Hechos 5:25 - CHUYA QELLQA La Biblia en Quechua de Ayacucho 2012

²⁵ Chayllamanmi huk runa hamuspan nirqa: Chay carcelpi wichqasqaykichik runakunaqa templopiñam yachachichkanku, nispa.

Quechua Ayacucho Bible 1987

²⁵ Chay ratollam huk runa hamuspan nirqa: —Chay calabozopi wichqasqaykichik runakunaqa templopim yachachichkanku —nispa.

Chuya Qellqa 1992

²⁵ Chayllamanmi huk runa hamuspan nirqa: Chay carcelpi wichqasqaykichik runakunaqa templopiñam yachachichkanku, nispa.

Hechos 5:25 Iomraidhean Croise

Jeremías 26:2

kaynata nirqa: Temploypa pationpi sayaykuspayki tukuy kamachisqaykunata Judá nacionpi llaqtakunamanta yupaychawanankupaq hamuqkunaman willakamuy. Ama qonqaruspa imam kaqta willamuy.

Daniel 3:13

Chaymi rey Nabucodonosor sinchita piñakuspa Sadracta, Mesacta hinaspa Abed-negota pusachimurqa, paykunatam reypa ñawpaqninman chaylla pusaramurqaku.

Mateo 10:18

Ñoqaraykum reykunapa hinaspa kamachikuqkunapa qayllanman apasqa kankichik, chaynapi paykunamanwan Diosta mana reqsiqkunaman ñoqamanta willakunaykichikpaq.

Juan 11:46

Wakiqninñataqmi fariseokunaman Jesuspa imam ruwasqanta willamurqaku.

Hechos 3:1

Huk punchawmi kimsa hora tardeykuyta, Dios mañakuna horata, Pedrowan Juan temploman rirqaku.

Hechos 5:24

Templopi nanachikuq guardiakunapa kamachiqninwan, sacerdotekunapa kamachiqninkunam chayta uyariruspanku tapunakurqaku: ¿Imaraqchá pasakunqapas? nispanku.

Hechos 5:26

Hinaptinmi guardiakuna kamachiqninkupiwan rispanku, runakuna rumiwan choqaparunankumanta manchakuspanku mana imanaspalla pusamurqaku.