Hechos 4:30 - CHUYA QELLQA La Biblia en Quechua de Ayacucho 2012

³⁰ Qawachikuyá atiynikita llapa onqoqkunata sanoyachispayki hinaspa admirakuypaq milagrokunata sapaqchakusqayki serviqniki Jesuspa sutinpi ruwaspayki, nispanku.

Quechua Ayacucho Bible 1987

³⁰ Qawachiyá atiynikita llapa onqoqkunata sanoyachispayki hinaspa admirakuypaq *f**milagrokunata sapaqchakusqayki serviqniki Jesuspa sutinpi ruraspayki.

Chuya Qellqa 1992

³⁰ Qawachikuyá atiynikita llapa onqoqkunata sanoyachispayki hinaspa admirakuypaq milagrokunata sapaqchakusqayki serviqniki Jesuspa sutinpi ruwaspayki, nispanku.

Hechos 4:30 Iomraidhean Croise

Éxodo 6:6

chayraykum Israelpa mirayninkunata ninki: Ñoqam Tayta Dios kani. Ñoqam Egipto nacionpi sasa llamkaykunamanta hurqosqaykichik, servipakuq kasqaykichikmantapas librasqaykichikmi. Atiyniywanmi hatun castigokunawan salvasqaykichik.

Jeremías 15:15

Dios Taytalláy, qamqa lliwtam yachanki, yuyariwaspaykiyá qawariway, cheqniwaqniykunata vengakuruy. Amayá paykunataqa llakipayaychu, amayá cheqniwaqniykuna wañuchiwanantaqa munaychu, yachankim qamrayku insultasqa kasqaytaqa.

Juan 4:48

Jesusñataqmi nirqa: Milagrokunatawan señalkunata mana rikuspaykichikqa, qamkunaqa manam creenkichikchu, nispa.

Hechos 2:22

Israelpa mirayninkuna, uyariwaychik: Yachasqaykichikpi hinapas, Diosmi qamkuna ukupi Nazaretmanta kaq Jesuspa atiyninta qawachirqa, paynintakama admirakuypaq milagrokunata hinaspa señalkunata ruwaspan.

Hechos 2:43

Apostolkunapa hatun milagrokuna hinaspa señalkuna ruwasqankuwanmi, llapa runakuna admirakuspa mancharisqallaña karqaku.

Hechos 3:13

Aswanqa ñawpaq taytanchik Abrahampa, Isaacpa hinaspa Jacobpa yupaychasqan Diosmi serviqnin Jesusta hatuncharqa. Paytam autoridadkunaman qoykurqankichik, gobernador Pilato librayta munaptinpas harkakurqankichikmi.

Hechos 3:16

Paypa sutinpim kay rikusqaykichik hinaspa reqsisqaykichik suchu runa sayarirun. Paypa sutinpim hinaspa payman iñisqanraykum kay runaqa pasaypaqta sanoyarun kunan qawasqaykichikpi hinapas.

Hechos 3:6

Pedroñataqmi nirqa: Manam kanchu qoriypas nitaq qollqeypas, aswanqa kapuqllaytam qosqayki: Nazaretmanta kaq Jesucristopa sutinpiyá hatarispayki puriy, nispa.

Hechos 4:10

Chaynaqa, ya-chaychikyá qamkunapas, yachachuntaqyá Israel llaqtapas, Nazaretmanta kaq Jesucristopa sutinpim kay runaqa allinyarun hinaspam sanoña qayllaykichikpi sayachkan. Chay Jesustam qamkuna chakatarurqankichik, ichaqa Diosmi wañusqanmanta kawsarirachimurqa.

Hechos 4:27

Cheqaptapunim rey Herodeswan Poncio Pilato kay llaqtapi huñunakururqaku huklaw nacionniyuq runakunawan hinaspa Israel llaqtawan qampa sapaqchakusqayki serviqniki Jesuspa contranpi.

Hechos 5:12

Llapa iñiqkunam huk sonqolla huñunakuqku templopi kaq Salomonpa portalninpi, apostolkunam Diospa atiyninwan admirakuypaq milagrokunata runakunapi ruwaqku.

Hechos 6:8

Estebanmi Diospa ancha bendecisqan kaspa chaynataq Diospa atiyninwan huntarisqa kaspan llapa runakunapa chawpinpi milagrokunata ruwaq.

Deuteronomio 4:34

¿Ima diostaq pruebakunata, señalkunata, milagrokunata hinaspa guerrakunata ruwaspan, paypa runankunaña kananchikpaq wakin nacionkunamanta akllawarqanchik? Señornikichik Tayta Diosllam Egipto nacionpi ñoqanchikpa qayllanchikpi chaynataq ñoqanchikrayku hatun atiyninwan hinaspa hatun castigowan mancharikuypaq kaqkunata ruwarqa.