Hechos 4:29 - CHUYA QELLQA La Biblia en Quechua de Ayacucho 2012

²⁹ Taytayku kunanqa qawayá imaynam amenazawasqankuta hinaspa serviqnikikunata kallpanchawayku mana manchakuspa qanmanta willakunaykupaq.

Quechua Ayacucho Bible 1987

²⁹ Taytayku kunanqa qawayá imaynam amenazawasqankuta, hinaspayá serviqnikikunata kallpanchawayku mana manchakuspa qanmanta rimanaykupaq.

Chuya Qellqa 1992

²⁹ Taytayku kunanqa qawayá imaynam amenazawasqankuta hinaspa serviqnikikunata kallpanchawayku mana manchakuspa qanmanta willakunaykupaq.

Hechos 4:29 Iomraidhean Croise

Isaías 58:1

Tayta Diosmi niwarqa: Ama manchakuspa qayaykachakuy, trompeta hina qapariy, mana kasukusqanmanta llaqtanman willay, huchallikusqankumanta Jacobpa mirayninkunaman willay.

Isaías 63:15

Dios Taytalláy, hanaq pacha suma-sumaq chuya wasikimanta qawarimuy. ¿Maypitaq kachkan atiynikiwan kuyakuynikiqa? ¿Maypitaq kachkan allin sonqo kaynikiqa? ¿Llakipayakuynikichu ñoqaykupaq tukurun?

Lamentaciones 3:50

hanaq pachamanta Tayta Dios qawarimunankama.

Lamentaciones 5:1

Dios Taytallayku, sasachakuypi kasqaykuta yuyariy, penqakuypaq kasqaykuta qawariy.

Ezequiel 2:6

Runapa churin, paykunataqa chaynataq imam nisusqaykitapas amam manchakunkichu. Kichkapa intusqan hinaña kaspapas otaq atoq-atoq urukunapa chawpichasqanña kaspapas, amam ima rimasqankutapas manchakunkichu, amataqmi paykunapa qayllanpiqa hukmanyankichu. Paykunaqa mana kasukuq runakunam.

Daniel 9:18

Diosnilláy, kumuykamuspayá uyariykullaway, ñawillaykitapas kichariykuspayá ñakariyniykutawan sutiki hatunchanayku llaqtapa purmasqa kasqanta qawariykuy. Ñoqaykuqa manam mañakuchkaykiku allin ruwasqaykupi hapipakuspachu, aswanqa ancha llakipayakuq kasqaykipi hapipakuspam.

Miqueas 3:8

Ñoqam ichaqa Tayta Diospa Espiritunwan, allin ruwayninwan, chaynataq atiyninwan huntasqa kachkani, Jacobpa mana kasukuyninta qawachinaypaq, Israelta huchanmanta qaqchanaypaq.

Hechos 13:46

Pablowan Bernabeyñataqmi mana manchakuspa nirqaku: Diospa palabrantaqa qamkunamanmi puntataqa willanayku karqa, ichaqa mana chaskiyta munaspaykichik, chaynataq wiñay kawsaytapas mana chaskispa wischupakusqaykichikraykum, mana judiokunamanña willakamusaqku.

Hechos 14:3

Chaywanpas Pablowan Bernabeyqa unaymi chay llaqtapi karqaku, hinaspam Señorman hapipakuspanku mana manchakuspa Diospa kuyakuyninmanta willakurqaku. Señorñataqmi willakusqanku cheqap kasqanta qawachinanpaq, paykunaman atiyta qorqa admirakuypaq milagrokunatawan señalkunata ruwanankupaq.

Hechos 19:8

Kimsa killapunim Pablo rirqa llapa judiokunapa sinagoganman, hinaspam paykunata iñichinanrayku, mana manchakuspa Diospa munaychakuyninmanta willakurqa.

Hechos 26:26

Rey Agripaqa yachanpunim tukuy kaykunataqa, chaymi paypa ñawpaqninpiqa cheqapta rimani. Sumaqtam yachan tukuy kaykunataqa, chaykunaqa manam pakasqallapichu pasakurqa.

Hechos 28:31

Mana manchakuspanmi Diospa munaychakuyninmanta willakuq, pipapas mana harkakusqanmi Señor Jesucristomanta yachachiq.

Hechos 4:13

Pedrowan Juan mana manchakuspa rimaptinkum llapa kamachikuqkuna uyarispanku admirakurqaku, paykunaqa yacharqakum Pedrowan Juanqa mana estudioyuq kasqankuta, chayraqmi musyarurqaku paykunaqa Jesuspa puriqmasinkuna kasqankuta.

Hechos 4:21

Chaykuna pasakusqanmanta llapa runakuna Diosta yupaychasqankuraykum Juantawan Pedrota autoridadkuna mana imayna castigayta atispanku amenazaykuspalla kachaykurqaku.

Hechos 4:31

Dios mañakuyta tukuruptinkum chay huñunakusqanku wasi katkatatarurqa, hinaptinmi Chuya Espíritu lliwman huntaykurqa. Chaymi manaña manchakuspanku Diospa palabranta willakurqaku.

Hechos 9:27

Ichaqa Bernabeymi Saulota apostolkunaman pusarqa, hinaspam willarqa Jesucristota ñanpi Saulo rikurusqanmanta, hinaspa imaynam Señorpa rimapayasqanmanta, chaynataq Damasco llaqtapi mana manchakuspa Jesucristomanta willakusqanmantapas.

Hechos 9:28

Chaymi Sauloqa Jerusalenpiña apostolkunawan puriq.

1~Corintios 14:13

Chaynaqa, pipas mana yachasqan rimayta rimaspanqa Diostayá mañakuchun chay rimasqanta uyariqninkunaman interpretananpaq.

2~Corintios 3:12

Confianzawan suyasqaykuraykum mana manchakuspa willakuniku.

Filipenses 1:14

Achkaq wawqe-panikunam preso kasqayta qawaspanku kallpanchakurqaku, mana manchakuspa Señorpi hapipakuspanku aswanraq Diospa palabranta willakunankupaq.

1~Tesalonicenses 2:2

Yachan-kichiktaqmi Filipos llaqtapi kamisqa, ñakarichisqa kachkaptiykupas Dios-ninchik kallpanchawasqankutapas, chay-mi mana manchakuspayku Diosmanta allin noticiata willarqaykiku, willarqaykikum achkallaña runakuna contraykupi sayarichkaptinkupas.

2~Timoteo 4:17

Señorninchikmi ichaqa ñoqawan kaspa kallpanchawarqa, chaynapi ñoqantakama mana judío kaqkunamanpas salvacionmanta willakuy tukusqa kananpaq. Chaynatam Señorninchikqa leonkunapa siminmanta libraykuwarqa.