Hechos 6:7 - CHUYA QELLQA La Biblia en Quechua de Ayacucho 2012

⁷ Diospa palabranta willakuptin-kum Jerusalén llaqtapi llapa iñiqkuna aswan-aswan mirarqaku. Judiokunamanta kaq sacerdotekunapas achkallañam Jesusman iñikurqaku.

Quechua Ayacucho Bible 1987

⁷ Chaymi Diospa palabranta aswan-aswan willakuptinku llapa iñiqkuna aswan-aswan mirarqa Jerusalen llaqtapi. Achkañam *f**sacerdotekunapas Jesusman iñikuykurqaku.

Chuya Qellqa 1992

⁷ Diospa palabranta willakuptinkum Jerusalén llaqtapi llapa iñiqkuna aswan-aswan mirarqaku. Judiokunamanta kaq sacerdotekunapas achkallañam Jesusman iñikurqaku.

Hechos 6:7 Iomraidhean Croise

2~Crónicas 29:34

Ichaqa llapa sacerdotekunam aslla kasqankurayku mana kamakurqakuchu kañana animalkunapa qaran chustunankupaq, chayraykum wakin sacerdotekuna chuyanchakunankukama ayllunku levitakunaña yanaparqa. Levitakunaqa sacerdotekunamantapas chaylla chuyanchakuy munaqmi karqaku.

2~Crónicas 30:24

Judá nacionpa reynin Ezequiasmi llapa runakunaman qoykurqa waranqa torokunatawan qanchis waranqa ovejakunata. Kamachikuqkunapas waranqa torokunatawan chunka waranqa ovejakunatam qorqaku. Sacerdotekunapas achkallañam chuyanchakurqaku.

Mateo 19:30

Ichaqa puntapi kaqkunam qepapi kanqaku, qepapi kaqkunañataqmi puntapi kanqaku, nispa.

Lucas 2:34

Simeonñataqmi paykunata bendeciykuspan Jesuspa maman Mariata nirqa: Kay wawam Israelpi runakunapaq kanqa wakinpaq urmachiqnin, wakin-paqñataq hatarichiqnin. Paymi huk señal kanqa, achkaqmi contranpi hatarinqaku.

Juan 12:42

Chaywanpas achkaq kamachikuq judiokunam Jesusman iñirqaku. Ichaqa fariseokunata manchakusqankuraykum mana libretachu willakuqku, chaynapi sinagogamanta mana wischusqa kanankupaq.

Hechos 12:24

Diospa palabranmi ichaqa tukuy hinastinpi willakuptinku mirarqa.

Hechos 13:8

Ichaqa Elimaswan sutichasqa brujom paykunapa contranpi karqa gobernador Sergio Paulo mana iñikunanta munaspan.

Hechos 14:22

Chay llaqtakunapim Jesucristoman iñikuqkunata imam creesqankupi qaqa hina sayanankupaq kallpancharqaku: Diospa munaychakuyninman yaykuqqa achka sasachakuytam ñakarinan, nispanku.

Hechos 19:20

Chaynatam Diospa palabranta atiywanraq tukuy hinastinpi willakurqaku.

Hechos 2:47

Diosta yupaychaspam lliw runakunapa allin qawasqam karqaku. Señorñataqmi sapa punchaw paykunaman salvasqa kaqkunata yaparqa.

Hechos 21:20

Uyariykuspankum Diosta yupaycharqaku, hinaspam Pablota nirqaku: Wawqelláy, yachasqaykipi hinapas waranqanpim judiokuna Jesucristoman iñikurunku, ichaqa hinallaraqmi Moi-sespa leyninman hapipasqa kachkanku.

Hechos 6:1

Chay punchawkunapim Cristoman iñikuqkuna aswan-aswan mirarqaku. Chaymi griego rimaq iñiqkuna hebreo rimaq iñiqkunamanta quejakurqaku: Sapa punchaw mikuyta aypuspankum ñoqaykumanta kaq viudakunata mana allintachu atiendenku, nispanku.

Romanos 1:5

Diospa kuyakuyninman hinam apóstol kanaypaq Jesucristontakama akllasqa karqani, chaynapi llapallan nacionkuna Jesucristopi iñispanku payllataña kasukunankupaq.

Romanos 16:26

Kunanqa profetakunapa qellqasqanwanmi llapallan nacionkunaman qawachisqaña kachkan. Chaymi wiña-wiñaypaq kawsaq Dios kamachiptin llapallan nacionkunapipas kay allin noticiataqa yachankuña, iñikuspa kasukunankupaq.

Gálatas 1:23

Paykunaqa ñoqamanta uyarispam nirqaku: “Ñawpaq qatikachawaqninchik Pablom kunanqa Jesucristomanta yachachispaña purichkan, paymi ñawpaqta chinkachiyta munawarqanchik”, nispanku.

Gálatas 6:10

Chayraykum, kapuwasqanchikman hina lliwpaq allin kaqkunata ruwananchik, tukuymanta llalliriqtaqa iñiqmasinchikkunapaqyá ruwasunchik.

Colosenses 1:6

Chay palabraqa qamkunamanwan hinaspa lliw kay pachapi runakunamanmi chayamurqa, hinaspam allinta ruruspan tukuy hinastinpi mirachkan, chaynaqa kachkan uyarisqaykichik hinaspa Diospa kuyakuynin chaskisqaykichik punchawmantaraqmi.

2~Tesalonicenses 1:8

Hinaspam Dios mana reqsiqkunatawan Señorninchik Jesusmanta allin noticia mana kasukuqkunata castiganqa.

2~Timoteo 2:9

chayraykum ñakariykunata aguantani, runa wañu-chiqta hinam cadenaruwanku, Diospa palabranmi ichaqa mana cadenasqachu kachkan.

Hebreos 11:8

Iñiyllawanmi Abrahampas, Dios qayaykuptin kasukurqa, hinaspam llaqtanmanta lloqsirqa herencia chaskinan allpaman, chaymi lloqsirqa mana maymanpas rinanta yachastin.

Hebreos 5:9

Chaykunawan qespichisqa karuspanmi llapallan kasuqnin runakunapaq wiñaypaq salvaqnin rikurirun.

Judas 1:20

Kuyasqay wawqe-panillaykuna, qamkunayá ichaqa chuyay-chuyay iñiynikichikpi wiñaychik, Chuya Espiritupa yanapakuyninwanyá Diosta mañakuychik.

Judas 1:3

Kuyasqallaykuna, maynatam munarqani salvación chaskisqanchikmanta qellqamuyta. Kunanmi ichaqa necesario kasqanrayku qellqamuykichik: Qamkunatam kallpanchamuykichik iñiy chaskisqanchikta allinta nanachikunaykichikpaq, chay iñiytaqa Diosmi huk kutillata chuya llaqtanman wiñaypaq qowarqanchik.