Isaías 1:21 - CHUYA QELLQA La Biblia en Quechua de Ayacucho 2012

²¹ ¿Imanasqataq chuchumikayarunki ñoqapi hapipakuq llaqta kachkaspaqa? Ñawpaqtaqa runaykikunapas allin kawsakuqmi karqaku, allin kaqkunallata ruwaspankum paykunaqa sumaqta kawsarqaku, kunanqa runamasinku wañuchiqllañam rikurirunku.

Quechua Ayacucho Bible 1987

²¹ ¿Imaynanpimá chuchumikayarunkiqa confiakunay llaqta kachkaspaqa? Ñawpaqtaqa runaykikunam allin arreglota ruraqku. Allin kaqkunallata ruraspankum paykunaqa kawsaqku. Kunanqa runamasinku wañuchiqllañam runaykikunaqa kachkanku.

Chuya Qellqa 1992

²¹ ¿Imanasqataq chuchumikayarunki ñoqapi hapipakuq llaqta kachkaspaqa? Ñawpaqtaqa runaykikunapas allin kawsakuqmi karqaku, allin kaqkunallata ruwaspankum paykunaqa sumaqta kawsarqaku, kunanqa runamasinku wañuchiqllañam rikurirunku.

Isaías 1:21 Iomraidhean Croise

2~Samuel 8:15

Israel nacionta David kamachikuspanmi llapallan runankunapaq mana pimanpas sayapakuspa allin arreglota ruwarqa.

2~Crónicas 19:9

Chaymi paykunata rey kamachirqa: Tayta Diosta manchakuspam cheqap kaqwan hinaspa sumaq sonqollawan imatapas ruwankichik.

Nehemías 11:1

Llapa runakunapa kamachiqninkunam Jerusalén llaqtapiña yacharqaku, wakin runakunañataqmi sortearqaku sapa chunka ayllumanta hukta akllanankupaq, chay akllasqa aylluñataq Jerusalén chuya llaqtapi yachananpaq, wakin puchuq isqon ayllukunañataqmi qeparqaku huklaw llaqtakunapi yachanankupaq.

Isaías 1:22

Qollqe hinam karqanki kunanqa millakuypaq qacham rikurirunki, vino hina munayllapaqñam karqanki kunanqa millakuypaqñam rikurirunki.

Isaías 26:10

Mana allin ruwaq runakunaqa llakipayaptikipas manam allin ruwaytaqa yachankuchu; kasukuq runakuna qaylla kawsaspapas hina mana allin ruwaqkunallam, Tukuy Atiyniyuq kasqaykitapas manam kaqpaqpas hapinkuchu.

Isaías 48:2

“Tayta Diospa sapaqchasqa llaqtanmi kaniku” niqkuna, Israelpa Tukuy Atiyniyuq Diosninpi hapipakuq tukuqkuna, kayta uyariychik:

Isaías 5:7

Tukuy Atiyniyuq Tayta Diospa kuyayllapaq uvas huertanqa Israel runakunawan Judá nacionpi yachaqkunam. Payqa kamachikuynin kasukunankutam munarqa, aswanqa wañuchinakuyllatam tarirun. Paykunataqa allinkuna ruwanankutam munarqa, ichaqa ñakariqkunapa qapariyllantam uyarirun.

Isaías 59:14

Mana pimanpas sayapakuspa allin arreglo ruwaymi karunchakurun, allin ruwaymi chinkarun, plazakunapipas cheqap kaqtaqa manam rimankuñachu, cheqap rimaq runapas manam kanñachu.

Isaías 59:15

Cheqap rimaymi chinkarun, mana allinmanta rakikuqpatam tukuy imanta suwarunku. Allin ruway manaña kasqanta rikuspanmi Tayta Dios piñakurun.

Isaías 59:3

Qamkunaqa runa wañuchiqmi kankichik, millakuypaq mana allinkuna ruwaqmi kankichik, simikichikmantapas llullakuywan mana allinkunallam lloqsimun.

Jeremías 3:1

Ñoqa Tayta Diosmi kaynata nini: Sichum pipas warminmanta rakikuruptin warmiñataq hukwanña casarakurunman, hinaptinqa manañam punta qosanqa payman hukllawakunmanchu, sichum chayta ruwaptinqa llaqtam hatun penqaypi kanman. Israel runakuna, qamkunam ichaqa achkallaña waynaykichikkunawan qanrakuruchkaspapas ñoqamanraq kutirimuyta munachkankichik. Ñoqa Tayta Diosmi chaynata nini.

Oseas 11:12

Efrainmi llullawan inturuwan, Israelmi engañowan muyuruwan. Judapas Chuya Diosmanta rakikuruspanmi idolokunamanña qokurun.

Oseas 2:5

Mamankum chuchumikayarun, wachakuqninkum penqaypi rikurirun, paymi nirqa: “Kuyaqniykunawan pasakusaq, paykunaqa mikunaytawan yakuytam qowanku, millwaytawan pachaytam qowanku, aceiteytawan tomanaytam qowanku”, nispa.

Habacuc 1:4

Kamachikuykunapas qepanchasqam, allin ruwaywan allin kawsaypas sarusqam; mana allin runam allin ruwaq runakunata ñakarichinanpaq qatikachan, chaymi allin arreglo ruwaytapas mana allin ruwaymanña qewirunku.

Zacarías 8:3

Tayta Diosmi kaynata nin: Sión llaqtatam musoqmanta hatarichisaq, hinaspaymi chawpinpi yachakusaq, Jerusalén llaqtam cheqapwan, Tukuy Atiyniyuq Tayta Diospa orqonwan, chuyanchakuna orqowan sutichasqa kanqa.

Lucas 13:34

¡Jerusalén, Jerusalén! ¡Profetaku-natam wañuchinki! Diospa kachamususqayki willakuqkunatam rumiwan chamqapanki, ¡maynatam munarqani chiwchinkunata rapran ukupi huñuykuq wallpa hina wawaykikunata huñuykuyta, ichaqa manam munarqankichu!

Hechos 7:52

¿Mayqan profetatataq ñawpaq taytaykichikkuna mana qatikacharqakuchu? Diospa Churin hamunanmanta willakuqkunatapas wañuchirqakum. Paytam traicionaspaykichik qamkuna wañuchirqankichik.

Hebreos 12:22

Qamkunam ichaqa asuykurunkichik Sión moqoman, hanaq pachapi kawsaq Diospa Jerusalén llaqtanman, Diosta yupaychanankupaq wara-waranqa angel-kunapa huñunasqa kasqankuman.

Apocalipsis 11:2

Ichaqa amam templopa pationtaqa tupumunkichu, chayqa kachkan mana judío kaqkunaman qosqam. Paykunam chay chuya llaqtataqa tawa chunka iskayniyuq killa sarutyaspa munaychakunqaku.

Apocalipsis 11:8

Ayankupas hatun llaqtapa plazanpim chutarayanqa. Chay llaqtatam tupachinku Sodomawan hinaspa Egiptowan, chaypim Señorninchikpas chakatasqa karqa.

Apocalipsis 17:1

Qanchis angelkunamanta kaq, qanchis copayuq huknin angelmi asuykamuwaspan kaynata niwarqa: Kayman hamuy, hinaptinmi achka yakukunapa hawanpi tiyaq chuchumika warmipa imaynam castigasqa kananta qawachisqayki.