Hechos 9:4 - CHUYA QELLQA La Biblia en Quechua de Ayacucho 2012

⁴ Chaymi Sauloñataq pampaman wichiy-kuspan kayna niq rimayta uyarirqa: ¡Saulo, Saulo! ¿Imanasqataq qatikachawanki? niqta.

Quechua Ayacucho Bible 1987

⁴ Chaymi Saulo pampaman wichiykuspan uyarirqa: —Saulo, Saulo ¿imanasqataq ñakarichiwanaykipaq qatikachawanki? —niqta.

Chuya Qellqa 1992

⁴ Chaymi Sauloñataq pampaman wichiykuspan kayna niq rimayta uyarirqa: ¡Saulo, Saulo! ¿Imanasqataq qatikachawanki? niqta.

Hechos 9:4 Iomraidhean Croise

Génesis 16:8

hinaspam nirqa: Saraipa esclavan Agar ¿Maymantataq hamuchkanki? ¿Maymantaq richkanki? nispa. Agarñataqmi nirqa: Patronay Saraipa qayllanmantam ayqekuchkani, nispa.

Génesis 22:11

Chaymi Tayta Diospa angelnin cielomanta nimurqa: ¡Abraham, Abraham! nispa. Hinaptinmi Abraham nirqa: Kaypim kachkani, nispa.

Génesis 3:9

Hinaptinmi qarita qayaspan Dios nirqa: ¡Adán! ¿Maypitaq kachkanki? nispa.

Éxodo 3:4

Moisespa risqanta qawaspanmi, tankar kichkamanta Tayta Dios qayamurqa: ¡Moisés, Moisés! nispa. Payñataqmi nirqa: ¿Imata, Señor? nispa.

Isaías 6:8

Chaymantam Tayta Diospa kayna nisqanta uyarirqani: ¿Pitataq kachasaq? ¿Pitaq ñoqaykupa rantiykupi willakamunqa? niqta. Chaymi ñoqa nirqani: Kayqaya ñoqa kaypi kachkani, ñoqatayá kachaway, nispay.

Isaías 63:9

Runankunapa ñakarisqankunatam paypas ñakarirqa. Manam huk angelchu nitaqmi hukkaqnin kachamusqanchu paykunataqa salvarqa, aswanqa kikin Diosmi salvarqa. Diosmi kuyakuyninpi llakipayaspan paykunataqa reclamarqa, hoqarispanmi paykunataqa marqayninpi aparqa, chaynallatam tukuy tiempo ruwarqa.

Zacarías 2:8

Tukuy Atiyniyuq Tayta Diosmi, tukuy imaykichiktapas qechusuqnikichik nacionkunaman kayta willamunaypaq kachawarqa: Pipas qamkuna llapchaykuqqa, ñawi ruruytam llapchaykun.

Números 16:45

Kay runakunapa chawpinmanta asuriychik, kunallanmi paykunata wañuchisaq, nispa. Hinaptinmi paykuna qonqoranpa pampaman kumuykurqaku.

Mateo 25:40

Hinaptinmi Reyñataq ninqa: “Cheqaptapunim nikichik, pipas kay waw-qeykunamanta taksan kaqllapaqpas ruwaspaykichikqa ñoqapaqmi ruwarqankichik”, nispan.

Lucas 10:41

Chaymi Jesusñataq nirqa: Marta, Marta, tukuy imapa atipasqanmi muspaypi hinaña kachkanki.

Juan 18:6

“Ñoqam kani” nispa Jesús niptinmi runakunaqa qepaman suchurispanku pampaman wichiykurqaku.

Juan 20:16

Jesusñataqmi nirqa: ¡María! nispa. Payñataqmi muyuriykuspan hebreo rimaypi nirqa: ¡Raboni! nispa. Chayqa “yachachikuq” ninanmi.

Juan 21:15

Mikuruptinkuñam Simón Pedrota Jesús tapurqa: Juanpa churin Simón, ¿paykunamanta mastachu kuyawanki? nispa. Pedroñataqmi nirqa: Arí Señor, qanmi yachanki kuyasqayta, nispa. Chaymi Jesús nirqa: Chaynaqa, ovejaykunatayá michiy, nispa.

Hechos 5:10

Chayta niykuptillanmi Safiraqa Pedropa ñawpaqninman wichiykuspan wañururqa. Chaymi jovenkuna yaykuspanku wañusqataña tariykurqaku, hinaspam aparqaku qosanpa waqtanpi pampamunankupaq.

Hechos 9:5

Chaymi Saulo tapurqa: ¿Pitaq kanki Señor? nispa. Hinaptinmi nimurqa: Ñoqaqa qatikachawasqayki Jesusmi kani.

Romanos 11:22

Chaynaqa, qawariy Diosqa kuyakuq kasqanta chaynataq imam rimasqan cumpliq kasqanta. Mana kasukuqkunapim rimasqanta cumplin, qamkunawanñataqmi kuyakuyninta. Mana chayqa paykuna hinachá kuchusqa kawaqchik.

1~Corintios 12:12

Runapa cuerponqa huklla kachkaspapas achka parteyuqmi, ichaqa achka parteyuq kachkaspapas huk cuerpollam, chaynam Cristopas.

1~Corintios 4:7

Chaynaqa, ¿pitaq wakinmanta allin reqsisqa kanaykipaq ruwasurqanki? ¿Imataq Diospa mana qosusqayki? Pay qochkasuptikiqa, ¿imanasqataq mana chaskiq hinaqa alabakunki?

Efesios 5:30

paypa cuerponpa partenmi kanchik, aychanwan tullunmi kanchik.