Hechos 7:2 - CHUYA QELLQA La Biblia en Quechua de Ayacucho 2012

² Chaymi Estebanñataq nirqa: Wawqellaykuna, taytallaykuna, uyariy-kuwaychik. Ñoqanchikpa kancharich-kaq Diosninchikmi ñawpaq taytanchik Abrahamman Mesopotamia lawpi rikuriykurqa, manaraq Harán llaqtaman ripukuchkaptin.

Quechua Ayacucho Bible 1987

² Chaymi Estebañataq nirqa: —Wawqellaykuna, taytakuna, uyariykuwaychik. Ñoqanchikpa kancharichkaq Diosninchikmi abuelonchik Abrahanman Mesopotamia lawpi rikuriykurqa manaraq Haran llaqtaman ripukuchkaptin.

Chuya Qellqa 1992

² Chaymi Estebanñataq nirqa: Wawqellaykuna, taytallaykuna, uyariykuwaychik. Ñoqanchikpa kancharichkaq Diosninchikmi ñawpaq taytanchik Abrahamman Mesopotamia lawpi rikuriykurqa, manaraq Harán llaqtaman ripukuchkaptin.

Hechos 7:2 Iomraidhean Croise

Génesis 11:31

Tareymi lloqsirqa Caldea lawpi Ur llaqtamanta Canaán lawman rinanpaq, hinaspam pusarqa churin Abramta warmintinta, chaynataq Haranpa churin Lottapas; Lotqa karqa Tareypa willkanmi. Harán llaqtaman chayaruspankum chaypi yacharqaku.

Génesis 12:1

Abramtam Tayta Dios nirqa: Llaqtaykimanta, aylluykimanta hinaspa taytaykipa wasinmanta lloqsiy, maymi ñoqapa qawachisqay allpaman rinaykipaq.

Génesis 12:5

Abrammi Canaán lawman rispan warmin Saraita pusarqa. Sobrinon Lotpas paywanmi rirqa. Aparqataqmi tukuy imankunatapas chaynataq Haranpi yachaspa animalkuna, runakuna rantisqantapas, hinaspam Canaanman chayarurqaku.

Génesis 15:7

Chaymantam Tayta Dios nirqa: Ñoqam Tayta Diosqa kani. Ñoqam Caldea law Ur llaqtamanta hurqomurqayki kay allpata qanman herenciata qonaypaq, nispa.

Génesis 29:4

Jacobmi michiqkunata tapurqa: Wawqekuna ¿maylawtaq kankichik? nispa. Hinaptinmi paykunañataq nirqaku: Harán llaqtapi kaqmi kaniku, nispanku.

Nehemías 9:7

Dios Taytalláy, Abramta akllaykuq Diosmi kanki, Caldea lawpi Ur llaqtamantam hurqomurqanki, hinaspam Abrahamwan suticharqanki.

Isaías 37:12

Manam Gozanta, Haranta, Resefta chaynataq Telasarpi yachaq Edén castan runakunatapas ñawpaq taytaykuna tuñichiptin diosninku librarqachu.

Isaías 51:2

Taytaykichik Abrahammanta yuyariychik, mamaykichik Saramanta yuyariychik. Abrahamta qayaptiyqa sapallanraqmi karqa, ichaqa bendecispaymi mirachirqani.

Isaías 6:3

Paykunam qaparispa ninakurqaku: Chuyam, chuyam, chuyam Tukuy Atiyniyuq Tayta Diosqa. Llapallan kay pachapas atiyninwan huntasqam kachkan, nispanku.

Mateo 6:13

Amayá tentacionmanqa kachaykuwaykuchu, aswanqa mana allinmanta libraykuwayku. [Qampam munaychakuypas, atiypas, hatun kaypas wiña-wiñaypaq. Amén].

Lucas 2:14

¡Diosyá hanaq pachapi yupaychasqa kachun! ¡Kay pachapipas Diospa kuyasqan runakunapaqyá hawkayay kachun! nispanku.

Juan 1:14

Chay Simim runayaruspan ñoqanchikwan yacharqa. Atiynintapas rikurqanchikmi, chay atiytam sapallan Churin kasqanrayku Taytamanta chaskirqa, payqa kuyakuywan hinaspa cheqap kaywan huntarisqam karqa.

Juan 12:41

Chaynataqa Isaiasqa nirqa, Jesuspa kanchariyninta rikuspanmi, chaymi paymanta rimarqa.

Hechos 22:1

“Taytakuna, wawqellaykuna, defiendekunaypaq rimarisqaytayá uyariykuwaychik”, nispa.

Hechos 23:7

Chaynata rimaruptinmi llapa fari-seokuna saduceokunawan atipanakuyta qallaykuspanku iskayman raki-nakururqaku.

Hechos 7:1

Estebantam Sumo sacerdote tapurqa: ¿Qanmanta runakunapa rimasqan cheqapchu? nispa.

1~Corintios 2:8

Kaytaqa manam kay pachapi mayqan kamachikuqkunapas yacharqakuchu, yachaspankuqa manachá Atiyniyuq Señorninchiktaqa chakatanmankuchu karqa.

Efesios 1:17

Señorninchik Jesucristopa Atiyniyuq Dios Taytantam mañakuch-kani Espiritunwan yachayniyuq kay atiyta qosunaykichikpaq, chaynapi qamkunaman reqsichikuptin cheqapta reqsinaykichikpaq.

Tito 2:13

Chaynataqa kawsananchik ancha munayniyuq Dios salvaqninchik Jesucristopa sumaqllaña kancharichkaq kutimunanta kusikuywan hinaspa confianzawan suyaspanchikmi.

Hebreos 1:3

Paymi Diospa rikchaynin kasqanrayku Diospa kanchariyninta qawachiwanchik. Paymi atiyniyuq palabranwan kamachispan tukuy imakunata takyachin. Payqa huchanchikkunata mayllaykuspanmi Diospa alleq lawninpi tiyaykurqa.

Hebreos 11:8

Iñiyllawanmi Abrahampas, Dios qayaykuptin kasukurqa, hinaspam llaqtanmanta lloqsirqa herencia chaskinan allpaman, chaymi lloqsirqa mana maymanpas rinanta yachastin.

Santiago 2:1

Kuyasqay wawqe-panillaykuna, atiyniyuq Señorninchik Jesucristopi iñiq kaspaykichikqa amayá pimanpas sayapakuychikchu.

Josué 24:2

Hinaspanmi llapallan runata nirqa: Israelpa yupaychasqan Tayta Diosmi nin: “Ñawpaqtam Taytaykichik Taré, Abraham hinaspa Nacor, Eufrates mayupa waklaw chimpanpi yachaspanku rikchaqmana idolokunata yupaycharqaku.

Apocalipsis 4:11

“Señor Diosnillayku, hatunchaytapas, yupaychaytapas, atiytapas chaskinaykipaq hinapunim kanki. Qanmi tukuy ima kaqkunatapas unancharqanki, munaynikiman hina unanchaptikim tukuy imapas kachkan”, nispanku.