Hechos 9:41 - CHUYA QELLQA La Biblia en Quechua de Ayacucho 2012

⁴¹ Pedroñataqmi makinmanta hapiykuspan sayarichirqa, hinaspam iñiqkunatawan viudakunata qayaykuspan kawsachkaqtaña paykunaman qawaykachirqa.

Quechua Ayacucho Bible 1987

⁴¹ Chaymi Pedro makinmanta hapiykuspan sayarichirqa. Iñiqkunatawan viudakunata qayaspanmi kawsachkaqtaña paykunaman qawachirqa.

Chuya Qellqa 1992

⁴¹ Pedroñataqmi makinmanta hapiykuspan sayarichirqa, hinaspam iñiqkunatawan viudakunata qayaykuspan kawsachkaqtaña paykunaman qawaykachirqa.

Hechos 9:41 Iomraidhean Croise

Génesis 45:26

Hinaspam willakurqaku: ¡Joseyqa kawsachkasqam! ¡Lliw Egipto nacionpi kamachikuqmi kasqa! nispanku. Hinaptinmi Jacobpa sonqon yaqa wañunankama tukukurqa, willasqankuta llullapaq hapisqanrayku.

1~Reyes 17:23

Chaymi Eliasqa wawata marqakuykuspan altosmanta uraykamupan mamanman qoykuspan nirqa: Kayqaya wawaykiqa kawsarirun, nispa.

2~Reyes 6:7

Hinaspanmi Eliseo nirqa: Hurqoy, nispa. Chaymi haywarispan hachata hurqorurqa.

Jobwan Sutichasqa Libro 29:13

Wakchayayman chayaruq runakunapas graciastam qowaqku, viudakunapas yanapaykuptiymi kusikuywan takiqku.

Marcos 1:31

Jesusñataqmi asuykuspan makinmanta hatarirachirqa, hinaptinmi calenturan pasaruptin paykunata servirqa.

Lucas 7:12

Llaqtapa punkunman hichpaykuchkaptinkum, huk viudapa sapallan qari wawan wañuruptin pampaq apachkarqaku. Llaqta runakunapas achkallañam pampaysiq rirqaku.

Lucas 7:15

Hinaptinmi wañusqanmanta kawsariruspa rimayta qallaykurqa, chaymi Jesusñataq mamanman qoykurqa.

Hechos 20:12

Llapa iñiqkunañataqmi chay joventa kawsachkaqtaña pusarqaku, chaywanmi llumpayta kallpanchakurqaku.

Hechos 3:7

Chaynata nispan alleq makinmanta hapiykuspa aysariykuptillanmi cha-kinkunawan moqo tullunkuna kallpata hapirurqa.

Hechos 6:1

Chay punchawkunapim Cristoman iñikuqkuna aswan-aswan mirarqaku. Chaymi griego rimaq iñiqkuna hebreo rimaq iñiqkunamanta quejakurqaku: Sapa punchaw mikuyta aypuspankum ñoqaykumanta kaq viudakunata mana allintachu atiendenku, nispanku.

Hechos 9:13

Ananiasñataqmi nirqa: Señorlláy, achkaq runakunam willawarqaku chay runamantaqa, payqa Jerusalén llaqtapim qanman iñiqkunata ñakarichirqa.

Hechos 9:32

Apóstol Pedrom llapa iñiqkunata watukuspan Lida llaqtapi iñiqkunaman chayarurqa.

1~Timoteo 5:3

Mana piniyuq viudakunatapas yanapaykuyá.

1~Timoteo 5:5

Sapallan qeparuq cheqap mana piniyuq viudaqa Diosmanmi hapipakun, payqa tuta punchawmi mana qonqaspa Diosta mañakun.