Hechos 3:1 - CHUYA QELLQA La Biblia en Quechua de Ayacucho 2012

¹ Huk punchawmi kimsa hora tardeykuyta, Dios mañakuna horata, Pedrowan Juan temploman rirqaku.

Quechua Ayacucho Bible 1987

¹ Huk punchawmi tardeykuq las tresta Dios mañakuy horata, Pedrowan Juan temploman rirqaku.

Chuya Qellqa 1992

¹ Huk punchawmi kimsa hora tardeykuyta, Dios mañakuna horata, Pedrowan Juan temploman rirqaku.

Hechos 3:1 Iomraidhean Croise

1~Reyes 18:36

Wañuchisqan animalta kañananpaq sacrificio hora chayaramuptinmi, altarman asuykuspan profeta Elías kaynata qaparirqa: ¡Dios Taytalláy! ¡Abrahampa, Isaacpa hinaspa Israelpa Diosnin! ¡Israel nacionpi Dios kasqaykitayá kunan reqsichikuy, reqsichiytaq ñoqapas serviqniki kaspay kamachiwasqaykiman hina kaykuna ruwasqayta!

Éxodo 29:39

Huknin carnerotam ofrecenki tutapayta, huknin carnerotañataqmi tardeykuyta.

Daniel 6:10

Chay decreto firmasqa kasqanta Daniel yacharuspanmi wasinman rispan cuartonpa Jerusalén lawman qawaq ventanankunata kichaykurqa. Hinaspam qonqoranpa kimsa kutikama sapa punchaw Diosninta mañakuspan graciasta qorqa, imaynam ñawpaqta ruwasqanta hina.

Daniel 9:21

Diosman tardeykuq ofrendata ofrecena horata, ángel Gabriel altonta pawamuspa ñoqapa kasqayman chayaramurqa. Paytaqa punta visionniypipas rikurqaniñam.

Números 28:4

Huknin carnerotam tutapayta ofrecewankichik, huknintañataqmi inti seqaykuyta.

Mateo 17:1

Soqta punchaw pasaruptinmi, Pedrota, Jacobota wawqen Juantawan pusarikuspan alto orqopa puntanman Jesús qespirqa.

Mateo 26:37

Chaymantam Pedrotawan Zebedeopa iskaynin churinkunata pusarikurqa, hinaspam sinchillataña llakikuyta qallaykurqa.

Mateo 27:45

Chawpi punchawmanta kimsa hora tardeykuykamam kay pacha tutayarurqa.

Lucas 1:10

Inciensota kañanankamam, llapa runakunañataq Diosta mañakuspanku hawapi karqaku.

Lucas 18:10

Iskay runakunam Diosta mañakunankupaq temploman rirqaku. Hukninmi karqa fariseo, hukninñataq impuesto cobraq.

Lucas 22:8

Jesusñataqmi Pedrotawan Juanta kacharqa Pascua mikuyta ruwamunankupaq.

Lucas 24:53

Hinaspankum templopi tukuy tiempo kaspanku Diosta yupaycharqaku.

Juan 21:7

Jesuspa kuyasqan discipulonñataqmi Pedroman nirqa: Payqa Señormi, nispa. Simón Pedroñataqmi Señor kasqanta yacharuspan mana pachayuq kasqanrayku pachakuykuspan yakuman pawakuykurqa.

Hechos 10:3

Huk punchawmi yaqa kimsa hora tardeykuyta visionpi rikururqa, Diospa angelnin paypa kasqanman yaykuspa: ¡Cornelio! nisqanta.

Hechos 10:30

Chaymi Cornelioñataq nirqa: Tawa punchaw qepatam, kunan hina yaqa kimsa hora tardeykuyta kay wasiypi Diosta mañakuchkaptiy, suma-sumaq kancharichkaq pachayuq runa rikuriykuwarqa.

Hechos 2:46

Sapa punchawmi templopi huk sonqolla huñunakuqku, wasin-wasin huñunakuspam hatun kusikuywan mikuyta mikuqku, tantatapas partinakuspankum mikuqku.

Hechos 3:3

Chay suchu runam Pedrotawan Juanta temploman yaykuchkaqta rikuruspan limosnata mañakurqa.

Hechos 3:4

Pedrowan Juanñataqmi chay suchu runata qawarayaykurqaku, hinaptinmi Pedro nirqa: Qawawayku, nispa.

Hechos 4:13

Pedrowan Juan mana manchakuspa rimaptinkum llapa kamachikuqkuna uyarispanku admirakurqaku, paykunaqa yacharqakum Pedrowan Juanqa mana estudioyuq kasqankuta, chayraqmi musyarurqaku paykunaqa Jesuspa puriqmasinkuna kasqankuta.

Hechos 5:25

Chayllamanmi huk runa hamuspan nirqa: Chay carcelpi wichqasqaykichik runakunaqa templopiñam yachachichkanku, nispa.

Hechos 8:14

Samaria llaqtapi runakuna Diospa palabran chaskisqankuta yacharuspankum, Jerusalenpi apostolkuna Pedrotawan Juanta kacharqaku.

Gálatas 2:9

Jacobowan, Pedro hinaspa Juanmi iñiqkunapa kamachiqninkuna karqaku, paykunam Diospa kuyakuynin qowasqanta yachaykuspanku ñoqatawan Bernabeyta alleq makinkuwan hapiykuwarqaku llamkaqmasinkuña kanaykupaq, hinaspam kamachiwarqaku mana judío kaqkunaman willakunaykupaq, paykunañataq Judío kaqkunaman willakunankupaq, nispa.