Hechos 3:17 - CHUYA QELLQA La Biblia en Quechua de Ayacucho 2012

¹⁷ Wawqekuna, ñoqaqa sumaqtam yachani, qamkunapas chaynataq ka-machiqnikichikkunapas pim Jesús kasqanta mana yachasqaykichikraykum wañurachirqankichik.

Quechua Ayacucho Bible 1987

¹⁷ —Wawqeykuna, ñoqaqa sumaqtam yachani, qamkunaqa Jesus pim kasqanta mana yachastinmi wañurachirqankichik autoridadninchikkunapiwan kuska.

Chuya Qellqa 1992

¹⁷ Wawqekuna, ñoqaqa sumaqtam yachani, qamkunapas chaynataq kamachiqnikichikkunapas pim Jesús kasqanta mana yachasqaykichikraykum wañurachirqankichik.

Hechos 3:17 Iomraidhean Croise

Génesis 21:26

Chaymi Abimelec nirqa: Manam yachanichu pim chayta ruwasusqaykita, qampas manataqmi willaykuwarqankichu, kunankamapas manam yacharqanichu, nispa.

Génesis 39:8

Joseyñataqmi mana munaspan patronanta nirqa: Patronniyqa wasinpi tukuy ima kaqkunatam ñoqaman saqeykuwan, chaynapim payqa manaña imamantapas preocupakunñachu.

Génesis 44:15

Hinaptinmi paykunata José nirqa: ¿Imatataq kayta ruwarunkichik? ¿Manachum yacharqankichik ñoqaqa adivinaq kasqayta? nispa.

Éxodo 32:1

Orqoman risqanmanta Moisés manaña rikurimuptinmi, Aaronman asuykuspanku llapa runakuna kaynata nirqaku: Pusawanankupaq dioskunata ruwapuwayku, Egipto nacionmanta hurqomuwaqniyku Moisestaqa imachá pasarun, manam yachanchikchu, nispanku.

Números 22:6

Chaylla hamuspa kay runakunata ñakaykapuway, paykunaqa ñoqamanta aswan atiyniyuq runakunam. Ñakaykuptikiqa ichapas ven-ceruspay allpaymanta qarqoruyman. Ñoqaqa yachanim pitapas bendeciptikiqa bendecisqa kasqanta chaynataq ñakaykuptikipas ñakasqa kasqanta, nispa.

Lucas 23:13

Pilatoñataqmi sacerdotekunapa kamachiqninkunata, judiokunapa kamachiqninkunata hinaspa llapa runakunata huñuruspan

Lucas 23:34

Jesusñataqmi nirqa: Taytáy, pampachaykuyá, manam ya-chankuchu imam ruwasqankuta, nispa. Llapa soldadokunañataqmi Jesuspa pachanta rakinakunankupaq sortearqaku.

Juan 15:21

Tukuy chaykunataqa ñoqaraykum ruwasunkichik, kachamuwaqniyta mana reqsisqankurayku.

Juan 16:3

Kaykunataqa ruwanqaku Taytatawan ñoqata mana reqsiwasqankuraykum.

Juan 7:52

Chaymi paykunañataq nirqaku: ¿Qampas Galilea llaqtayuqchu kanki? Qellqata qatipaspayá yachay, Galilea lawmantaqa manam ima profetapas hatarirqachu, nispanku.

Hechos 13:27

Jerusalenpi yachaqkunam llapa kamachiqninkunapiwan, Jesús pim kasqanta mana yachasqankurayku wañunanpaq sentenciarurqaku, chaynapim profetakunapa nisqankuna cumplikurqa. Sapa samana punchawpi leechkaspankupas manam entienderqakuchu.

Hechos 22:5

Tukuy chaykunataqa sumo sacerdotewan kamachikuqkunapas allintam yachanku. Paykunam Damasco llaqtapi judiomasinchikkunapaq cartakunata qowarqaku, chaynapim iñiqkunata kay Jerusalenman presota apamuspay castigachinaypaq rirqani.

Hechos 26:9

Ñawpaqtaqa kikiypunim piensar-qani Nazaretmanta kaq Jesuspa contranpi tukuy mana allinkuna ruwayta.

Hechos 28:21

Hinaptinmi paykunañataq nirqaku: Qanmantaqa manam ima cartatapas Judea lawmantaqa chaskirqanikuchu, manataqmi mayqan llaqtamasinchikkuna hamuqpas qampa contraykipiqa imatapas niwarqakuchu.

Hechos 7:40

Aaronta nirqaku: “Idolokunata ruwapuwayku Dios hina pusawananchikpaq. Egipto nacionmanta hurqomuwaqninchik Moisestaqa imachá pasarunpas, manam yachanchikchu”, nispanku.

Romanos 11:2

Ñawpaqmantaraq akllasqan llaqtantaqa Diosqa manam cheqnirqachu. Yachasqaykichikman hinam Qellqa willawanchik, imaynam Eliasqa Diosta mañakuspan Israelpa contranpi kayna rimasqanta:

1~Corintios 2:8

Kaytaqa manam kay pachapi mayqan kamachikuqkunapas yacharqakuchu, yachaspankuqa manachá Atiyniyuq Señorninchiktaqa chakatanmankuchu karqa.

2~Corintios 3:14

Paykunaqa manam entiendeyta atirqakuchu, kunanpas ñawpaq pactota leeptinkum yuyayninkuqa velowan tapasqa hina kachkan mana entiendenankupaq, chay tapaqninkuqa manaraqmi hurqosqaraqchu, chaytaqa Cristollam hurqonqa.

Efesios 4:18

Paykunaqa yuyayninku tutayasqa kaptinmi mana entiendenkuchu, Diospa qosqan musoq kawsaymantaqa karupim kachkanku, sonqonku rumiyasqa kasqanraykum mana yachayniyuq kachkanku.

Filipenses 1:22

Ichaqa kay pachapiraq kawsaspayqa Señorpaqmi imatapas allinta ruwayman, chaymi mayqan akllaytapas mana atinichu.

1~Timoteo 1:13

Ñawpaqtaqa ñoqaqa Diospa contranpim karqani, paypi iñiqkunatam qatikacharqani, chaynata ruwaspaymi payta piñachirqani. Ichaqa Diosmi llakipayariykuwarqa manaraq iñisqayrayku mana yachaywan chayta ruwasqaymanta.