Hechos 27:41 - CHUYA QELLQA La Biblia en Quechua de Ayacucho 2012

⁴¹ Aswanqa iskay lawmanta yakukunapa tupanakusqanman chayaruptiykum barcoqa aqopiña umanpa plantakururqa, chaynapim manaña kuyurirqachu. Barcopa qepa lawninta yaku nisyullataña laqyamuptinmi chitqakuytaña qallaykurqa.

Quechua Ayacucho Bible 1987

⁴¹ Aswanqa iskay lawmanta yakukunapa tupanakusqanman chayaruptiykum buqueqa aqopiña umanpa plantakururqa, chaynapim manaña kuyurirqachu. Buquepa qepa lawninta yaku nisyullataña laqyamuptinmi chitqakuytaña qallaykurqa.

Chuya Qellqa 1992

⁴¹ Aswanqa iskay lawmanta yakukunapa tupanakusqanman chayaruptiykum barcoqa aqopiña umanpa plantakururqa, chaynapim manaña kuyurirqachu. Barcopa qepa lawninta yaku nisyullataña laqyamuptinmi chitqakuytaña qallaykurqa.

Hechos 27:41 Iomraidhean Croise

1~Reyes 22:48

Josafatmi barcokunata ruwarqa Tarsis lawpi barcokunata hina, chaykunam Ofir lawman qorita apamunankupaq rirqaku, ichaqa Ezión-geber llaqtapa hichpanpim pakipakururqaku.

2~Crónicas 20:37

Hinaptinmi Maresa llaqtayuq Dodavapa churin Eliezer, rey Josafatpa contranpi kaynata profetizarqa: Rey Ocoziasman hukllawakusqaykiraykum ruwasqayki barcokunata Tayta Dios chinkarachinqa, nispa. Nisqanman hinam chay barcokuna pakipakururqa, hinaptinmi manaña Tarsis llaqtaman rirqakuñachu.

Ezequiel 27:26

Qamtaqa yaku qachipusuqnikikunam ukullay-uku lamar qochanta apasurqanki, ichaqa intipa qespimunan lawmanta pukumuq wayram lamar qochapa chawpinpi pakiparusurqanki.

Ezequiel 27:34

Kunanmi ichaqa lamar qochapa ñutusqan kachkanki, lamar qochapa chawpinmanmi wichiykunki. Tukuy imaykikunawan apasqayki runakunapas qanwan kuskam chinkaykunku.

Hechos 27:17

Churkuruptiykum seguranankupaq barcota waskakunawan watarqaku. Ichaqa Sirte sutiyuq yakupa huñusqan aqoman mana chocarunaykupaqmi barcopa velankunata hurqorurqaniku llutanpiña rinaykupaq.

Hechos 27:30

Barcopi llamkaqkunañataqmi rimanakururqaku chay barcomanta ayqekunankupaq, hinaspankum salvakunankupaq boteta uraykachiyta qallaykurqaku, chaytaqa ruwarqaku barcopa punta lawninta llasaq fierrokunata bajachiq tukuspallam.

Hechos 27:40

Barco takyachiq llasaq fierropa waskankunata kuchuruspankum hina yaku ukupiña saqerurqaku. Paskar-qakutaqmi barcopa timonnin watasqanku waskakunatapas, barcopa ñawpaqninpi velata altoman hoqariykuptinkum barcoqa qochapa patan aqollaña pampaman riyta qallaykurqa.

Hechos 27:42

Soldadokunañataqmi presokuna wañurachiyta munarqaku, chaynapi mayqanninkupas nadeaspa ama llupti-nankupaq.

1~Corintios 15:58

Chaynaqa, kuyasqay wawqe-pani-llaykuna, qaqa hina sayaspayá Señorpa llamkayninpi aswan llamkaychik. Qamkunaqa yachankichikmi Señorpaq llamkasqaykichikqa manam yanqapaqchu kanqa.