Hechos 3:19 - CHUYA QELLQA La Biblia en Quechua de Ayacucho 2012

¹⁹ Chay-naqa, huchaykichikmanta wanakuspayá Diosman kutirikuychik, chaynapi tukuy huchaykichik chinkachisqa kaptin hamuq punchawpi Señorpa hawkayaynin hamusunaykichikpaq.

Quechua Ayacucho Bible 1987

¹⁹ Chaynaqa huchaykichikmanta wanakuspayá Diosman kutirikuychik chaynapi tukuy huchaykichikta chinkachiptin hamuq punchawpi Señor hawkayaypi samarichisunaykichikpaq.

Chuya Qellqa 1992

¹⁹ Chaynaqa, huchaykichikmanta wanakuspayá Diosman kutirikuychik, chaynapi tukuy huchaykichik chinkachisqa kaptin hamuq punchawpi Señorpa hawkayaynin hamusunaykichikpaq.

Hechos 3:19 Iomraidhean Croise

Isaías 43:25

Ñoqam ichaqa Diosniki kasqayrayku lliw mana kasukuynikikunata pampachayki, huchaykikunatapas manañam yuyasaqñachu.

Isaías 44:22

Ñoqam mana kasukuynikikunata puyuta hina chinkarachini, lliw huchaykikunatam sullata hina waspirachini. Ñoqaman kutirikamuway, reclamaqnikim kani.

Isaías 51:11

Tayta Diospa kutichimusqankunaqa, kusikuywan qaparispam Sión llaqtaman kutimunqaku, umankupas wiñaypaq kusikuywan coronasqam yaykunqaku. Ancha kusikuyllapiña tarikuptinkum nanaypas llakikuypas paykunamanta chinkanqa.

Isaías 6:10

Kay runakunapa yuyaymanayninta pantarachiy, mana uyarinankupaq rinrinkuta upayarachiy, mana qawakunankupaq ñawinkuta ñawsayarachiy, mana entiendespanku mana wanakunankupaq, chaynapi huchankuta mana pampachanaypaq, nispa.

Isaías 61:3

Sión llaqtapi llakisqakunaman uchpapa rantinpi coronataña qomunaypaq, waqaypa rantinpi kusikuytaña qomunaypaq, llakipi kaqkunatapas fiesta pachawan pachachimunaypaq. Paykunatam sutichanqaku: “Allinkuna ruruq Sachakuna, Tayta Diospa Atiyniyuq kayninta qawachiq Plantakuna” nispanku.

Isaías 61:9

Miraynikikunapas huklaw nacionkunapa reqsisqanmi kanqaku, willkaykichikkunapas llaqtakunapa reqsisqanmi kanqaku. Llapallan rikuqninkunam yachanqaku “Tayta Diospa bendecisqan miraykuna” kasqankuta.

Jeremías 36:3

Icharaqpas Judapa mirayninkunaqa tukuy ima castigokuna kachariy munasqayta uyarispanku mana allin kawsayninkumanta wanakunmanku, hinaptinqa mana allinkuna ruwasqankutawan huchankutam pampachaykusaq, nispa.

Jeremías 50:20

Ñoqa Tayta Diosmi kaynata nini: Chay punchawkunapiqa, Israel nacionpa mana allin ruwasqankuta maskaspankupas manam tarinqakuñachu, Judá nacionpa huchankunata maskaspankupas manam tarinqakuñachu. Puchuchisqay runakunapa huchantam ñoqa pampachasaq, nispa.

Lamentaciones 3:40

Imaynam kawsasqanchiktayá allinta qawarikusun, huktawanyá Tayta Diosman kutirikusun.

Lamentaciones 5:21

Dios Taytalláy, qanman kutirikunaykupaq kutirichiwayku, ñawpaq tiempopi hina musoqyachiwayku.

Ezequiel 33:11

Pay-kunaman ñoqa Tayta Diospa nisqayta kaynata niy: Ñoqa Tayta Diosmi sutiyrayku kaynata nikichik: Mana allin ruwaq runapa wañunantaqa manam munanichu, aswanqa mana allin ruwasqanmanta wanakuspa kawsakunantam munani. Chaynaqa, Israel miraykuna, ¡mana allin kawsasqaykichikmanta wanakuspa kutirikamuwaychik! ¿Imanasqataq huchaykichikpi wañunkichik? nispa.

Daniel 9:13

Moisespa qellqasqan yachachi-kuykunaman hinam kay tukuy ñakariy-kunaqa chayaruwanku. Dios Taytallayku, chaywanpas ñoqaykuqa manam qampa yanapakuynikitaqa maskarqanikuchu, mana allin ruwasqaykumantapas manataqmi wanakurqanikuchu, cheqap kaqnikikunataqa manam uyariqpas tukurqanikuchu.

Oseas 14:2

Tayta Diosman kutirikuspa kaynata ruegakuychik: “Tukuy mana allin ruwasqaykumanta pampachaykuwayku, kuyakuynikiwanyá simiykumanta lloqsiq yupaychayniykuta chaskiykuwayku.

Joel 2:13

Qamkunaqa sonqoykichikta llikipaychik, ama pachaykichiktachu; Tayta Diosman kutirikamuychik, payqa kuyapayakuspa llakipayakuqmi; anaqta piñakuspa llumpay kuyapayakuqmi, castigananpaqña kachkaspapas pampachakuqmi.

Mateo 13:15

Kay runakunapaqa sonqonkupas rumiyasqam kachkan, rinrinkupas upayasqam kachkan, ñawinkupas wichqasqam kachkan. Mana qawakunankupaqmi ñawinkutapas wichqarunku, mana uyarinankupaqmi rinrinkutapas taparunku, chaynapi mana entiendenankupaq nitaq ñoqaman kutirikamunankupaq, chaynapi ñoqapas mana sanoyachinaypaq”, nispa.

Mateo 18:3

nirqa: Sichum warmakuna hina mana kaspaykichikqa, cheqaptapunim Diospa munaychakuyninmanqa mana yaykunkichikchu.

Lucas 1:16

Israelpa achkaq mirayninkunatam Señor Diosninkuman kutichinqa.

Lucas 22:57

Chaymi Pedroñataq negakuspan nirqa: ¡Yaw warmi, manam reqsinichu! nispa.

Hechos 1:6

Huñunasqa kachkaptinkum apostolninkuna Jesusta tapurqaku: Señorllayku, ¿kunanpunichu Israel nacionta musoqmanta hatarichinki? nispanku.

Hechos 11:18

Chaynata Jerusalenpi kaq iñiqkuna uyariruspankum manaña Pedropa contranpichu karqaku, hinaspam Diosta yupaycharqaku: Chaynaqa, mana judío runakunamanpas Diosmi wanakuytaña qoykun wiñay kawsanankupaq, nispanku.

Hechos 11:21

Diospa atiyninmi paykunata yanaparqa, chaymi achka runakuna Jesucristoman iñikurqaku.

Hechos 15:3

Antioquía llaqtapi kaq iñiqkunapa kachasqanmi Jerusalén llaqtaman rirqaku, chaymi Fenicia lawninta hinaspa Samaria lawninta rispanku, mana judío kaqkunapas Diosman iñikusqankuta willakurqaku. Hinaptinmi lliw iñiqkuna chay willakuywan llumpayta kusikurqaku.

Hechos 17:26

Huk runallamantam tukuy hinastinpi kaq nacionkunata mirachirqa, chaynapi lliw kay pachapi yachanankupaq; paymi hayka watam kawsanankutapas señalarqa, chaynataq maypim yachanankutapas,

Hechos 2:38

Chaymi Pedroñataq nirqa: Huchaykichikmanta wanakuspayá sapakama Jesucristopa sutinpi bautizakuychik, chaynapi huchaykichikmanta pampachasqa kanaykichikpaq, hinaspam Chuya Espiritupa atiyninta chaskinkichik.

Hechos 28:27

Kay runakunapa sonqonqa rumiyarunmi, paykunaqa rikurirun sasa uyarikuqmi, ñawinkutapas wichqarunkum mana qawakunankupaq, upa tukurunkum mana uyarikunankupaq, chaynapi tukuy sonqonkuwan mana entiendenankupaq, chaynapi mana kutirikamuwanankupaq, chaynapi mana sanoyachinaypaq”, nispa.

Hechos 3:20

Chaynataqa ruwanqa Jesucristota qamkunaman kachamuspanmi. Chaytaqa ñawpaqmantaraqmi willasurqankichikña.

Hechos 3:21

Jesucristoqa hanaq pachapiraqmi kamunan, tukuy imakunatapas ñawpaqpi hina Dios allichanankama, chaytaqa ñawpaq tiempopi profetankunatakamam nirqaña.

Romanos 11:25

Wawqe-panillaykuna, munachkanim Diospa pakasqan kaqkuna yachanaykichikta, chaynapi kikikichikmanta mana hatun tukuq kanaykichikpaq. Wakin judiokunam sonqonkuta rumiyarachinku, chaynaqa kanqaku mana judío kaqkuna iñikuspa salvakuy tukunankukamam.

2~Tesalonicenses 1:10

Chay punchawmi Señor kutimunqa chuya llaqtanpa alabasqan chaynataq iñiqkunapa admirasqan kananpaq. Chaypim qamkunapas kankichik allin noticia willasqaykupi iñisqaykichikrayku.

2~Tesalonicenses 1:7

kunan ñakariqkunamanñataqmi samayta qosunkichik ñoqaykumanwan kuska, kaykunaqa pasakunqa Señor Jesucristo hanaq pachamanta atiy qosqan angelninkunawan rawrachkaq ninapi hina hamuptinmi.

2~Timoteo 2:25

Mana kasukuqkunatapas llampu sonqolla-wanmi corregiykunan, icharaqpas wana-kunanpaq Dios tiempota qoykunman, chaynapi cheqap kaqta reqsinankupaq,

Hebreos 4:1

Diospa qosqan samakuyman yay-kunanchikpaq promesan kachkaptinqa cuidakusunyá, yanqañataq huk-kaqnikichik mana yaykuwaqchikchu.

1~Pedro 2:25

Qamkunaqa chullaruq ovejakuna hinam karqankichik, kunanmi ichaqa Cristomanña kutirikunkichik, paymi allin michiq hina almaykichikta michichkan.

2~Pedro 3:8

Kuyasqay wawqe-panillaykuna, kaytaqa amayá qonqaychikchu: Señor-paqqa waranqa watam huk punchaw hinalla, huk punchawñataqmi waranqa wata hina.

Apocalipsis 21:4

Diosmi paykunapa weqenta pichanqa, manañam wañuypas, llakikuypas, waqaypas, allwakuypas nitaq nanaypas kanqañachu. Ñawpaq kaqkunaqa pasarunñam, nispa.