Hechos 28:4 - CHUYA QELLQA La Biblia en Quechua de Ayacucho 2012

⁴ Chay islapi yachaqkunañataqmi Pablopa makinpi maqta uru warkurayaqta rikuspanku ninakurqaku: Kay runaqa cheqaptapas runa wañu-chiqchusmi kanman, chaychusmi lamar qochamanta librakuruptinpas justicia ruwaq mamacha mana kawsananta munanchu, nispanku.

Quechua Ayacucho Bible 1987

⁴ Chay islapi *f**yachaqkunañataqmi Pablopa makinpi culebra warkurayaqta rikuspanku ninakurqaku: —Kay runaqa cheqaptapunich runa wañuchiq, hinaptinchá lamar qochamanta librakuruptinpas justicia ruraq mamacha mana kawsananta munanchu —nispanku.

Chuya Qellqa 1992

⁴ Chay islapi yachaqkunañataqmi Pablopa makinpi maqta uru warkurayaqta rikuspanku ninakurqaku: Kay runaqa cheqaptapas runa wañuchiqchusmi kanman, chaychusmi lamar qochamanta librakuruptinpas justicia ruwaq mamacha mana kawsananta munanchu, nispanku.

Hechos 28:4 Iomraidhean Croise

Génesis 3:1

Tayta Diospa unanchasqan llapallan purun animalkunamantam maqta uruqa llumpay sakri karqa. Warmitam chay maqta uru nirqa: Chaynaqa, ¿Dioschu nisurqankichik huertapi llapa sachakunapa ruruntaqa amam mikunkichikchu, nispa?

Proverbios 28:17

Runamasinta wañurachiq runaqa mana pipa harkasqanmi wañuyman chayanankama ayqenqa.

Isaías 26:21

Tayta Diosqa maypim kasqanmantam lloqsimunqa, paypa contranpi huchallikusqankuraykum kay pachapi yachaqkunata castigananpaq hamunqa; kay allpaqa manañam wañusqakunapa yawarninta pakanqañachu, wañusqakunatapas manañam pakanqañachu.

Isaías 43:20

Purun animalkunam yupaychawanqaku, atoqkunawan avestruzkunam yupaychawanqaku; yakukunata chunniqpi pawachisqayrayku, mayukunata chaki allpapi kallpachisqayrayku. Chaytam akllakusqay llaqtayman yakuta tomachinaypaq ruwarqani.

Sofonías 2:15

Chaynatam chay hatun tukuspa hawka kawsakuq llaqta tukunqa. Runankunapas chay llaqtamantaqa kaynataraqmi niqku: “Llaqtanchik hinaqa manam kay pachapi ima llaqtapas kanchu”, nispankuraq. ¡Imaynamá tuñichisqa, purun animalkunapa uchkunñaqa rikurirun! Pipas chayninta pasaqqa burlakuspam umantapas aywinqaraq.

Mateo 23:35

Chaynapim qamkunaman chayasunkichik llapallan allin ruwaq runakunapa yawarnin, allin ruwaq Abelpa yawarninmanta qallaykuspa Berequiaspa churin Zacariaspa yawarninkama. Paytam templomanta altarman rinapi wañurachirqankichik.

Mateo 27:25

Hinaptinmi llapallan runakuna nirqaku: ¡Paypa wañusqanmantaqa ñoqaykum mirayniykupiwan huchayuq kasaqku! nispanku.

Lucas 13:2

Chaymi Jesusñataq nirqa: ¿Creenkichikchu chay galileo runakuna wakin llaqtamasinkumantapas astawan huchasapa kasqankurayku chayna wañuchisqa kasqankuta?

Lucas 13:4

Siloé pozo-pa waqtanpi torre tuñiykuspanmi chun-ka pusaqniyuq runakunata wañurachirqa. ¿Creenkichikchu Jerusalenpi runakunamantapas aswan huchasapa kasqankuta?

Juan 7:24

Amayá qawasqaykichikman hinallachu juzgaychikqa, aswanqa ama pimanpas sayapakuspayá allin arreglota ruwaychik, nispa.

Hechos 28:2

Chay islapi yachaqkunam kuyakuyllawanña chaskiykuwarqaku, paraptin chirimusqanraykum ninata ratachispa niwarqaku: Lliwchaykichikyá qonikuychik, nis-panku.

Hechos 28:3

Pabloñataqmi chaki yantata hoqariykuspan ninaman hinaykuchkarqa, hinaptinmi venenoyuq maqta uru ninamanta ayqechkaspan Pablopa makinman wankukururqa.

Hechos 28:5

Pablom ichaqa chay maqta uruta ninaman taspiykurqa, paytaqa manam imanarqachu.

Apocalipsis 21:8

Manchatikunaqa, mana iñiqkunaqa, aychanwan millakuypaq kaq ruwaqkunaqa, runa wañuchiqkunaqa, huchapakuqkunaqa, layqakunaqa, idolokuna yupaychaqkunaqa hinaspa llullakuqkunaqa, azufreyuq nina lenwachkaq qochamanmi wischusqa kanqaku. Kayqa iskay kaq wañuymi, nispa.