Hechos 7:42 - CHUYA QELLQA La Biblia en Quechua de Ayacucho 2012

⁴² Chaynapim Diospas paykunata qepanchakuruspa chaskakunataña yupaychanankupaq saqerurqa, profetapa qellqasqan libropim kaynata nichkan: “Yaw, Israelpa mirayninkuna, ¿yaqachu chunniqpi tawa chunka wata purispaykichik animalkunatawan sacrificiokunata ofrecewarqankichik?

Quechua Ayacucho Bible 1987

⁴² Chaynapim Diospas paykunata qepanchakuruspa saqerurqa lucerokunataña adoranankupaq, Diosmanta willakuqkunapa qellqasqan libropim kaynata nichkan: “Yaw Israel castakuna chunniqpi tawa chunka wata kaspaykichikqa animalkunatawan wakin ofrendakunataqa manam ofrecewarqankichikchu.

Chuya Qellqa 1992

⁴² Chaynapim Diospas paykunata qepanchakuruspa chaskakunataña yupaychanankupaq saqerurqa, profetapa qellqasqan libropim kaynata nichkan: “Yaw Israelpa mirayninkuna, ¿Yaqachu chunniqpi tawa chunka wata purispaykichik animalkunatawan sacrificiokunata ofrecewarqankichik?

Hechos 7:42 Iomraidhean Croise

2~Reyes 17:16

Señorninku Tayta Diospa llapallan kamachisqankunata saqeruspankum, metalta chulluchispa iskay torokunata ruwakururqaku, ruwakururqakutaqmi Asera idolotapas. Cielopi llapa chaskakunatawan Baal idolokunatañam yupaycharqaku.

2~Reyes 21:3

Taytan Ezequiaspa tuñichisqan capillakunatapas musoqmanta hatarichispanmi, Baal idolopaqña altarkunata ruwarqa. Israelpa reynin Acab hinam Asera idolotapas ruwarqa. Cielokunapi chaskakunatapas yupaycharqam.

Isaías 43:23

Lliw kañanapaq ovejakunataqa manam apamuwarqankichu, animalkunatapas yupaychawanaykipaqqa manam sacrificarqankichu, kawsaykunamanta ofrendatapas aminaykikamaqa manam mañapayarqaykichu, inciensotapas pisipanaykikamaqa manam mañakurqaykichu.

Isaías 63:10

Paykunam ichaqa mana kasukuspanku Chuya Espiritunta llakichirqaku; chayraykum enemigonku hina rikurispa paykunapa contranpiña pelearqa.

Isaías 66:4

Ñoqapas ñakariytam paykunapaq akllasaq, ancha manchakusqankutam paykunaman apamusaq. Qayakuptiymi mana pipas contestawarqachu, rimapayaptiymi mana pipas uyariwarqachu, aswanqa qawachkaptiymi mana allinta ruwarqaku, mana munasqay kaqtam akllakurqaku.

Jeremías 19:13

Jerusalén llaqtapi wasikunawan Judá nacionpi reykunapa palacionkunapas, Tofet qechwa hina millakuypaqñam kanqa. Chay wasikunapa altosninpim chaskakunaman inciensota kañapurqaku, chaypim llapa idolokunamanpas vino ofrendata tallipurqaku, nispa.

Jeremías 8:2

Chay tullukunam intiman, kullaman, chaynataq chaskakunamanpas machqepasqa kanqa; chaykunatam paykuna kuyarqaku, servirqaku, qatirqaku, tapukurqaku hinaspa hatuncharqaku. Chay tullukunataqa manam pipas huñunqachu nitaq pampanqachu, wanu hinañam allpa hawanpi qepanqa.

Ezequiel 20:25

Chayraykum paykunamanqa mana valeq decretokunatawan mana valeq leykunataña qoykurqani. Chay decretokunaqa manam kawsanankupaqñachu karqa.

Ezequiel 20:39

Chaynaqa, Israelpa mirayninkuna, ñoqa Tayta Diosmi kaynata nikichik: Mana kasuwayta munaspaykichikqa idoloykichikkunata sapakama yupaychamuychik. Amaña chuya sutiyta sarutyaychikchu ofrendaykichikkunawan hinaspa millakuypaq idoloykichikkunawan.

Ezequiel 8:16

Chaymantam Tayta Diospa templonpa uku law pationman aparuwarqa, chaymi pachakuna waqaychanamanta altarman rinapi, yaqa iskay chunka pichqayuq qarikuna kachkasqaku. Paykunam templota qepanchakuruspanku intipa qespimunan lawman pampakama pakchakuykuspanku intita yupaychachkasqaku.

Oseas 4:17

Efrainmi idolokunaman qokurun, ¡hinayá chayna kawsachun!

Juan 6:45

Pro-fetakunapa qellqasqan libropim nichkan: “Diosmi yachachin llapallanta”, nispa. Chaynaqa, pipas Taytayta uyarispa paymanta yachaqkunaqa ñoqamanmi hamunqaku.

Hechos 13:40

Cuidakuychikyá profetakunapa nisqankuna qamkunaman ama chayamusunaykichikpaq, paykunam nirqaku:

Hechos 7:36

Paymi Israel runakunata hurqomurqa admirakuypaq milagrokunata Egipto nacionpi ruwaspa chaynataq Puka lamar qochapipas hinaspa tawa chunka watantin hamusqanku chunniqpipas.

Deuteronomio 17:3

chaynataq idolokunata yupaychaspa ñawpaqninpi qonqorachkaqta; intita, killata, chaskakunata yupaychachkaqta, chaykuna ruwaytaqa manam Tayta Diosqa kamachikurqachu.

Deuteronomio 4:19

Yanqañataq cielopi intita, killata, chaskakunata hinaspa cielopi tukuy ima kaqkunata qawaspaykichik yupaychawaqchik. Tukuy chaykunataqa Señornikichik Tayta Diosmi kay pachapi llapa runakunapaq churarqa.

Hebreos 3:9

Chaypim ñawpaq taytaykichikkuna tentawarqaku, tukuy ruwasqaykunata tawa chunka wata rikuchkaspankupas tentawarqakum.

Josué 24:20

Sichum Tayta Diosta saqeruspa idolokunataña serviptikichikqa contraykichikpi kaspanmi castigasunkichik, hinaspam qamkunapaq allinkunata ruwachkaspapas chinkarachisunkichik, nispa.