Hechos 9:15 - CHUYA QELLQA La Biblia en Quechua de Ayacucho 2012

¹⁵ Señorñataqmi nirqa: Riypuni, chay runaqa serviwananpaq akllakusqaymi, paymi ñoqamanta willakamunqa huklaw nacionkunapi runakunaman, reykunaman hinaspa Israelpa mirayninkunaman.

Quechua Ayacucho Bible 1987

¹⁵ Chaymi Señorñataq Ananiasta nirqa: —Pasaypuni, chay runataqa akllarqani huklaw nacionkunapi runakunaman, reykunaman hinaspa Israelpa mirayninkunaman ñoqamanta willakunanpaqmi.

Chuya Qellqa 1992

¹⁵ Señorñataqmi nirqa: Riypuni, chay runaqa serviwananpaq akllakusqaymi, paymi ñoqamanta willakamunqa huklaw nacionkunapi runakunaman, reykunaman hinaspa Israelpa mirayninkunaman.

Hechos 9:15 Iomraidhean Croise

Jeremías 1:5

Mamaykipa wiksanpi manaraqpas unanchachkaspaymi reqsirqaykiña, manaraqpas nacechkaptikim qamtaqa sapaqcharqaykiña; nacionkunapa profetan kanaykipaqmi akllarqaykiña.

Jeremías 1:7

Ichaqa Tayta Diosmi niwarqa: Ama niychu ancha warmaraq kasqaykitaqa, qamqa kamachisqaymanmi maymanpas rinki, imam kamachisqaytam willakamunki.

Mateo 10:18

Ñoqaraykum reykunapa hinaspa kamachikuqkunapa qayllanman apasqa kankichik, chaynapi paykunamanwan Diosta mana reqsiqkunaman ñoqamanta willakunaykichikpaq.

Juan 15:16

Manam qamkunachu ñoqataqa akllawarqankichik, ñoqam qamkunataqa akllarqaykichik, hinaspam achkata rurunaykichikpaq churarqaykichik, chaynapi rurusqaykichik takyananpaq. Chaynaqa, Taytam ñoqapa sutiypi tukuy ima mañakusqaykichikta qosunkichik.

Hechos 13:2

Huk punchawmi, ayunaspanku Señorta yupaychachkaptinku, Chuya Espíritu nirqa: Bernabeytawan Saulota sapaqchapuwaychik, paykunataqa qayarqani kamachisqayta ruwanankupaqmi, nispa.

Hechos 21:19

Pablom paykunata rimaykuspan willakuyta qallaykurqa, imaynam paynintakama mana judío kaqkunapi Diospa tukuy imakunam ruwamusqanmanta.

Hechos 22:14

Hinaptinmi pay niwarqa: “Ñawpaq taytanchikkunapa Diosninmi akllasurqanki paypa munasqanta yachanaykipaq, hinaspa justo kaq Jesusta rikuruspayki kikinpa vozninta uyarinaykipaq.

Hechos 22:21

Chaynata niptiymi Señorñataq niwarqa: “Qamtaqa karu llaqtapi mana judío kaqkunaman rinaykipaqmi kamachisqayki”, nispa.

Hechos 25:22

Hinaptinmi rey Agripañataq Festota nirqa: Ñoqapas munaymanmi chay runa uyariykuytaqa, nispa. Festoñataqmi nirqa: Paqarinpunim uyariykunki, nispa.

Hechos 26:1

Chaymi Pablota Agripa nirqa: Kikikimantayá rimarikuy, nispa. Hinaptinmi Pabloqa makinwan señaschaspa kaynata nirqa:

Hechos 26:32

Hinaptinmi Festota Agripa nirqa: Emperador César juzgananpaq Pablo-puni mana mañakuptinqa kachaykuchwanmi karqa, nispa.

Hechos 27:24

Paymi niwarqa: “Pablo ama manchakuychu, rey Cesarpa ñawpaqninmanqa chayankipunim, qamraykum lliw qanwan riqkunata wañunankumanta Dios salvanqa”, nispa.

Hechos 28:17

Chayasqaykumanta kimsa pun-chawmanmi Romapi judiokunapa kamachiqninkunata Pablo qayachimurqa, huñunakuruptinkum nirqa: Wawqeykuna, ñoqaqa manam imatapas ruwarqanichu ayllunchikkunapa contranpiqa otaq ñawpa taytanchikkunapa costumbrenkunapa contranpiqa, chaywanpas castanchikkunam Jerusalén llaqtapi presota entregawarqaku Roma llaqtayuq kamachikuqkunaman.

Hechos 28:28

Chaynata Pablo rimaruspanmi nirqa: Kunanmantaqa yachaychikyá, Diospa salvacionninqa mana judío kaqkunamanpas willasqañam kanqa, paykunam ichaqa uyarinqaku, nispa.

Romanos 1:1

Jesucristopa serviqnin ñoqa Pablom rimaykamuykichik. Diosmi apostolnin kanaypaq qayaykuwaspan allin noticiata willakunaypaq akllaykuwarqa.

Romanos 1:5

Diospa kuyakuyninman hinam apóstol kanaypaq Jesucristontakama akllasqa karqani, chaynapi llapallan nacionkuna Jesucristopi iñispanku payllataña kasukunankupaq.

Romanos 11:13

Mana judío kaqkunamanmi ichaqa kayta nikichik: Diosqa akllaykuwarqa mana judío kaqkunapa apostolnin kanaypaqmi, chaynapim tukuy sonqoywan ruwachkani,

1~Corintios 15:10

Ichaqa Diospa kuyapayakuyninman hinam kunanqa apostolña kani, paypa kuyapayawasqanqa manam yanqapaqchu karqa, ñoqaqa llamkachkani wakin apostolkunamantapas mastaraqmi, ichaqa manam kikillaymantachu aswanqa Diospa yanapakuyninwanmi.

1~Corintios 9:16

Cristomanta allin noticia willakuyniyqa manam alabakunaypaqchu, aswanqa willakunaypunim. ¡Ay, imay-naraq kayman allin noticiata mana willakuspayqa!

Gálatas 1:1

Ñoqa Pablom apóstol kani, apóstol kayniyqa manam runapa akllawasqanman hinachu, aswanqa kikin Jesucristom hinaspa Dios Taytam akllawarqa, paymi Jesucristota wañusqanmanta kawsarichimurqa.

Efesios 3:1

Ñoqa Pablom, Jesucristota servisqayrayku preso kachkani mana judío kaqkunapa allinnikichikpaq.

1~Timoteo 2:7

Chaypaqmi Dios akllawarqa apostolnin kaspay mana judío kaq runakunaman Jesucristomanta willakamunaypaq. Paykunatam yachachichkani cheqap yachachikuykunata hinaspa imaynam iñinankuta. Ñoqaqa cheqaptapunim rimachkani, manam llullakunichu.

2~Timoteo 1:11

Diosmi churawarqa Jesucristomanta allin noticiata willakunaypaq, apostolnin hinaspa yachachikuq kanaypaq.

2~Timoteo 2:4

Serviciopi kaq Soldadoqa manam sapaq ruwaymanqa chapukunchu, aswanqa kamachiqnintam kasukun.

Apocalipsis 17:14

Corderowan peleaptinkum Cordero vencerunqa, payqa señorkunapa Señorninmi, reykunapa Reyninmi. Paywan kaqkunaqa Diospa akllasqankunam hinaspa qayasqankunam, paykunaqa qaqa hinam sayachkanku, nispa.