Hechos 5:16 - CHUYA QELLQA La Biblia en Quechua de Ayacucho 2012

¹⁶ Chaynallataqmi Jerusalenpa muyuriqninpi llaqtakunamantapas ach-kaq runakuna hamuspanku apamurqaku onqoqninkuta hinaspa demoniopa ñakarichisqan runakunatapas, hinaptinmi llapallanku sanoyarqaku.

Quechua Ayacucho Bible 1987

¹⁶ Chaynallataqmi huklaw llaqtakunamantapas hamuqku achka runakuna Jerusalenman onqoqninkuta hinaspa demoniopa ñakarichisqan runakunata apamuspanku chaymi llapallanku sanoyaqku.

Chuya Qellqa 1992

¹⁶ Chaynallataqmi Jerusalenpa muyuriqninpi llaqtakunamantapas achkaq runakuna hamuspanku apamurqaku onqoqninkuta hinaspa demoniopa ñakarichisqan runakunatapas, hinaptinmi llapallanku sanoyarqaku.

Hechos 5:16 Iomraidhean Croise

Mateo 2:16

Herodesmi chay yachayniyuqkunapa engañarusqanwan llumpayta piñakururqa, hinaspam kamachikurqa Belén llaqtapi chaynataq muyuriqnin llaqtakunapi kaq qari wawakuna, iskay watayuqmanta urayman wañuchisqa kananpaq. Chaytaqa ruwarqa yachayniyuqkunapa willakusqan tiempopa nisqanman hinam.

Mateo 4:24

Jesuspa ancha reqsisqa kayninta yacharuspankum Siria lawpi kaqkunapas tukuy rikchaq onqoywan kaqkunata, nanaywan ñakariqkunata, demoniopa ñakarichisqankunata, wañuymañayuqkunata hinaspa suchu-kunata apamurqaku, paykunatam Jesús sanoyachirqa.

Mateo 8:16

Tutayaruptinmi demoniokunapa ñakarichisqan achka runakunata Jesusman pusamurqaku, hinaptinmi rimariyllanwan chay demoniokunata qarqospan onqoqkunata sanoyachirqa.

Lucas 5:17

Huk punchawmi Jesús yachachichkarqa, chaypitaqmi fariseokunawan Diospa leynin yachachiqkunapas tiyachkarqaku, paykunaqa Galilea lawpi hinaspa Judea lawpi llaqtakunamantawan Jerusalenmantam hamurqaku. Diospa atiyninmi Jesuswan karqa onqoqkunata sanoyachinanpaq.

Lucas 6:18

Chaymi mana allin espiritukunapa ñakarichisqan runakunapas sanoyarqaku.

Lucas 9:11

Runakunañataqmi risqanta yacharuspanku qatirqaku. Chaymi Jesusqa paykunata chaskiykuspan Diospa munaychakuyninmanta yachachirqa, hinaspam onqoqkunatapas sanoyachirqa.

Juan 14:12

Cheqaptapunim nikichik, ñoqapi creeqqa ruwanqam ñoqapa ruwasqaykunata, payqa ñoqapa ruwasqaymantapas aswan hatun kaqkunataraqmi ruwanqa, chaynataqa ruwanqa Taytamanña risqayraykum.

Hechos 4:30

Qawachikuyá atiynikita llapa onqoqkunata sanoyachispayki hinaspa admirakuypaq milagrokunata sapaqchakusqayki serviqniki Jesuspa sutinpi ruwaspayki, nispanku.

Hechos 5:15

Onqoqkunatam camakunapi chaynataq chakanakunapi callekunaman hurqomuqku: “Ichapas kayninta Pedro pasaspan llantuyllanwanpas sanoyarachinman”, nispanku.

Hechos 5:17

Sumo sacerdotem hinaspa saduceokunapa qatiqninkunam llumpayta envidiakurqaku.

1~Corintios 12:9

Chay Espirituntakamallataq-mi wakinmanpas qon iñiy atiyta, wakin-manñataqmi onqoqkunata sanoyachi-nanpaq,

Santiago 5:16

Huchaykichikta willanakuspayá Diosta mañakuychik, chaynapi sanoyanaykichikpaq. Justo runapa tukuy sonqonwan Dios mañakusqanqa llumpay atiyniyuqmi.