Hechos 7:25 - CHUYA QELLQA La Biblia en Quechua de Ayacucho 2012

²⁵ Moisesmi nirqa: “Castaykunaqa yaqam entiendenqaku paykunataqa ñoqantakama Dios librananta”, nispa. Ichaqa manam paykunaqa kaqpaqpas hapirqakuchu.

Quechua Ayacucho Bible 1987

²⁵ Paymi piensarqa: “Castaykunaqa luegoch cuentata qokunqaku paykunataqa ñoqantakama Dios librananta” nispa, aswanqa paykunaqa manam entienderqakuchu.

Chuya Qellqa 1992

²⁵ Moisesmi nirqa: “Castaykunaqa yaqam entiendenqaku paykunataqa ñoqantakama Dios librananta”, nispa. Ichaqa manam paykunaqa kaqpaqpas hapirqakuchu.

Hechos 7:25 Iomraidhean Croise

2~Reyes 5:1

Naamanqa karqa Siria nacionpi reypa llapa tropankunapa kamachiqninmi, paynintakamam Siria nacionta enemigonkunamanta Tayta Dios librarqa, chayraykum reyninqa anchata kuyarqa. Payqa allinnin qari-qari soldadom karqa, ichaqa lepra onqoywanmi ñakarirqa.

Éxodo 2:12

Chaymi kaylawta-waklawta qawakacharikuspa mana pitapas rikuspan, chay Egipto runata wañurachirqa, hinaspam aqopi pamparurqa.

Marcos 9:32

Discipulonkunam ichaqa chay nisqanta mana entienderqakuchu, tapuykuytapas manchakurqakutaqmi.

Lucas 18:34

Discipulonkunam ichaqa mana imayrikuqtapas entienderqakuchu, chay rimasqankunaqa pakasqa hina kasqanrayku.

Lucas 9:45

Discipulonkunam ichaqa mana entienderqakuchu, paykunapaqqa pakasqa hina kasqanrayku, manchakurqakutaqmi tapuykuytapas.

Hechos 14:27

Antioquiaman chayaruspankum llapa iñiqkunata huñururqaku, hinaspam willakurqaku payninkunatakama Diospa tukuy ima ruwamusqanta, chaynataq mana judío kaqkunamanpas iñikunankupaq punkuta Dios kichaykusqanmanta.

Hechos 15:4

Jerusalenman Pablowan Bernabé chayaruptinkum, llapallan iñiqkuna, apostolkuna hinaspa ancianokuna kusikuyllawanña chaskirqaku, chaymi Pablowan Bernabeyqa willakurqaku imayna payninkunatakama tukuy imata Dios ruwamusqanmanta.

Hechos 15:7

Llumpayta atipanakuptinkum Pedroñataq sayarispan nirqa: Wawqekuna, yachasqaykichikpi hinam qamkunamanta Dios akllawarqa Jesu-cristomanta allin noticiata mana judío kaqkunamanpas willakunaypaq, chaynapi paykunapas iñikunankupaq.

Hechos 21:19

Pablom paykunata rimaykuspan willakuyta qallaykurqa, imaynam paynintakama mana judío kaqkunapi Diospa tukuy imakunam ruwamusqanmanta.

Hechos 7:24

Chaypim Egipto runata rikururqa Israelpa mirayninmanta kaq runata maqachkaqta, chaymi nanachikuspan maqaqnin Egipto runata wañurachirqa.

Hechos 7:26

Paqarinnintin punchawñataqmi Moisés tarirurqa Israelpa mirayninkunamanta iskay runakuna maqanakuchkaqta, rakinayta munaspanmi nirqa: “Qamkunaqa wawqentinmi kankichik, ¿imanasqataq maqanakuchkankichik?” nispa.

Romanos 15:18

Aswanqa Cristopa imam ñoqantakama ruwasqallanmantam rimayta munani. Paymi atiyninta qowarqa willakuptiy hinaspa ruwaptiy mana judío kaqkunapas payta kasukunankupaq.

1~Corintios 15:10

Ichaqa Diospa kuyapayakuyninman hinam kunanqa apostolña kani, paypa kuyapayawasqanqa manam yanqapaqchu karqa, ñoqaqa llamkachkani wakin apostolkunamantapas mastaraqmi, ichaqa manam kikillaymantachu aswanqa Diospa yanapakuyninwanmi.

1~Corintios 3:9

Ñoqaykuqa Diospa llamkapakuqninmi kaniku, qamkunañataqmi kankichik Diospa llamkasqan chakra hinaspa Diospa ruwasqan wasi.

2~Corintios 6:1

Qamkuna yanapaq kasqaykuraykum ruegakamuykiku, amayá Diospa kuyakuynintaqa yanqaqa chaskiychikchu.

Colosenses 1:29

Chayraykum Cristopa qowasqan hatun atiywan sinchita kallpanchakuspay llamkachkani.

Jueces 15:12

Chaymi Judá runakuna nirqaku: Ñoqaykum hamuniku qamta chaqnaspayku filisteokunapa makinman qoykunaykupaq, nispanku. Hinaptinmi Sansonñataq nirqa: Ama wañuchiwanaykichikpaq Jura-mentawaychik, nispa.

1~Samuel 14:45

Hinaptinmi runakunañataq Saulta nirqaku: ¡Manam Jonatanqa wañunmanchu! payqa ñoqanchik Israel runakunatam libraykuwanchik, kawsaq Tayta Diosraykum Jonatanpaqa huk chukchallanpas mana pampamanqa wichinqachu. Payqa Diospa yanapakuyninwanmi ruwarun, nispanku. Chaynatam Jonatantaqa wañunanmanta Israel runakuna librarurqaku.

1~Samuel 19:5

Payqa wañuytapas mana manchakuspam chay filisteo runatapas wañuchirqa. Chaynatam llapallan Israel runakunata Tayta Dios libraykurqa. Chayta qawaspam qampas kusikurqanki. Chaynaqa, ¿imanasqataq inocente runata wañuchiypi riwaq? Amayá munaychu yanqamanta Davidta wañuchiytaqa, nispa.