Hechos 4:27 - CHUYA QELLQA La Biblia en Quechua de Ayacucho 2012

²⁷ Cheqaptapunim rey Herodeswan Poncio Pilato kay llaqtapi huñunakururqaku huklaw nacionniyuq runakunawan hinaspa Israel llaqtawan qampa sapaqchakusqayki serviqniki Jesuspa contranpi.

Quechua Ayacucho Bible 1987

²⁷ —Cheqaptapunim kay llaqtapi Rey Herodeswan Poncio Pilato hukllawakururqa huklaw nacionmanta hamuq runakunawan hinaspa Israel casta runakunawan qampa sapaqchakusqayki serviqniki Jesuspa contranpi.

Chuya Qellqa 1992

²⁷ Cheqaptapunim rey Herodeswan Poncio Pilato kay llaqtapi huñunakururqaku huklaw nacionniyuq runakunawan hinaspa Israel llaqtawan qampa sapaqchakusqayki serviqniki Jesuspa contranpi.

Hechos 4:27 Iomraidhean Croise

Jobwan Sutichasqa Libro 14:4

¿Pitaq qachata chuyayarachinman? Manam pipas atinmanchu.

Jobwan Sutichasqa Libro 15:14

¿Pitaq runaqa chuyapaq hapikunanpaqqa? ¿Pitaq warmimanta naceqqa chuyapaq hapisqa kananpaqqa?

Jobwan Sutichasqa Libro 25:4

¿Yaqachu pipas Diospa qayllanpi mana huchayuqpaq hapikunman? ¿Yaqachu warmimanta nacemuq runa chuyapaq hapikunman?

Isaías 37:26

¿Manachu yacharqanki ñawpaqmantaraq ñoqa Dios chaykuna ruwasqayta? ¿Ñawpaq punchawkunapiraq ñoqa tanteasqayta? chaykunatam kunan ruwani qanwan, hinaptinmi murallasqa llaqtakunata tuñichispa purmachimurqanki.

Isaías 49:7

Israelta libraq Tayta Diosmi nin, Israelpa chuya Diosninmi nin, wakin runakunapa usuchisqan runata, nacionkunapa cheqnisqan runata, kamachikuqkunapa serviqninmanmi nin: Reykunawan kamachikuqkunam qawasuspayki sayarispanku qayllaykipi kumuykunqaku. Chaynataqa ruwanqaku Israelpa ñoqa Tayta Diosnin akllaqniki kasqayraykum.

Isaías 53:3

Runakunapapas wischupakusqan qepanchasqan runam karqa, nanaypa huntasqan runam karqa, ñakariypa intuykusqan runam karqa, runakunapapas mana rikuy munasqankum karqa, paytaqa manam kaqpaqpas hapirqanchikchu.

Isaías 61:1

Tayta Diospa Espiritunmi ñoqapi kachkan, Tayta Diosmi sapaqchawaspan kamachiwarqa wakchakunaman allin noticiata willakamunaypaq, llakisqakunata consuelamunaypaq, presochasqakunata kacharimunaypaq, carcelpi kaqkunata libramunaypaq,

Mateo 14:1

Chay tiempopim Jesuspa ruwasqankunata Herodes uyarirurqa.

Mateo 14:3

Herodesmi Juanta hapirachimuspan cadenawan watasqata carcelpi wichqarachirqa. Chaynataqa ruwarqa wawqen Felipepa warmin Herodiaspa causanpim.

Mateo 14:6

Herodespa santonpim, Herodiaspa warmi wawan llapa runapa qayllanpi tusurqa, chaymi Herodesta gustaykusqanrayku,

Mateo 21:28

¿Imaninkichiktaq qamkuna? Huk runapam iskay churinkuna karqa, chaymi piwi churinta nirqa: “Churilláy, rispayá uvas chakranchikpi llamkamuy”, nispan.

Mateo 23:37

¡Jerusalén, Jerusalén! ¡Profetakunata wañuchispam qanman kachamusqakunata rumiwan chamqapanki! ¡Hayka kutitataq wawaykikunata huñuykuyta munarqani! imaynam chiwchinkunata wallpa rapran ukupi oqllaykuq hina, ichaqa manam munarqankichu

Mateo 27:2

Chaymi chaqnasqata pusaspanku gobernador Pilatoman entregaykurqaku.

Marcos 10:33

Jerusalén llaqtamanmi qespichkanchik, chaypim runapa Churinta sacerdotekunapa kamachiqninkunaman hinaspa Diospa leynin yachachiqkunaman entreganqaku, paykunam wañunanpaq sentenciaspanku Diosta mana reqsiq runakunaman entreganqaku.

Marcos 15:31

Chaynallataqmi sacerdotekunapa kamachiqninkunawan Diospa leynin yachachiqkunapas Jesusmanta burlakuspanku ninakurqaku: Wakinkunatam librarqa kikinmi ichaqa mana librakuyta atinchu.

Lucas 1:35

Chaymi angelñataq nirqa: Chuya Espiritum qanman hamunqa, hinaptinmi hanaq pachapi Diospa atiynin llantuy hina pampaykusunki. Chayraykum naceq chuya wawaqa Diospa Churinwan sutichasqa kanqa.

Lucas 22:63

Jesusta cuidaq runakunam paymanta burlakuspanku maqarqaku.

Lucas 23:1

Chaymantam llapallanku hatarispanku Jesusta Pilatoman pasachirqaku.

Lucas 4:18

“Tayta Diospa Espiritunmi ñoqapi kachkan, Tayta Diosmi sapaqchawaspan kamachiwarqa, wakchakunaman allin noticiata willakamunaypaq, llakisqa sonqoyuqkunata sanoyachimunaypaq, presokuna kacharisqa kanankupaq willamunaypaq, ñawsakunata ñawinta kichamunaypaq, ñakarichisqakunata libramunaypaq,

Lucas 9:22

Chaymantam discipulonkunata nirqa: Runapa Churinqa llumpaytam ñakarinqa, llapa ancianokunawan sacerdotekunapa kamachiqninkunam hinaspa Diospa leynin yachachiqkunam qepanchaspanku wañuchinqaku, ichaqa kimsa punchawmanmi kawsarimunqa, nispa.

Juan 1:11

Paypa kaqmanmi hamurqa, paypa kaqkunam ichaqa mana chaskirqakuchu.

Juan 10:36

Taytam sapaqchawaspan ñoqata kay pachaman kachamuwarqa, chaynaqa, ¿imaynataq ninkichik qamkunaqa: “Diostam kamichkan” nispaykichikqa, “Diospa Churinmi kani” nisqayraykuqa?

Juan 18:28

Caifaspa wasinmantam Jesusta pusarqaku gobernador Pilatopa pala-cionman. Achikyaramuptinmi judiokunaqa manaña palaciomanqa yaykurqakuchu. Chayman yaykuspaqa manañam Pascua carnerotaqa mikuyta atinmankuñachu karqa.

Juan 18:29

Chaymi Pilato hawaman lloqsimuspa paykunata nirqa: ¿Imamantataq kay runata acusankichik? nispa.

Juan 19:34

Chaymi Jesuspa waqtanta huknin soldado lanzawan tuksirurqa, hinaptinmi yawarwan yaku pawaramurqa.

Hechos 10:38

hinaspa imaynam Nazaretmanta kaq Jesucristota Chuya Espiritupa atiyninwan Dios huntaykusqantaqa; paymi purirqa allinkunata ruwastin chaynataq Satanaspa ñakarichisqan runakunata sanoyachistin, tukuy chaykunataqa ruwarqa paywan Dios kasqanraykum.

Hechos 2:27

Cuerpoytapas amam sepulturapiqa saqerunkichu, kuyasqaykitaqa amam sepulturapi asnarinantaqa saqerunkichu.

Hechos 4:30

Qawachikuyá atiynikita llapa onqoqkunata sanoyachispayki hinaspa admirakuypaq milagrokunata sapaqchakusqayki serviqniki Jesuspa sutinpi ruwaspayki, nispanku.

Hebreos 7:26

Payqa ñoqanchikpa allinninchikpaq Sumo sacerdotem, payqa chuyam, mana chikan huchayuqmi, mana qachayuqmi, huchasapakunamanta sapaqchasqam hinaspa cielokunapa hawanman churasqam kachkan.