Hechos 6:10 - CHUYA QELLQA La Biblia en Quechua de Ayacucho 2012

¹⁰ Ichaqa manam Estebanta upallachiyta atirqakuchu allin yachaywan hinaspa Chuya Espiritupa yanapakuyninwan rimasqanrayku.

Quechua Ayacucho Bible 1987

¹⁰ Paykunaqa manam Esteban upallachiyta atirqakuchu allin yachaywan hinaspa Chuya Espiritupa yanapakuyninwan rimasqanrayku.

Chuya Qellqa 1992

¹⁰ Ichaqa manam Estebanta upallachiyta atirqakuchu allin yachaywan hinaspa Chuya Espiritupa yanapakuyninwan rimasqanrayku.

Hechos 6:10 Iomraidhean Croise

Jobwan Sutichasqa Libro 32:18

Rimaykuq-rimaykuqllañam kachkani, chaynaqa manam upallakuruymanchu.

Jobwan Sutichasqa Libro 32:8

Cheqaptapunipas runapiqa espiritum kachkan, Tukuy Atiyniyuq Diospa Espiritunmi runataqa entiendechin.

Éxodo 4:12

Chaynaqa, kunan riy, ñoqam rimachiqniki kasaq, ñoqataqmi imam rimanaykitapas yachachisqayki, nispa.

Isaías 54:17

Contraykipi armakuna ruwasqankupas manam imanasunkichu, juzgadopi acusasuqnikikunatapas upallachinkim. Tukuy chaykunam serviqniykunapa herencian kanqa, ñoqawanmi tukuy imapi vencenqaku. Tayta Diosmi chaynata nin.

Jeremías 15:20

Kay runakunapaqmi qamta churayki broncemanta perqata hina, contraykipim peleanqaku, ichaqa manam vencesunkichu, ñoqam qanwan kachkani salvanaypaq hinaspa libranaypaq. Ñoqa Tayta Diosmi chaynata nini.

Ezequiel 3:27

Ichaqa rimapayaspaymi huktawan rimachisqayki, hinaptinmi kaynata ninki: “Tayta Diosmi kaynata nin”, nispayki. Uyariy munaqqa uyarinqam, mana uyariy munaqqa manam uyarinqachu. Paykunaqa mana kasukuq miraykunam, nispa.

Miqueas 3:8

Ñoqam ichaqa Tayta Diospa Espiritunwan, allin ruwayninwan, chaynataq atiyninwan huntasqa kachkani, Jacobpa mana kasukuyninta qawachinaypaq, Israelta huchanmanta qaqchanaypaq.

Lucas 1:17

Paymi Señorpa ñawpaqninta rinqa Eliaspa espiritunwan hinaspa atiyninwan, chaynapi tayta-mamakunata wawa-churinkuwan allinyanachinanpaq, mana kasukuqkunapas kasukuqña kanankupaq. Chaynatam llapa runakunapa sonqonta allichanqa Señorta chaskinankupaq, nispa.

Lucas 21:15

Ñoqam qos-qaykichik yachaywan rimaytaqa, chay-napim mayqan enemigoykichikpas mana kutipakuyta atisunkichikchu.

Juan 7:46

Chaymi guardiakunañataq nirqaku: Manam pipas pay hinaqa rimarqachu, nispanku.

Hechos 5:39

Diosmanta kaptinmi ichaqa imayna chinkarachiytapas mana atiwaqchikchu. Chaynaqa, cuidakuychikyá, yanqañataq Diospa contranpi peleachkawaqchik, nispa.

Hechos 6:11

Chaymi huk runakunaman pagarurqaku Estebanmanta llullakuspanku: “Ñoqaykum kay runata uyarirqaniku Moisespa hinaspa Diospa contranpi mana allinkuna rimaqta”, nispa rimanankupaq.

Hechos 6:9

Jerusalenpim karqa “Esclavo kasqankumanta librasqakuna” nispa sutichasqanku sinagoga. Chaypim huñunakuqku Cirenemanta, Alejandriamanta, Ciliciamanta hinaspa Asiamanta kaq judiokuna. Paykunam Estebanwan atipanakuyta qallaykurqaku.

Hechos 7:51

Qamkunaqa mana kasukuq runakunam kankichik. Rinrikichikpas chaynataq sonqoykichikpas wichqasqam kachkan. Qamkunaqa Chuya Espiritupa contranpim kachkankichik, ñawpa taytaykichikkuna hinapunim qamkunapas kankichik.

1~Corintios 2:4

Diosmanta willakuspayqa manam runakunapa yachayninman hinachu nitaq sumaq rimayman hinachu iñichiyta munarqani. Aswanqa iñichirqaykichikqa Chuya Espiritupa atiyninwanmi.