Hechos 9:39 - CHUYA QELLQA La Biblia en Quechua de Ayacucho 2012

³⁹ Chaynata Pedroman willaykuptinkum paykunawan pasarqa. Chayaruptinmi Pedrota wañuqpa kasqan cuartoman pusaykurqaku, chaymi llapa viudakuna Pedroman asuykuspanku waqastin Dorcaspa ruwasqan pachakunata qawa-chirqaku.

Quechua Ayacucho Bible 1987

³⁹ Chaynata Pedroman willaykuptinkum pasarqa paykunawan. Chayaruptinñataqmi Pedrota pusaykurqaku wañuqpa kasqan cuartoman. Pedroman llapa viudakuna asuykuspam waqastin qawachirqaku Dorcaspa rurasqan camisakunatawan walikunata.

Chuya Qellqa 1992

³⁹ Chaynata Pedroman willaykuptinkum paykunawan pasarqa. Chayaruptinmi Pedrota wañuqpa kasqan cuartoman pusaykurqaku, chaymi llapa viudakuna Pedroman asuykuspanku waqastin Dorcaspa ruwasqan pachakunata qawachirqaku.

Hechos 9:39 Iomraidhean Croise

2~Samuel 1:24

Israel warmikuna, Saulmanta waqaychik; suma-sumaq pachawan pachachisuqnikichikmanta, qori alhajakunawan pachaykichik adornaqmanta waqaychik.

Proverbios 10:7

Allin ruwaq runaqa yuyarispa bendecisqam kanqa, mana allin runañataqmi chaylla qonqarachikunqa.

Eclesiastés 9:10

Ruwanayki kaqtaqa, kallpanchakuspayá chaylla ruway; sepulturapiqa manañam imatapas ruwankiñachu, manañam llamkankiñachu, manañam imatapas yachankiñachu, yachaypas chaypiqa manam kanñachu.

Mateo 17:17

Chaymi Jesusñataq nirqa: ¡Mana iñiyniyuq huchasapa miraykuna! ¿Haykapikamataq qamkunawan kasaq? ¿Haykapikamataq aguantasqaykichik? Chay warmata kayman apamuychik, nispa.

Mateo 26:11

Wakcha runakunaqa qamkunawanmi haykapikamapas kanqa, ñoqam ichaqa mana tukuy tiempochu qamkunawan kasaq.

Marcos 14:8

Kay warmiqa imam atisqantam ruwarun, cuerpoy pampasqa kananpaqmi perfumewanraq talliwaspan alistarun.

Lucas 24:44

Chaymantam paykunata nirqa: Kaykuna pasakunanmantaqa qam-kunawan kachkaspayraqmi willar-qaykichikña: Moisespa qellqasqan kamachikuykunapi, profetakunapa qellqasqanpi hinaspa Salmokunapi ñoqamanta qellqasqa kaqkunaqa cumplikunanpunim, nispay.

Juan 12:8

Wakchakunaqa qamkunawanmi haykapikamapas kanqaku, ñoqam ichaqa mana tukuy tiempochu qamkunawan kasaq, nispa.

Juan 17:12

Paykunawan kay pachapiraq kaspayqa atiyniyuq sutikipim nanachikurqani, qowasqaykikunataqa allintam waqaycharqani, manam mayqanllanpas chinkarqachu, ichaqa chinkananpaq kaq runallam, chaynapi Qellqapa nisqan cumplikunanpaq.

Hechos 1:13

Llaqtaman chayaramuspankum samasqanku wasipa altosninman qespirqaku. Paykunam karqaku: Pedro, Jacobo, Juan, Andrés, Felipe, Tomás, Bartolomé, Mateo, Alfeopa churin Jacobo, Zelote cananista partidomanta Simón hinaspa Jacobopa churin Judas.

Hechos 20:35

Qamkunatapas yachachirqaykichikmi ñoqa hina llamkaspa wakchakunata yanapanaykichikpaq. Amayá qonqaychikchu Señor Jesucristopa nisqanta, paymi nirqa: “Chaskispa kusikuymantaqa, qospa kusikuymi aswan allinqa”, nispa.

Hechos 6:1

Chay punchawkunapim Cristoman iñikuqkuna aswan-aswan mirarqaku. Chaymi griego rimaq iñiqkuna hebreo rimaq iñiqkunamanta quejakurqaku: Sapa punchaw mikuyta aypuspankum ñoqaykumanta kaq viudakunata mana allintachu atiendenku, nispanku.

Hechos 8:2

Hinaptinmi allin sonqoyuq runakuna Estebanta pamparurqaku, hinaspam paymanta llumpayta waqarqaku.

Hechos 9:41

Pedroñataqmi makinmanta hapiykuspan sayarichirqa, hinaspam iñiqkunatawan viudakunata qayaykuspan kawsachkaqtaña paykunaman qawaykachirqa.

2~Corintios 8:12

Pipas cheqapta qoyta munaptinqa, kapuqninman hina qosqan ofrendatam Diosqa chaskinqa. Diosqa manam mañanchu mana kapuqniyuqmantaqa.

Efesios 4:28

Pipas suwakuqqa amañayá suwakuchunchu, aswanqa imatapas allinta ruwaspayá llamkachun, chaynapi mana imayuqkunata imallawanpas yanapaykunanpaq.

1~Tesalonicenses 1:3

Yuya-rinikutaqmi Dios Taytanchikpa qayllanpi iñiynikichikman hina llamkasqaykichikta, kuyakuynikichikman hina servisqaykichikta hinaspa Señorninchik Jesucristorayku ñakarispa qaqa hina sayasqaykichiktapas.

1~Tesalonicenses 4:13

Wawqe-panillaykuna, munachkanikutaqmi wañuqkunamanta yacha-naykichiktapas, chaynapi mana suyakuyniyuqkuna hina ama llakikunaykichikpaq.

1~Timoteo 5:3

Mana piniyuq viudakunatapas yanapaykuyá.

1~Timoteo 5:5

Sapallan qeparuq cheqap mana piniyuq viudaqa Diosmanmi hapipakun, payqa tuta punchawmi mana qonqaspa Diosta mañakun.

1~Juan 3:18

Churillaykuna, amayá simillawanchu kuyanakusunchikqa, aswanqa cheqap ruwaywanyá kuyanakuychik.