Diospa kuyapayakuynin watamanta willakamunaypaq, enemigonchikmanta Diospa vengakunan punchawmanta willakamunaypaq, llapallan llakisqakunata consuelamunaypaq.

Isaías 63:4

Vengakunay punchawmi chayaramunña, llaqtayta reclamanay punchawmi chayaramunña.

Jeremías 50:34

Chaywanpas paykunapa reclamaqninqa atiyniyuqmi, Tukuy Atiyniyuq Tayta Diosmi sutinpas. Paymi nanachikuspan allin arreglota ruwanqa, nacionmanpas hawkayaytam apamunqa, Babiloniamanñataqmi hatun manchakuyta apamunqa.

Jeremías 9:9

Chaykuna ruwasqankumantaqa ¿manachu paykunata castigasaq? Chayna ruwasqankumantaqa ¿manachu paykunata vengakusaq? Ñoqa Tayta Diosmi chaynata nini.

Ezequiel 16:42

Chaynatam contraykipi piñakuyniyta tanichisaq, celoso kayniypas tukunqam, hawkayaspaymi manaña mastaqa piñakusaqchu.

Ezequiel 21:17

Ñoqapas taqllakuspayraqmi piñakuyniyta tanichisaq. Ñoqa Tayta Diosmi chaynata nini.

Ezequiel 5:12

Qamkuna-manta kimsaman rakisqapa hukninmi peste onqoywan hinaspa yarqaywan llaqta ukupi wañunqaku. Huknin rakiñataqmi espadawan llaqtapa muyuriqninpi wañuchisqa kanqaku. Chaymanta puchuqkunatañataqmi tukuy hinastinman cheqerachisaq. Ñoqaqa espada makintinmi paykunata qatikachasaq.

Ezequiel 5:13

Chaynapim ñoqapa piñakuyniy cum-plikunqa, contraykichikpi piñakuyniy taniruptinmi sonqoypas tiyarunqa. Paykunapa contranpi piñakuyniyta kachariptiymi yachankichik, piñakuyniypi ñoqa Tayta Dios rimasqayta.

Miqueas 5:15

Mana kasuwaqniy nacionkunamantam sinchi piñakuywan vengakusaq, nispa.

Deuteronomio 28:63

Imaynam Tayta Diosqa tukuy imapi bendecisuspaykichik chaynataq mirachisuspaykichik kusikurqa, chaynatam ñakarichisuspaykichikpas chaynataq wañuchisuspaykichikpas kusikunqa, chaynapim qosusqaykichik allpamanta qarqosqa kankichik.

Deuteronomio 32:43

Llapa nacionkuna, Diospa llaqtanwan kusikuychik, Tayta Diosmi serviqninkunapa wañusqanmanta vengakunqa, enemigonkunatam castiganqa. Allpantam chuyanchanqa, runankunatam pampachanqa, nispa.

Hebreos 10:13

Chaypim suyachkan enemigonkunata kikin Dios saruchinankama.

Apocalipsis 18:8

Chayraykum huk punchawllapi kay sasachakuykuna hamunqa: Wañuywan, waqay hinaspa yarqaypas. Chay llaqtaqa kañasqam kanqa, Señor Diosqa Tukuy Atiyniyuqmi, paymi juzganqa.