Hechos 8:30 - CHUYA QELLQA La Biblia en Quechua de Ayacucho 2012

³⁰ Felipeñataqmi kallpaylla asuykuspan Isaiaspa qellqasqan libro leesqanta uyarirurqa, chaymi tapurqa: ¿Entiendechkankichu chay leesqaykipa imam nisqanta? nispa.

Quechua Ayacucho Bible 1987

³⁰ Chaymi Felipe kallpaspan, Isaiaspa qellqasqan libro leesqanta uyarispan tapurqa: —¿Entiendenkichu chay leesqaykipa imam nisqanta? —nispa.

Chuya Qellqa 1992

³⁰ Felipeñataqmi kallpaylla asuykuspan Isaiaspa qellqasqan libro leesqanta uyarirurqa, chaymi tapurqa: ¿Entiendechkankichu chay leesqaykipa imam nisqanta? nispa.

Hechos 8:30 Iomraidhean Croise

Eclesiastés 9:10

Ruwanayki kaqtaqa, kallpanchakuspayá chaylla ruway; sepulturapiqa manañam imatapas ruwankiñachu, manañam llamkankiñachu, manañam imatapas yachankiñachu, yachaypas chaypiqa manam kanñachu.

Mateo 13:19

Ñanman wichiykuq muhum Diospa munaychakuyninmanta palabrata uyarichkaspan mana entiendeq runaman rikchakun, paypa sonqonpi tarpusqa muhuta supay hamuruspa qechurusqanrayku.

Mateo 13:23

Allin allpaman wichiq muhuñataqmi rikchakun palabrata uyarispan entiendeq runaman. Chaymi huk muhullamanta rurun pachakta, soqta chunkata hinaspa kimsa chunkata, nispa.

Mateo 13:51

Chaymantam discipulonkunata Jesús tapurqa: ¿Yaqachu kaykunata entienderunkichik? nispan. Hinaptinmi paykuna nirqaku: Arí, Señor, nispanku.

Mateo 15:10

Hinaspam runakunata qayaykuspan Jesús nirqa: Uyarispa entiendeychik:

Mateo 24:15

Profeta Danielmi qellqarqa “Chuya” sutiyuq lugarpi millakuypaq kaqkunamanta (pipas kayta leeqqa entiendechun). “Chuya” sutiyuq lugarpi chaykunata rikuspaykichikqa,

Marcos 13:14

Sichum [Profeta Danielpa qellqasqanman hina] templopi millakuypaq kaqkuna ruwasqata rikuspaykichikqa (pipas kayta leeqqa entiendechunyá), Judeapi kaqkunayá orqokunaman ayqeychik.

Juan 4:34

Jesusñataqmi nirqa: Ñoqapa mikunayqa pim kachamuwaqniypa munasqanta ruwaymi hinaspa llamkayninta tukuymi.

Juan 5:39

Qellqatayá allinta qatipaychik chaypim wiñay kawsayta tarinkichik, paytaqmi ñoqamanta willakun

Hechos 8:27

Felipeñataqmi rispan ñanpi tuparurqa Etiopía nacionniyuq eunucowan. Payqa karqa Etiopía nacionpi Candace sutiyuq reinapa qollqen waqaychaqmi. Paymi Diosta yupaychananpaq Jerusalenta rirqa.

Hechos 8:29

Chaymi Felipeta Chuya Espíritu nirqa: Rispayki wak carretaman asuykuy, nispa.

Hechos 8:31

Chay Etiopía runañataqmi nirqa: ¿Imaynataq entiendesaq mana pipas yachachiwachkaptinqa? nispan. Chaymi Felipeta ruegarqa seqaspan waqtanpi tiyananpaq.

Hechos 8:5

Chaynapim Feli-pepas Samaria llaqtaman rirqa, hinaspam Jesucristomanta willakurqa.

1~Corintios 14:19

iglesiapa huñunakuyninpim ichaqa munani pichqa palabrallatapas entiendenankupaq hina rimayta, chaynapi wakinkunamanpas yachachinankupaq, mana yachasqanku rimaypi chunka waranqa palabrakuna rimanaymantaqa.

Efesios 5:17

Chaynaqa, amayá mana yuyayniyuqkuna hinaqa kaychikchu, aswanqa imam Señorpa munaynin kasqantayá allinta yachaychik.

Apocalipsis 13:18

Kaypiqa yachaymi kachkan. Yachay-niyuq runaqa manchakuypaq animalpa numerontayá yupachun. Paypa numeronqa runapa numeronmi, chay numeroqa soqta pachak soqta chunka soqtayuqmi.