Isaías 1:18 - CHUYA QELLQA La Biblia en Quechua de Ayacucho 2012

¹⁸ Tayta Diosqa nintaqmi: Chaynaqa, tanteanakunapaqyá ñoqaman hamuychik, cochinilla hina moradoña huchaykichik kaptinpas ritita hinam yuraqyachisqaykichik, carmesí hina pukay-pukayña huchaykichik kaptinpas yuraq millwata hinam yuraqyachisqaykichik.

Quechua Ayacucho Bible 1987

¹⁸ Ñoqa Tayta Diosmi nini: Kunanyá ñoqaman hamuychik. Kunanyá ñoqawan tanteanakusunchik. Cochinilla hina guindoña huchaykichik kaptinpas ritita hinam yuraqyachisaq. Morado colorniyoqña huchaykichik kaptinpas yuraq millwata hinam yuraqyachisaq.

Chuya Qellqa 1992

¹⁸ Tayta Diosqa nintaqmi: Chaynaqa, tanteanakunapaqyá ñoqaman hamuychik, cochinilla hina moradoña huchaykichik kaptinpas ritita hinam yuraqyachisqaykichik, carmesí hina pukay-pukayña huchaykichik kaptinpas yuraq millwata hinam yuraqyachisqaykichik.

Isaías 1:18 Iomraidhean Croise

Jobwan Sutichasqa Libro 9:33

Ima allinraq kanman allin arreglo ruwaykuwaqniyku juez kaptinqa,

Isaías 1:23

Kamachiqnikikunapas pasaypaq mana kasukuqkunam, suwakunamanpas sayapakuqkunam. Llapallankum qollqewan rantichikunku, imapas chaskiruyllatam paykunaqa maskanku. Mana piniyuqkunatapas manam nanachikunkuchu, viudakunapa quejantapas manam allichankuchu.

Isaías 3:13

Tayta Diosqa chayllam kachkan llaqtanta juzgananpaq.

Isaías 41:1

Tayta Diosmi kaynata nin: Lamar qochapa patanpi nacionkuna qayllaypi upallaychik, llapa llaqtakuna kallpanchakuychik, huñunakamuychik allinta rimananchikpaq, chaynapi pim cheqap kasqanta yachananchikpaq.

Isaías 41:21

Ñoqa Tayta Diosmi kaynata nini: Yaw, idolokuna hamuychik, imapas rimanaykichik kaptinqa rimarikuychik, hamuspa mana chayna kasqanta niwaychik. Ñoqa Jacobpa reyninmi chaynata nini.

Isaías 44:22

Ñoqam mana kasukuynikikunata puyuta hina chinkarachini, lliw huchaykikunatam sullata hina waspirachini. Ñoqaman kutirikamuway, reclamaqnikim kani.

Isaías 50:8

Salvaqniyqa hichpallaypim kachkan, ¿Pitaq ñoqawan churanakuyta munanman? Chaynaqa, juezman kuskanchik hakuchik, ¿pitaq tumpawayta atinman? Hamuspanyá uyaypi niwachun.

Isaías 55:7

Mana allinkuna ruwaq runayá mana allin kawsayninta saqechun, millakuypaq yuyaymanaqyá chayna kayninta saqechun. Dios taytamanyá kutirikuchun, payqa llakipayariykunqam, Diosninchikmanyá kutirikuchun payqa kuyapayakuq kayninman hinam pampachaykunqa.

Jeremías 2:5

Paymi qamkunata kaynata nisunkichik: ¿Taytaykichikkunaqa ima mana allintataq ñoqapi tarirurqaku, chaynapi ñoqamanta karunchakunankupaq? Paykunaqa millakuypaq dioskunamanña qokuruspankum chayna millakuypaqña rikurirurqaku.

Ezequiel 18:27

Sichum mana allin ruwaq runa mana allin ruwayninkunata saqespan allin arregloman hina allin kaqkunataña ruwaspanqa vidantam salvanqa.

Ezequiel 33:16

hucha ruwasqanpas manam yuyasqañachu kanqa. Payqa allin arregloman hina allintaña ruwasqanraykum kawsakunqa.

Miqueas 6:2

Orqokuna, kay pachapa cimientonkuna uyariychik, Tayta Diosmi llaqtanwan quejaman yaykurun, Israelpa contranpim juiciota kichaykun.

Hechos 17:2

Chaymanmi Pablo costumbrenman hina sapa samana punchaw rirqa, hinaspam kimsa samana punchawpuni chaypi kaq judiokunawan atipanakurqaku.

Hechos 18:4

Sapa samana punchawmi Pabloqa judiokunapa sinagoganman rispan judiokunata chaynataq mana judiokunatapas Jesucristoman iñichiyta munaspan rimapayaq.

Hechos 24:25

Ichaqa runapa allin ruwananmanta, controlakuy yachaq kanamanta hinaspa llapallan runakunaqa Diospa juzgasqan kananmanta Pablo rimaruptinmi, gobernador Félix mancharikuspan nirqa: Pasakuyña, tiempoy kaptinñam qayachimusqayki, nispan.

Romanos 5:20

Leyqa qomusqa karqa hucha astawan achkayananpaqmi, ichaqa hucha astawan rikuriptinmi, Diospa kuyapayakuyninpas aswan chaninchasqa karqa.

Apocalipsis 7:14

Ñoqañataqmi nirqani: Señorlláy, qanmi yachanki, nispay. Chaymi payñataq niwarqa: Paykunaqa hatu-hatun ñakariymanta hamuqkunam hinaspa pachankutapas Corderopa yawarninwan taqsaspa yuraqyachiqkunam.

1~Samuel 12:7

Chaynaqa, kunanyá asuykamuychik, ñawpaq taytaykichiktapas qamkunatapas Tayta Dios tukuy imaymanakuna ruwasqanmanta Tayta Diospa ñawpaqninpi qamkunata yuyarichinaypaq.