Hechos 8:2 - CHUYA QELLQA La Biblia en Quechua de Ayacucho 2012

² Hinaptinmi allin sonqoyuq runakuna Estebanta pamparurqaku, hinaspam paymanta llumpayta waqarqaku.

Quechua Ayacucho Bible 1987

² Hinaptinmi Dios yupaychaq wakin runakuna pamparurqaku Estebanta, paymantam llumpayta waqarqaku.

Chuya Qellqa 1992

² Hinaptinmi allin sonqoyuq runakuna Estebanta pamparurqaku, hinaspam paymanta llumpayta waqarqaku.

Hechos 8:2 Iomraidhean Croise

Génesis 23:2

Payqa Quiriat-arba llaqtapim wañukurqa, chay llaqtapa huknin sutinmi Hebrón. Hebronqa tarikun Canaán allpapim. Sara wañukuptinmi Abraham llumpayta waqarqa.

Génesis 50:9

Joseywanmi rirqaku achkallaña runakuna, carretakunapas hinaspa caballokunapi silladakunapas.

2~Samuel 3:31

Chaymantam Joabta runankunatawan David kamachirqa: Pachaykichikta llikipakuspa, qachqa pachawan churakuychik hinaspa Abnerpa wañukusqanmanta waqaychik, nispa. Rey Davidmi chakanapi kaq ayapa qepanta qatirqa.

2~Crónicas 32:33

Ezequías wañukuptinmi, reykunapa pampakunanpa allinnin lawninpi pamparurqaku. Judá nacionpi kaqkunawan Jerusalenpi kaqkunam hatunchaspanku Ezequiasta pamparurqaku. Paypa rantinpim churin Manasesña munaychakurqa.

2~Crónicas 35:25

Rey Josiasta yuyarinapaqmi profeta Jeremías huk aya takita qellqarqa, chay takitam llapallan takiqkuna qaripas warmipas Josiasta yuyarispanku kunankama takinku. Chay takikunam Israel nacionpi costumbre hinaña karqa. Chay aya takiqa Lamentaciones libropim qellqasqa kachkan.

Jeremías 22:10

Rey Josiaspa wañusqanmantaqa amaña waqaychikchu, waqaychikqa rey Salum preso apasqa kasqanmantayá, payqa manañam haykapipas kutimunqañachu, nacesqan allpatapas manañam rikunqañachu.

Jeremías 22:18

Chayraykum Josiaspa churinmanta otaq Judá nacionpa reynin Joacimmanta Tayta Dios kaynata nin: Wañuptikiqa manam pipas waqanqachu, wañuruptikipas manam pipas waqaspaqa ninqachu: ¡Ay, wawqelláy! ¡Ay, panilláy! ¡Ay, señorlláy! ¡Ay reynilláy! nispaqa.

Números 20:29

Aaronpa wañukusqanta yacharuspankum Israelpa mirayninkuna kimsa chunka punchaw llumpayta waqarqaku.

Marcos 6:29

Juanpa discipulonkunañataqmi chayta yacharuspanku, hamururqaku hinaspa Juanpa cuerponta apaspanku pamparamurqaku.

Lucas 2:25

Jerusalenpim Simeón sutiyuq runa yacharqa, payqa allin kaqkunata ruwaspa kuyapayakuq runam karqa. Paymi Israel nación salvasqa kananta suyachkarqa. Payqa Chuya Espiritupa huntasqanmi karqa.

Hechos 10:2

Cornelioqa wasinpi llapallan kaqkunapiwanmi Diosta kasukuspa serviqku, wakcha judiokunatapas achka qollqewanmi yanapaq, hinaspanmi Diosta tukuy tiempo mañakuq.

Hechos 2:5

Jerusalén llaqtapim kachkarqaku karumanta hamuq judiokuna, paykunam lliw nacionkunamanta hamurqaku Diosta yupaychanankupaq.

Hechos 8:1

Saulom allinpaq hapirqa Esteban wañuchisqankuta. Hina chay pun-chawllapim Jerusalenpi iñiqkunata ñakarichinankupaq qatikachayta qallay-kurqaku. Chaymi llapa iñiqkuna Judea lawman hinaspa Samaria lawman che-qerurqaku, apostolkunallañam qeparurqaku.

Hechos 8:3

Sauloñataqmi iñiqkunata chinkachinanpaq wasin-wasin qatikachaspan qaritapas warmitapas carcelman aparqa.

Deuteronomio 34:8

Hinaptinmi Israelpa mirayninkuna kimsa chunka punchaw Moab law pampapi waqarqaku. Chaynapim cumplikurqa Moisesmanta lutokuspa waqasqanku punchawkuna.

1~Samuel 28:3

Samuelmi wañukurqaña, Israel runakunapas paymanta llumpayta waqaspankum Ramá llaqtanpi pamparamurqaku. Saulñataqmi qatipaqkunata chaynataq wañuqpa alman qayaqkunata Israel nacionmanta wischururqa.