Hechos 28:8 - CHUYA QELLQA La Biblia en Quechua de Ayacucho 2012

⁸ Publiopa taytanmi camapi calenturawan hinaspa diarreawan kachkarqa. Pablom watukuspan Diosta mañapurqa, paypa umanman makinta churaykuptinmi sanoyarurqa.

Quechua Ayacucho Bible 1987

⁸ Publiopa taytanmi camapi kachkarqa calenturawan hinaspa evacacionwan. Payta Pablo watukuspanmi Diosta mañapurqa, paypa umanman makinta churaykuptinmi sanoyarurqa.

Chuya Qellqa 1992

⁸ Publiopa taytanmi camapi calenturawan hinaspa diarreawan kachkarqa. Pablom watukuspan Diosta mañapurqa, paypa umanman makinta churaykuptinmi sanoyarurqa.

Hechos 28:8 Iomraidhean Croise

Mateo 10:1

Chaymantam Jesusqa chunka iskayniyuq discipulonkunata qayaspan, mana allin espiritukunata qarqonankupaq hinaspa tukuy rikchaq onqoyniyuqkunata-wan nanayniyuqkunata sanoyachinan-kupaq atiyta qorqa.

Mateo 10:8

Onqoqkunata sanoyachimuychik, wañusqakunata kawsarichimuychik, leprayuqkunata sanoyachimuychik hinaspa demoniokunata qarqomuychik. Qamkunaqa mana imallapaqmi chaskirqankichik, mana imallapaqtaqyá qomuychikpas.

Mateo 12:13

Hinaspam chay runata nirqa: Makikita haywariy, nispa. Haywariykuptinmi sanoyarurqa, hinaspam huknin makin hinaña rikurirurqa.

Mateo 9:18

Chaykunata Jesús rimachkaptinmi judiokunapa kamachiqnin chayaramuspan Jesuspa qayllanpi qonqorakuykuspan nirqa: Warmi churiymi kunallan wañukun, sichum rispayki llapchaykamuptikiqa kawsarirunqam, nispan.

Marcos 16:18

maqta urukunatam hapinqaku; imataña venenoyuqta tomaruptinkupas manam imananqachu; onqoqkunamanmi makinkuta churanqaku, hinaptinmi sanoyanqaku, nispan.

Marcos 5:23

Hinaspanmi Jesusta ruegakuspan nirqa: Warmi churiymi wañuruchkanña, ama hina kaspa wasiyta hakuchik, makikita churaykamuptikiqa sanoyaspam kawsanqa, nispan.

Marcos 6:5

Chayraykum llaqtanpiqa mana ima milagrotapas ruwarqachu, aswanqa as onqoqkunallatam makinta churaykuspan sanoyachirqa.

Marcos 7:32

Chaymanmi mana uyarikuq wata-wata rimaq runata aparamuspanku makinta churaykunanpaq ruegakurqaku.

Lucas 13:13

Warmipa hawanman makinta chu-raykuptillanmi chay warmiqa dere-chakuruspan Diosta hatuncharqa.

Lucas 4:40

Inti seqaykuchkaptinmi, tukuy rikchaq onqoyniyuqkunata Jesusman pusamurqaku, hinaptinmi sapakamaman makinta churaykuspan sanoyachirqa.

Hechos 28:7

Chay islapi kamachikuqmi karqa Publio sutiyuq, paypa chakrankunam ñoqaykupa hichpallaykupi karqa. Chaymi samaykachiwaspanku kimsa punchawpuni atiendeykuwarqaku.

Hechos 28:9

Chay islapi yachaq wakin onqoqkunapas chayta yacharuspankum Pabloman hamurqaku hinaspam sanoyarqaku.

Hechos 9:40

Pedroñataqmi chaypi kaqkunata lloqsirachispan, qonqorakuspan Diosta mañakurqa, hinaspam chay wañusqa warmita qawarispan nirqa: Tabita, hatariy, nispa. Chaymi Tabita qawarikururqa, hinas-panmi Pedrota rikuruspan tiyarirurqa.

1~Corintios 12:28

Diosmi iglesiapi puntata churarqa apostolkunata, iskay kaqpiñataq profetakunata, kimsa kaqpiñataq yachachiqkunata, chaymantañataq milagrokuna ruwaqkunata, onqoqkuna sanoyachiqkunata, yanapa-kuqkunata, imamantapas nanachikuqkunata hinaspa mana yachasqanchik rimaykuna rimaqkunata.

1~Corintios 12:9

Chay Espirituntakamallataq-mi wakinmanpas qon iñiy atiyta, wakin-manñataqmi onqoqkunata sanoyachi-nanpaq,