Isaías 1:16 - CHUYA QELLQA La Biblia en Quechua de Ayacucho 2012

¹⁶ Mayllakuspa chuyanchakuychik, mana allin ruwaynikichikta qayllaymanta asuchiychik, mana allin ruwaynikichikta saqeychik.

Quechua Ayacucho Bible 1987

¹⁶ Mayllakuspa limpiakuychik. Mana allin ruraynikichikta qayllaymanta asurichiychik. Mana allin rurayta saqeychik.

Chuya Qellqa 1992

¹⁶ Mayllakuspa chuyanchakuychik, mana allin ruwaynikichikta qayllaymanta asuchiychik, mana allin ruwaynikichikta saqeychik.

Isaías 1:16 Iomraidhean Croise

2~Reyes 17:13

Chayraykum Tayta Diosqa profetakunawan chaynataq revelación chaskiqkunawan Israel nacionta hinaspa Judá nacionta anyaspan kaynata nirqa: Mana allin ñanmanta kutirikamuychik hinaspa kamachikuyniykunatawan yachachikuyniykunata waqaychaychik, ñawpaq taytaykichikman yachachisqay kamachikuykunata kasukuychik, chaykunataqa serviqniy profetaykunatakamam willachirqaykichik, nispa.

Proverbios 21:3

Sacrificiokuna qonamantapas aswanqa, allin arreglotawan allin kawsakuytam. Tayta Diosqa munan.

Proverbios 4:27

Alleqmanpas nitaq ichoqmanpas ama sapaqchakuychu. Mana allin ñanmantayá chakikita asuchiy.

Isaías 52:11

¡Babilonia llaqtamanta utqayman lloqsiychik, millakuypaq kaqkunataqa ama llapchaychikchu! ¡Paykunapa chawpinmanta lloqsiychik, Diospa servicionkunata apaqkuna chuyanchakuychik!

Jeremías 18:11

Chaynaqa, Judá runakunatawan Jerusalenpi yachaqkunata kaynata nimuy: Ñoqa Tayta Diosmi qamkunata castiganaypaq tanteachkani. Chaynaqa, mana allin kawsasqaykichikmanta wanakuspa vidaykichiktawan ruwaynikichikta allichaychik, nispa.

Jeremías 25:5

Paykunam kaynata nisurqankichik: “Mana allin kawsaymantawan mana allin ruwaymanta wanakuspaykichikqa, taytaykichikmanpas chaynataq qamkunamanpas wiñaypaq qosqay allpapim yachankichik.

Jeremías 26:3

Icharaqpas uyarikuspanku mana allin kawsayninkumanta sapakama wanakunmanku, chayna kaptinqa mana allin ruwasqankumantam ñoqapas manaña castigasaqchu.

Jeremías 35:15

Mana samaykuspam profetaykunawan kaynata willachirqaykichik: Mana allinkuna ruwasqaykichikta saqespa munasqayman hina kawsaychik. Idolokunataqa amaña yupaychaychikchu, chaynapi taytaykichikkunamanpas chaynataq qamkunamanpas qosqay allpapi yachanaykichikpaq, nispay. Ichaqa manam uyariwarqankichikchu nitaqmi kasuwarqankichikchu.

Jeremías 4:14

Jerusalén llaqtapi runakuna, sonqoykichikpi huchata mayllakuychik chaynapi salvakunaykichikpaq. ¿Haykapikamataq chay mana allin yuyaymanaykunawan intuchikunkichik?

Amós 5:15

Mana allin kaqta cheqnispayá allin kaqta kuyaychik, juzgaspapas cheqap kaqwanyá juzgaychik; chaynapiqa ichapas Tukuy Atiyniyuq Tayta Dios Joseypa mirayninmanta puchuqkunata llakipayarinmanraq.

Jonás 3:8

Aswanqa lutokuspa animalkunawan kuska tukuy sonqoykichikmanta Tayta Diosta mañakuychik hinaspa mana allin kawsaynikichikmanta sapakama wanakuychik, wanakuychiktaq mana allinkuna ruwaynikichikmantapas.

Zacarías 13:1

Chay tiempopim huk pukyumanta yaku lloqsiptin, chay yakupi Davidpa mirayninkunawan Jerusalenpi yachaqkuna huchankumantawan milla-kuypaq mana allin ruwasqankumanta chuyanchakunqaku.

Zacarías 7:7

¿Manachum Tayta Diosqa ñawpaqmantaraq profetankunawan hina kaynata rimarirqa? Chaynataqa rimarirqa Jerusalén llaqtapi yachaqkuna hawkalla hinaspa achkallaña kawsakuchkaptinkum, hina chaynallam kawsakuchkarqaku muyuriqnin llaqtakunapi yachaqkunapas chaynataq Neguev lawpi yachaqkunapas hinaspa waqtakunapi yachaqkunapas, nispa.

Mateo 3:8

Huchaykichikmanta wanakusqaykichikta kawsaynikichikpi qawachikuychik.

Hechos 22:16

Kunanqa, ¿imataraqtaq suyachkanki? Hatarispayá bautizakuy, hinaspa Señorpa sutinta qayakuy huchaykikuna pampachasqa kananpaq”, nispa.

Romanos 12:9

Cheqaptapuni kuyanakuychik, mana allin kaqkunata cheqnispa, allin kaqkunata ruwaychik.

2~Corintios 7:1

Kuyasqay wawqe-panillaykuna, chayna promesakuna kachkaptinqa aychanchikpi hinaspa espiritunchikpi tukuy mana allinmantayá chuyanchakusun, Diosta kasukuspayá aswan-aswan payllapaqña sapaqchakusun.

Santiago 4:8

Diosmanyá asuykuychik, paypas qamkunamanmi asuykamusunkichik. Huchasapakuna, mana allin ruwasqaykichikmantayá chuyanchakuychik, iskayrayaqkuna sonqoykichiktayá chu-yanchaychik.

1~Pedro 2:1

Chaynaqa, saqeychikñayá mana allin ruwaykunata, engañakuykunata, iskay uya kayta, envidiakuykunata, cuento qepi kayta.

1~Pedro 3:11

Mana allinmanta ayqekuy, allin kaqkunata ruway, hawkayayta maskaspa chayllata qatiy.

Apocalipsis 7:14

Ñoqañataqmi nirqani: Señorlláy, qanmi yachanki, nispay. Chaymi payñataq niwarqa: Paykunaqa hatu-hatun ñakariymanta hamuqkunam hinaspa pachankutapas Corderopa yawarninwan taqsaspa yuraqyachiqkunam.