Hechos 8:12 - CHUYA QELLQA La Biblia en Quechua de Ayacucho 2012

¹² Ichaqa Diospa munaychakuyninmanta hinaspa runakunata salvaq Jesucristopa sutinmanta Felipepa rimasqanta uyarispa iñikuspankum qaripas warmipas bautizachikurqaku.

Quechua Ayacucho Bible 1987

¹² Aswanqa Diospa munaychukusqanmanta hinaspa runakunata salvaq Jesucristopa sutinmanta Felipe rimaqta uyarispankum qaripas-warmipas iñikuspanku Felipewan bautizachikurqaku.

Chuya Qellqa 1992

¹² Ichaqa Diospa munaychakuyninmanta hinaspa runakunata salvaq Jesucristopa sutinmanta Felipepa rimasqanta uyarispa iñikuspankum qaripas warmipas bautizachikurqaku.

Hechos 8:12 Iomraidhean Croise

Mateo 28:19

Chaynaqa, llapallan nacionkunaman riychik, hinaspayá discipulokunata hatarichimuspa, Taytapa, Churipa, Chuya Espiritupa sutinpi bautizamuychik.

Lucas 9:2

Paykunatam Diospa munaychakuyninmanta willakamunankupaq hinaspa onqoqkunata sanoyachimunankupaq kacharqa.

Lucas 9:60

Chaymi Jesusñataq nirqa: Wañuqkunataqa wañusqakunayá pampamuchun, qamyá ichaqa rispayki Diospa munaychakuyninmanta willakamuy, nispa.

Hechos 1:3

Jesusmi kawsarimuspan tawa chunka punchawpuni rikurirqa apostolninkunaman hinaspam Diospa munaychakusqanmanta yachachirqa. Achka-achka kutipi sutillata rikurisqanraykum apostolkuna yacharqaku cheqaptapuni Jesuspa kawsarimusqanta.

Hechos 11:20

Ichaqa Chipre lawmantawan Cirene llaqtamantam wakin iñiqkuna Antioquía llaqtaman chayarurqaku, paykunam mana judío kaq runakunaman Señor Jesusmanta allin noticiata willakurqaku.

Hechos 18:8

Crispo sutiyuq runam judiokunapa sinagoganpi kamachikuq karqa, paymi wasinpi llapallan kaqkunapiwan Jesucristoman iñikururqaku. Corintopi kaqkunamantapas achkaqmi Pablota uyarispanku iñikururqaku, hinaspam bautizakurqaku.

Hechos 19:5

Chayta uyariykuspankum Señor Jesuspa sutinpi bautizakurqaku.

Hechos 2:38

Chaymi Pedroñataq nirqa: Huchaykichikmanta wanakuspayá sapakama Jesucristopa sutinpi bautizakuychik, chaynapi huchaykichikmanta pampachasqa kanaykichikpaq, hinaspam Chuya Espiritupa atiyninta chaskinkichik.

Hechos 2:41

Hinaptinmi Pedropa nisqanta kasu-kuqkunaqa bautizachikurqaku, chaynapim iñiqkunaman chay punchawpi yaqa kimsa waranqa runakuna yapakurqaku.

Hechos 20:21

Judiokunamanpas chaynataq mana judiokunamanpas nirqanim: “Huchaykichikmanta wanakuspa Diosman kutirikuychik, hinaspa Señor-ninchik Jesusman iñikuychik”, nispa.

Hechos 20:25

Qamkunamanmi Diospa munaychakuyninmanta yachachirqaykichik, kunanmi ichaqa yachakuni, manañam huktawanqa rikuwankichikñachu.

Hechos 28:31

Mana manchakuspanmi Diospa munaychakuyninmanta willakuq, pipapas mana harkakusqanmi Señor Jesucristomanta yachachiq.

Hechos 5:14

Sapa punchawmi qaripas warmipas Señor Jesucristoman iñikurqaku, chaymi iñiqkuna aswan-aswan mirarqaku.

Hechos 8:4

Ichaqa Jerusalenmanta cheqeqkunam, mayman rispankupas Jesucristomanta allin noticiata willakuqku.

Romanos 10:10

Sonqonchikwanmi iñinchik mana huchayuqpaqña chaskisqa kananchikpaq, siminchikwanñataqmi Jesucristomanta willakunchik salvasqa kananchikpaq.

1~Corintios 11:11

Chayraykum Señorpa qayllanpiqa qaripas mana kanmanchu mana warmi kaptinqa, manataqmi warmipas kanmanchu mana qari kaptinqa.

Gálatas 3:28

Jesucristopiqa hukllañam kanchik, manam imananchu judío kaypas otaq mana judío kaypas, esclavo kaypas otaq mana esclavo kaypas, qari kaypas otaq warmi kaypas.

1~Pedro 3:21

Chay yakum rikchakun bautizakuna yakuman, chaywanmi ñoqanchikpas salvasqa kanchik. Bautis-moqa manam cuerponchiktaqa mayllanchu, aswanqa chuya sonqoyuq kayta Diosmanta mañakuymi, hinaspam Jesucristopa kawsarimusqanwan salvasqa kanchik.