Hechos 7:36 - CHUYA QELLQA La Biblia en Quechua de Ayacucho 2012

³⁶ Paymi Israel runakunata hurqomurqa admirakuypaq milagrokunata Egipto nacionpi ruwaspa chaynataq Puka lamar qochapipas hinaspa tawa chunka watantin hamusqanku chunniqpipas.

Quechua Ayacucho Bible 1987

³⁶ Chaynapimá Moisesqa Egipto nacionmanta libramurqa llapa abuelonchikkunata, Diospa atiyninta qawachispam admirakuypaq *f**milagrokunata rurarqa Egipto nacionpi, Puka Lamar Qochapi chaynataq chunniqpipas tawa chunka watapuni.

Chuya Qellqa 1992

³⁶ Paymi Israel runakunata hurqomurqa admirakuypaq milagrokunata Egipto nacionpi ruwaspa chaynataq Puka lamar qochapipas hinaspa tawa chunka watantin hamusqanku chunniqpipas.

Hechos 7:36 Iomraidhean Croise

Nehemías 9:10

Faraonpa hinaspa yanapaqninkunapa contranpim admirakuypaq hatun señalkunata ruwarqanki, Egipto runakuna llumpayta hatunchakuspa Israelpa mirayninkunata imam ruwasqantam yacharqanki, chaynapim sutikitapas ancha reqsisqata ruwarqanki, chaynam kunankamapas kachkan.

Éxodo 12:41

Tawa pachak kimsa chunka wata pasaruptinmi, Tayta Diospa llapallan tropankuna Egipto nacionmanta lloqsirqaku.

Éxodo 14:21

Moisesmi lamar qochapa hawanman makinta haywarirqa, hinaptinmi tukuy tuta intipa qespimunan lawmanta Tayta Dios sinchi wayrawan lamar qochata iskayman rakinarurqa, hinaptinmi chaki allpa rikurirurqa.

Éxodo 16:35

Chaynatam Israelpa mirayninkuna chay maná sutiyuq mikuyta tawa chunka watantin mikurqaku, mikurqakuqa runakunapa yachanan allpaman chayanankukamam, otaq Canaán allpaman yaykunankukamam.

Éxodo 3:20

Ichaqa Ñoqam atiyniywan Egipto runakunata tukuy rikchaq admirakuypaq ruwayniykunawan castigasaq, chaymantañam Faraonqa kachaykusunkichik.

Éxodo 33:1

Moisestam Tayta Dios nirqa: “Egiptomanta hurqomusqayki runakunawan prometesqay allpaman riychik, chay allpataqa juraspam prometerqani Abrahampa, Isaacpa hinaspa Jacobpa mirayninkunaman qonaypaq.

Juan 4:48

Jesusñataqmi nirqa: Milagrokunatawan señalkunata mana rikuspaykichikqa, qamkunaqa manam creenkichikchu, nispa.

Hechos 13:18

Yaqa tawa chunka watam mana kasukuchkaptinkupas chunniqpi paykunata Dios aguantarqa.

Hechos 7:42

Chaynapim Diospas paykunata qepanchakuruspa chaskakunataña yupaychanankupaq saqerurqa, profetapa qellqasqan libropim kaynata nichkan: “Yaw, Israelpa mirayninkuna, ¿yaqachu chunniqpi tawa chunka wata purispaykichik animalkunatawan sacrificiokunata ofrecewarqankichik?

Deuteronomio 8:4

Chay tawa chunka watapiqa manampachaykichikpas tukurqachu nitaqmi chakikichikpas punkirqachu.

Hebreos 3:8

amayá sonqoykichikta rumiyarachiychikchu piñachiwasqanku punchawpi hinaqa, chunniqpi tentawaspanku ruwasqankuta hinaqa.

Hebreos 3:9

Chaypim ñawpaq taytaykichikkuna tentawarqaku, tukuy ruwasqaykunata tawa chunka wata rikuchkaspankupas tentawarqakum.

Hebreos 8:9

Ichaqa manam ñawpaq taytaykichikkunawan pacto ruwasqayta hinachu ruwasaq. Paykunatam Egipto nacionmanta, makinkumanta aysamuchkaq hina hurqomurqani. Paykuna mana kasukuptinmi ñoqatapas manaña imapas qokuwarqachu. Señormi chaynata nin.